ЯҢАЛЫКЛАР

Олы Шыңар авыл җирлегендә “Агач утырту көне” акциясе барышында чыршы үсентеләре утыртылды

 Олы Шыңар авыл җирлегендә тирәлекне чистарту буенча  өмәләр дәвам итә, куаклар һәм үсентеләр кисү эшләре алып барыла.

Олы Шыңар авыл җирлегендә сугыш ветераннарының тол хатыннарын якынлашып килүче Җиңү көне белән котладылар . Толларга Татарстан Республикасы Президенты исеменнән котлау открыткалары һәм бүләкләр тапшырылды.

24 апрель көнне Олы Шыңар авыл җирлегендә  өмә оештырылды. Бюджет учреждениеләре үз участокларын чистарттылар, баганалар агартылды.

10 апрель көнне Кече Шыңар мәдәният йортында Туган телләр һәм Халыклар бердәмлеге елына багышланган "Туган телемдә былбыл сайратам"дип исемләнгән зур тематик концерт булып узды. Концерт "Мирас" фольклор коллективы чыгышында, "Шәл өмәсе"халык йоласын күрсәтү белән башланып китте. Авыл үзешчәннәре әзерләгән чыгышларны, төрле милләт, төрле буын вәкилләре башкаруындагы җыр-биюләрне көчле алкышлар белән каршы алдылар.

Олы Шыңар авыл җирлегендә язгы су басуга каршы чаралар эшләнде, суүткәргеч торбалар кардан, боздан чистартылды, канаулар казылды.

21 март көнне Кече Шыңар мәдәният йортында "Нәүрүз" бәйрәме үткәрелде. Бу бәйрәмгә зур һәм төрле программа әзерләнгән  -  бәйрәм хуҗалары “Нәүрүз” һәм «Кояш» чакырылган иде. Кыш һәм Кыш Бабай Язга үз хокукларын бирергә теләмәде, шулай да Нәүрүзбикә җиңде. Чарада катнашучылар алар белән бергә җырлар җырладылар, биеделәр, халык уеннары уйнадылар, яз турында табышмаклар чиштеләр. Чара ахырында тәмле чәй эчтеләр, барысын да коймак һәм ботка белән сыйладылар.

Кече Шыңар мәдәният йорты иҗат коллективлары "Торсак та без төрле җирләрдә, без яшибез татар илендә"район конкурсының зона этабында катнаштылар һәм түбәндәге номинацияләрдә чыгыш ясадылар: бию( Уйгыр халык биюе, "Дуслык" бию композициясе), вокал (Әхмәтова Рамилә һәм Камиләнең"Карауҗа авылы көе" вокаль дуэты), фольклор ("Мирас" фольклор коллективы, "Шәл өмәсе" халык йоласы), сәнгать ("Сердәш" иҗат коллективы, "Шәһри Болгар" сәнгать композициясе).

12-13 март көннәрендә Казан шәһәрендә  Көрәш буенча Россия Беренчелегенә, 14 март көнне Сумо көрәше буенча Татарстан Республикасы Беренчелегенә ярышлар  булып узды. Олы Шыңар урта мәктәбе укучысы Артем Варламов Корэш буенча 75 кг авырлык категориясендә 1 урын, Сумо буенча 70 килограммнан югары  авырлык категориясендә 1 урын яулады. Тренеры – Набиуллин Илфат Нәҗип улы.

6 март көнне Кече Шыңар мәдәният йортында  " Их, нинди хатын-кызлар! дип аталган кичә оештырылды. Чара Олы Шыңар авыл җирлеге башлыгы һәм "Туган як" ҖЧҖ җитәкчесенең котлау сүзләре белән башланып китте. Авыл хатын-кызлары өчен бәйрәм чарасы зур бүләк булды, алар үз адресларына бик күп җылы сүзләр ишеттеләр, кызыклы конкурсларда катнашып, кәефләрен  күтәрделәр.