ЯҢАЛЫКЛАР

МДСУ «Балтач» Олы Шыңар авыл җирлегенең Кооператив урамына яңа асфальт җәю эшләрен төгәлләде. Сыйфатлы асфальт җәю транспорт чараларының хәрәкәт итүендә уңайлылык тудыра. Хәзер авыл халкы озак еллар хезмәт итәчәк тигез һәм нык юллардан файдалана алачак.

15 август көнне  «Татарстанда җәй» проекты кысаларында, Кече Шыңар  мәдәният йорты хезмәткәрләре  балалар белән берлектә  «Туган як» җәмгыятенең  ындыр табагында эшләүчеләр алдында концерт номерлары белән чыгыш ясадылар.

Балалар башкаруында  туган җиргә, туган илгә, якыннарга һәм туганнарга булган мәхәббәт турында җырлар яңгырады. Авыл хезмәтчәннәре "кечкенә артистларга" үзләренең  рәхмәтләрен белдерделәр.

Олы Шыңар авылының Абдулла Алиш урамында гражданнарның үзара салымы хисабына каты өслекле юл салынды. Урамда яшәүчеләр уңайлылык һәм хәрәкәт куркынычсызлыгын тәэмин итә торган сыйфатлы юлдан файдалана алачак.

Олы Шыңар авыл җирлегендә гражданнарның үзара салымы хисабына эшләр дәвам итә. Кече Шыңар авылында гражданнарның үзара салымы хисабына каты өслекле юл салынды. Юлларны ремонтлау халык өчен уңайлылык һәм куркынычсызлык дәрәҗәсен арттырачак.

Олы Шыңар авыл җирлегендә гражданнарның үзара салымы хисабына эшләр дәвам итә. Чулпыч авылында гражданнарның үзара салымы хисабына каты өслекле юл салынды. Юлларны ремонтлау халык өчен уңайлылык һәм куркынычсызлык дәрәҗәсен арттырачак.

9 август көнне «Татарстанда җәй» проекты кысаларында ачык һавада «Авыл урамнары буйлап барам» дигән урам концерты булды. Концертны Олы Шыңар авылының Муса Җәлил урамында яшәүче яшьләр әзерләде. Чарада катнашучылар  матур музыкаль номерлар күрсәттеләр. Бәйрәм атмосферасын җанлы музыка һәм җәйге кичнең җылы мөхитеннән ләззәт алган җирле халык та хуплады.

Олы Шыңар авыл җирлегенең Оет авылында М.Җәлил урамы буенча гражданнарның үзара салымы хисабына каты өслекле юл салынды. Юлларны ремонтлау халык өчен уңайлылык һәм куркынычсызлык дәрәҗәсен арттырачак. «Рамазан» оешмасы үз эшен сыйфатлы башкара.

7 август көнне Оет авылы клубы мөдире «Туган як мәңгегә сөекле» исемле танып-белү программасы үткәрде. Чара барышында балалар авылның гаҗәеп табигате, шулай ук аның барлыкка килү тарихы белән таныштылар. Чарада катнашучылар туган якны өйрәнү викторинасында бик теләп катнаштылар.

5 август көнне  Оет авыл клубы мөдире "Светофор - җәяүленең дусты, ул юл буенда тора»дигән танып белү – уен сәгате үткәрде. Чарада балалар юлда үз-үзеңне тоту кагыйдәләре турында сөйләштеләр. Алар юл билгеләре, светофор сигналлары белән таныштылар, транспорт һәм җәяүлеләр турында тагын бик күп кызыклы мәгълүматләр алдылар. Куркынычсызлык әлифбасын җиңелрәк өйрәнү өчен, балаларга командаларга бүленеп табышмаклар, ребуслар һәм викториналар рәвешендә мавыктыргыч биремнәр үтәргә тәкъдим ителде. Җаваплар вакытында балалар юл йөрү кагыйдәләрен белүләрен, зирәклекләрен һәм игътибарлылыкларын күрсәттеләр.

2 август көнне Кече Шыңар мәдәният йорты хезмәткәрләре, «Татарстанда җәй» проекты кысаларында, татар халкының гореф-гадәтләрен саклап, Олы Шыңар авылы халкы өчен кич утыру оештырдылар. Бу юлы Һади Такташ урамында яшәүчеләр җыелды, халыкта бу урамны  - «Арт урам» дип йөртәләр.

Кич  утыру - нәселдән килгән халык йолаларының берсе, ул кешеләрне берләштерә, күршеләргә, кунакларга һәм авыл халкына җәйге җылы кичләрдә аралашырга мөмкинлек бирә. Авылдашлар бу очрашуны түземсезлек белән көттеләр, табын әзерләделәр, самавырдан чәй эчтеләр, авылдашларының тормышыннан кызыклы вакыйгаларны, яшьлекләрен искә төшерделәр. Бу вакытта балалар урам уеннары уйнадылар, спорт ярышларында катнаштылар, өлкәннәр гармунга авыл көйләрен җырладылар, "Наза", "Түгәрәк уен", "Йөзек салышлы" уеннарын уйнадылар. Бәйрәм күңелле узды, барысы да канәгать калды.