ЯҢАЛЫКЛАР

16 гыйнварда Оет авылында яшәүче Закирова Хәкимә Әхмәтгалим кызына   104 яшь тулды. Саба районы башкарма комитеты җитәкчесе Ишниязов М.Р.,  Саба районы администрация җитәкчесе Каримов М.Р.,  Олы Шыңар авыл җирлеге башлыгы А.Г. Гарипов, “Туган Як” җәмгыяте директоры Мехәмәтов И.Ш.  Хәкимә апаны туган көне белән котладылар

2020 елда Олы Шыңар авыл җирлегендә күп үзгәрешләр булды. Авыл җирлеге администрация бинасы төзелде, Шыңар мәдәният йортында капиталь ремонт ясалды, яшь белгечләр өчен 7 аренда йорты төзелде. 13 гыйнвар көнне Саба муниципаль районы башлыгы Р.Н.Миннеханов, аның урынбасары Р.Р.Закирҗанов, башкарма комитет җитәкчесе М.Р.Ишниязов катнашында  яңа биналарны карау үткәрелде.

“Туган Як” ҖЧҖнең хуҗалык остаханәсендә авыл хуҗалыгы техникаларын ремонтлау эшләре бара.

Олы Шыңар авыл җирлегендә  Олы Шыңар авыл зираты территориясен чистарту эшләре башланды.

Олы Шыңар авыл җирлеге биләмәсендә авыл юлларын кардан чистарту “Туган Як” җәмгыяте техникасы ярдәмендә башкарыла. Олы Шыңар, Кече Шыңар, Оет, Чулпыч авылы урамнары  даими рәвештә кардан чистартылып тора.

Кече Шыңар авылында Мирная урамында  "Авыл территорияләрен комплекслы үстерү"программасы буенча торак төзелеше бара.

30 декабрь көнне Кече Шыңар мәдәният йорты хезмәткәрләре "Тылсымлы кичә"дип исемләнгән театральләштерелгән бәйрәм үткәрделәр

2020 елда район оешма-предприятиеләре арасында уздырылган  "Буыннар чылбыры"-  "Связь поколений" дип исемләнгән  иҗат - отчет концертларында өченче урын яулаган өчен  Олы Шыңар авыл җирлеге III дәрәҗә Диплом белән бүләкләнде.

Олы Шыңар авыл җирлегенең Олы Шыңар авылында Г.Тукай урамыннан чишмә территориясенә һәм авылның үзәк урамына күчү өчен җәяүлеләр күпере куелды.

 Олы Шыңар авыл җирлегендәге һәрбер оешма үз биләмәсендә Яңа елга бәйрәмчә бизәлеш ясый.