Олы Шыңар авыл җирлегендә шәхси хуҗалыкларны яңа елга бизәү буенча «Иң купшы  утар» конкурсы игълан ителде.

Олы Шыңар авылы хоккей мәйданчыгында  боз катыру бара.

Олы Шыңар авылында чишмәләр һәм сулыклар территорияләрен төзекләндерү максатында, су юлларын чистарту, куаклар һәм үсентеләр кисү эшләре башланды.

Кече Шыңар авылында Мирная урамында  "Авыл территорияләрен комплекслы үстерү"программасы буенча торак төзелеше бара. Төзелеш эшләрен "ПМК 159" ҖЧҖ башкара

5 декабрь көнне Кече Шыңар мәдәният йорты хезмәткәрләре мөмкинлекләре чикләнгән кешеләрне чакырып, "Көзге сагышларга уралмыйк әле.." ял кичәсе үткәрделәр. Әлеге чарага авылда яшәүче –мөмкинлекләре чикләнгән кешеләр чакырылган иде.

27 ноябрь көнне Кече Шыңар мәдәният йорты хезмәткәрләре «Ана даны-Материнская слава» медале белән бүләкләнгән, биш һәм аннан да күбрәк бала тапкан, һәм аларны лаеклы кешеләр итеп тәрбияләгән әниләрне өйләренә барып котладылар.

29 ноябрь көнне Әниләр көне уңаеннан Саба муниципаль районы башлыгы Р.Н.Миңнеханов исеменнән Олы Шыңар авыл җирлеге башлыгы А.Г. Гарипов  Оет авылында яшәүче Закирова Хәкимә Әхмәтгалим кызын  котлады һәм аңа «ТАССР төзелүгә 100 ел» медален тапшырды.

24 ноябрь көнне “Саба дулкыннары” теле-радио компаниясенең “Авыл уңганнары – хезмәт батырлары” тапшыруында Шыңарлылар чыгыш ясады. “Туган як” җәмгыяте алдынгылары үз эшләренең осталары һәм шәп артистлар. Әйе, алар авылда торып, терлекчелектә, игенчелектә хезмәт куючылар, кайда эшләгәнлекләрен ишетми калсаң, чын-чынлап мәдәният өлкәсендәгеләр дип тыңлап утырыр идең.

Олы Шыңар авылында Усманов Камил хуҗалыгында каз йолку өмәсе үткәрелде.“Каз өмәсе” элек-электән татар авылларының милли бизәге булып саналган. Каз йолку - ул эш кенә түгел, ә якыннарың белән аралашу өчен дә бер сәбәп булып тора. Без бүген шул йоланы тагын бер кат яңартырга уйладык", - диде йорт хуҗасы.
 

2020 елда Олы Шыңар авыл җирлегендә  “Яшь белгечләр өчен яңа торак “ программасы буенча  7 йорт  төзү планлаштырылган иде.