ЯҢАЛЫКЛАР

3 август көнне  Оет авыл клубы мөдире  "Татарстанда җәй" проекты кысаларында «Традицион булмаган рәсем техникасы» темасына мастер - класс үткәрде. Традицион булмаган техника белән рәсем ясау-ул теләсә кайсы яшьтәге балаларны гаҗәпләндерә һәм сокландыра торган мавыктыргыч эшчәнлек. Болар-бармак белән рәсем ясау, кул белән рәсем ясау, мамык таякчыклар белән рәсем ясау һ. б. Мастер-класста катнашучыларның барысына да традицион булмаган ысул белән рәсем ясау ошады, алар бик күп кызыклы һәм файдалы мәгълүмат алдылар.

2 август көнне Оет авылы клубы мөдире "Зарарлы гадәтләр белән көрәш"исемле аралашу сәгате үткәрде. Чара барышында балалар файдалы һәм зарарлы гадәтләр турында мәгълүмат алдылар. Аларның барлыкка килү сәбәпләре һәм нәтиҗәләре турында фикер алыштылар. Шулай ук «Начар гадәттән авыруга» дигән зур булмаган видеоролик карадылар.

Балаларның җәйге каникулларын тагын да күңеллерәк итү өчен Кече Шыңар мәдәният йортында 30 июль көнне матур тамаша оештырылды. Бу мавыктыргыч тамаша балалар өчен чын бәйрәмгә әверелде, чөнки ул яктылык, музыка һәм мавыктыргыч сюжет тылсымын берләштерде. Оештыручылар  чын бәйрәм атмосферасын тудырып, заманча технологияләрне оста кулландылар. Бу чара балаларга онытылмаслык тәэсирләргә чумарга мөмкинлек бирде, җәйге каникулларның якты вакыйгасына әверелеп, бик күп уңай хис-кичерешләр бүләк итте.

Бүген Кече Шыңар авылында күптән көтелгән юл эшләре башланды. Авыл халкы юлны реконструкцияли башлауны түземсезлек белән көтте. Таш салу юлны тагында нык итәчәк.

25 июль көнне Олы Шыңар авыл китапханәчесе балаларны төрле газета-журналлар белән таныштырды. Балалар журнал битләре буйлап мавыктыргыч сәяхәт ясадылар.

 Балалар өчен журнал битләрендә күпме файдалы һәм мавыктыргыч, күңелле һәм гыйбрәтле мәгълүмат басылган!

Бүген Олы Шыңар авыл җирлегенең Кооператив урамында  МДСУ «Балтач» оешмасы  юлны ремонтлау эшләрен башлап җибәрде. Эшләр каты өслекле юллар салуны, инфраструктураны яхшыртуны һәм хәрәкәт иминлеген арттыруны үз эченә ала. Эшләрне төгәлләү халыкның уңайлылыгын сизелерлек арттырыр дип көтелә.

21 июльдә Олы Шыңар авыл җирлеге территорияләрендә махсус техника-манипуляторлар ярдәмендә чүп-чардан чистарту эшләре оештырылды. Мондый чаралар чисталыкны һәм тәртипне саклауга, шулай ук экологик хәлне яхшыртуга юнәлдерелгән.

Даими рәветә чистарту эшләре үткәрү халык өчен уңайлырак һәм куркынычсызрак шартлар тудыруга, әйләнә-тирә мохиткә җаваплы мөнәсәбәт булдыруга һәм табигый матурлыкны саклап калуга ярдәм итә.

19 июльдә «Олимп» паркында Оет авыл клубы традицион милли бизәнү әйберләре ясау буенча мастер-класс оештырды. Мастер-класста катнашучылар халык һөнәрчелеге сәнгате белән таныша алдылар, үз куллары белән төрле эшләнмәләр ясадылар. Барлык катнашучылар да үз хезмәтләренең нәтиҗәләреннән канәгать калдылар.

17 июльдә Оет авылы клубы мөдире «Татар халык уеннары»дигән уен программасы үткәрде. Чара башында балалар белән татар халык уеннары, аларның тарихы һәм татар халкы мәдәниятендәге әһәмияте турында сөйләштеләр. Аннары балалар рәхәтләнеп уеннар уйнадылар. Бу уеннар балаларның күңелен ачып кына калмыйча, аларга татар халкының мәдәнияте һәм гореф-гадәтләре белән яхшырак танышырга да ярдәм итте. Чара җылы һәм дустанә атмосферада узды, барлык катнашучыларда күңелле тәэсирләр һәм яхшы кәеф калдырды.

Олы Шыңар авыл җирлеге биләмәсендә әйләнә-тирә мохитне чистарту максатында чүп үләннәрен чабу  даими алып барыла.