ЯҢАЛЫКЛАР

Югары Симет урта мәктәбендә өлкәннәр көне билгеләп үтелде. Шушында эшләп лаеклы ялга чыккан укытучыларга, хезмәткәрләргә укучылар концерт номерлары куйдылар. Өлкәннәр балаларның сорауларына җавап бирделәр, яшьлек хатирәләре белән уртаклаштылар. Мәктәп директоры Гарифуллин Рафис Нәкыйп улы өлкәннәрне бәйрәм белән котлады.

Саба районы мәктәпләре арасында көзге кросс ярышында Югары Симет урта мәктәбе укучылары уңышлы чыгыш ясадылар. Барлыгы 8 укучы катнашып 5 се призлы урыннарга лаек булдылар. Барлык мәктәпләр арасында 2 урынны алдылар. Укучыларга һәм аларны әзерләгән укытучылары Саубанов Айгиз Рафисовичка алга таба да зур уңышлар теләп калабыз.

26 – 28 сентябрь көннәрендә Актанышта узган Татарстан Республикасының Беренче Президенты Кубогына 2008-2010 елда туган яшүсмерләр арасында милли көрәш бәйгесендә авылыбыз егетләре зур уңышка ирешеп кайттылар. Ахмадуллин Булат 80 кг улчәүдә 2 урын, Ибрагимов Илшат 80 кг авыр улчәүдә 3 урынны алдылар. Тренерлары Закиров Делюс Редаил улы. Көрәшчеләрне уңышлары белән котлыйбыз.

21 сентябрьдә Байлар Сабасында "Кабак-24" зур бәйрәме узды. Быел бу бәйрәм-конкурста Югары Симет мәдәният йорты китапханәсе хезмәткәрләре дә катнашты. Һәрвакыт бу конкурста катнашып, без гадәти булмаган эшләнмәләр-фигуралар уйлап табарга тырышабыз. Бу юлы Гаилә елына кечкенә сәхнә әзерләдек һәм бәйрәмгә Кәҗә белән бергә килдек. Җигелгән кәҗә мәйданчыкта балаларны йөртте һәм кунакларны сөендерде. Кабак белән төрле ашамлыклардан күргәзмә ясадык. Өстәлнең нәкъ уртасында кабактан ясалган зур самовар тора иде. Кунакларны икмәк, шигырьләр белән каршы алдылар. Шулай ук фотозона да ясалды, анда теләгән кунаклар рәхәтләнеп фотога төшә алдылар.

21 сентябрь көнне Югары Симет авыл җирлегендә Бөтенроссия йөгеру көне “Милләтләр кроссы-2024" үткәрелде. Югары Симет урта мәктәбе укучылары ярышның иң актив катнашучылары булды. Чарада җиңүчеләргә  диплом һәм акчалата бүләк тапшырылды.

Югары Симет авыл җирлегендә 20 сентябрь көнне агач утырту акциясе булып узды. Чарада Югары Симет урта мәктәбе укучылары катнашты.

Җаваплылыгы чикләнгән “Симет” җәмгыятендә кукурузны силоска җыю башланды. Барлыгы 300 гектар мәйданда җыеп аласы бар.

Җаваплылыгы чикләнгән “Симет” җәмгыятендә кыр эшләре дәвам итә. Хәзерге вакытта туңга сөрү эшләре башкарыла.

8 сентябрь көнне Татарстан Республикасы Дәүләт Советына 7 нче чакырылыш депутатларын һәм №47 Кукмара бермандатлы сайлау округы буенча депутат сайлаулары булып узды. Югары Симет авыл җирлегенә кергән сайлаучылар сайлауда һәм "Бөтен гаилә белән сайлауларга" акциясендә дә актив катнаштылар. Барлык сайлаучыларга да сайлауда актив катнашканнары өчен рәхмәт белдерәбез!

Югары Симет мәдәният йорты хезмәткәрләре, Түбән Симет мәдәният йорты белән берлектә, "Симет" ҖЧҖ комбайнчылары алдында концерт номерлары белән чыгыш ясадылар. Урып-җыю чорында катнашучылар хөрмәтенә шигырьләр, җырлар һәм иң җылы теләкләр яңгырады. Мәдәният хезмәткәрләре барлык хезмәткәрләргә сәламәтлек һәм уңышлар теләде.