ЯҢАЛЫКЛАР

5 нче февраль көнне Югары Симет авыл җирлеге гражданнары җыены булып узды. Җыен Югары Симет авылы мәдәният йортында үткәрелде.

Гаилә-безнең өчен барысы да! Бу безнең нәсел, безнең традицияләр, туганлык, анда без ярдәм, аңлау һәм кайгырту табабыз. Нык гаилә һәм аның кыйммәтләре-безнең дәүләтнең нигезе. Россия Федерациясе Президенты Указы белән 2024 ел Гаилә елы дип игълан ителде.

Югары Симет мәдәният йорты хезмәткәрләре, урта гомуми белем бирү мәктәбе белән берлектә, Гаилә елын ачуга багышланган ял кичәсе уздырдылар.

31 январь көнне Югары Симет мәдәният йортында җаваплылыгы чикләнгән "Симет" җәмгыятенең 2023 елда эшләгән эшләренә отчет җыелышы булып узды. Һәр тармак җитәкчесе эшләнгән эшләргә анализ ясады, алдагы елга планнар белән таныштырды.

27 январь көнне Югары Симет авылы мәчетендә   “Файдалы сәгать” вәгазе кичәсе үткәрелде.  Мәчеткә килүчеләр Айнур хәзрәт Кәримов белән Илнур хәзрәт Муллагалиевнең үтемле вәгазен тыңлап, үзләрен кызыксындырган сорауларга җавап та алдылар.

Югары Симет авыл җирлеге 2023 елда Милли мәдәниятләр һәм гореф-гадәтләр елы уңаеннан уздырылган “Милләт яме - йола бәйрәмнәрдә!” район фестиваль конкурсында 3 дәрәҗә диплом белән бүләкләнде. Шушы чарада катнашкан мәдәният хезмәткәрләренә, мәктәп коллективына, авылыбыз әбиләренә зур рәхмәтебезне җиткерәбез.

Көчле бураннардан соң Югары Симет авыл җирлегендә урам юллары чистартылды. Көнне-төнгә ялгап эшләгән  “Симет” җәмгыяте, шәхси хуҗалык тракторчыларына зур рәхмәтебезне җиткерәбез.

Югары Симет урта мәктәбенең 7 нче сыйныф укучысы Ахмадуллин Инсаф Илгизәр улы көрәш буенча Татарстан беренчелегендә 2010-2011 нче елда туган яшүсмерләр арасында 2 нче урын алып кайтты. Тренеры Закиров Дилюс Ридаилович.

13.01.24 көнне Югары Симет мәдәният йортында, китапханә һәм Түбән Симет авыл клубы белән берлектә, өлкәннәр өчен ял кичәсе үткәрелде. 

Югары Симет мәдәният йорты һәм китапханә хезмәткәрләре балалар өчен Яңа ел бәйрәме үткәрделәр .