ЯҢАЛЫКЛАР

Югары Симет авыл җирлегендә махсус хәрби операция зонасындагы егетләргә гуманитар ярдәм оештырылды. Җылы киемнәр, урын-җир әйберләре, ашау ризыклары җыелды. Халыктан җыелган акчага егетләргә җылы киемнәр, итекләр сатып алынды.

Югары Симет урта мәктәбенең бию түгәрәгенә йөрүче кызлар район балалар иҗат  үзәгендә үткән бию конкурсында катнашып кайттылар.

Россия Федерациясе Конституциясе көне - Россия Дәүләтенең истәлекле даталарының берсе, ул ел саен 12 декабрьдә билгеләп үтелә.

Тимершык мәдәният йортында “Тату сыйныф серләре!” Республикакүләм конкурсының зона этабы булып узды. Бу бәйгедә Югары Симет урта мәктәбенең 6 нчы сыйныф укучылары әти-әниләре белән катнашып, “Иң дус сыйныф” исеменә лаек булдылар. Барлык катнашучыларга рәхмәтебезне җиткерәбез, укуларында, эшләрендә уңышлар телибез.

Югары Симет авыл җирлегендә беренче кар яуганнан соң урамнарны кардан чистарту оештырылды. Торак пункт буенча авыл юлларын чистарту вакытында башкарыла. Җаваплылыгы чикләнгән “Симет” җәмгыяте тракторчылары тырышлыгы белән  барлык урамнар кардан чистартылды.

28 ноябрьдә Югары Симет мәдәният йорты хезмәткәрләре, урта гомуми белем бирү мәктәбе белән берлектә, " Мин бәхетле гаиләм белән!» исемле мәдәни-чара үткәрделәр.

Әниләр көне уңаеннан 25.11.23 көнне Югары Симет урта мәктәбендә 5-7 сыйныф укучылары һәм әниләр арасында ярыш узды. Педагог оештыручы Миңнуллина Н. Н. ике команданы ярыштырды. Ярыш барышында төрле концерт номерлары булып бәйрәмебезне тагын да тулыландырды. Әз генә аерма белән әниләр командасы җинде. Бәйрәм ахырында тәрбия эшләре буенча директор урынбасары Халиуллина А.Э. бәйрәм белән котлап ике командага да  бүләкләр тапшырды.

26 ноябрьдә Югары Симет мәдәният йортында «Гаилә бәхете формуласы» конкурс-уен программасы уздырылды.

"Җырым аша бүләк итәм, сина әнием күңелем җылысын» – Югары Симет мәдәният йортында шундый исемдә бәйрәм концерты узды.

4 ноябрьдә бөтен илебез – Халыклар бердәмлеге көнен билгеләп үтә!