ЯҢАЛЫКЛАР

Югары Симет авылында Җиңү көненә багышланган митинг булып узды. Чарага тыл ветераннары, сугыш чоры балалары чакырылган иде. Алар каршында Югары Симет урта мәктәбе укучылары чыгыш ясады. Ахырдан обелискка чәчәкләр салынды.

8 май көнне Түбән Симет авылында Бөек Җиңүнең 78 еллыгына багышланган митинг булып узды. Обелискка чәчәкләр салынды.

7 май көнне “Сабантуй” чишмәсендә буяу эшләре башкарылды. Шушы эшләрдә катнашкан һәр кешегә зур рәхмәтләребезне җиткерәбез.

5 апрель көнне Югары Симет урта мәктәбе укучылары ярдәме белән Бөек Ватан сугыш ветераннары каберлекләренә георгий тасмалары бәйләнде.

29 апрельдә Түбән Симет авылы зиратында чираттагы өмә узды.

Югары Симет авыл җирлегенә кергән региональ юл кырыйларындагы басуларны ташлардан чистарту буенча эшләр башкарылды.

Габдулла Тукай татар әдәбияты тарихына бөек шагыйрь буларак кереп кала, ул милли шигърияткә нигез сала һәм аның классик стилен булдыра.

Ир-егетләр арасында Саба муниципаль районы буенча үткәрелүче волейбол ярышларында Югары Симет авыл җирлеге командасы актив катнашып, башка җирлек командалары арасында 1 нче урынны яулады. Җиңүләре белән котлыйбыз һәм алга таба да уңышлар телибез.

Бөек Ватан сугышында Җиңүнең 78 еллыгы уңаеннан авыл җирлеге  башлыгы Ахмадуллин Илгизәр Роберт улы һэм Рамазанов Элмир Дамир улы Югары Симет авыл җирлегендә яшәуче тыл ветераннарын котладылар. Аларга ТР Рәисе һәм Саба муниципаль районы башлыгы исеменнән котлау открыткалары, күчтәнәчләр тапшырылды.

22 апрельдә Югары Симет авылы зиратында чираттагы өмә узды.