ЯҢАЛЫКЛАР

Татар халкының иң яраткан бәйрәме булган Сабантуйга да санаулы көннәр калды. Шушы уңайдан Түбән Симет авылында милли бәйрәмгә әзерлек уңаеннан бирнә җыю оештырылды. 

24  май көнне  Югары Симет урта мәктәбендә   “Соңгы кыңгырау” бәйрәме үтте.

Югары Симет авыл җирлеге “Хәтер бакчасы” акциясендә катнашты.

    Бу көннәрдә авылыбызның хөрмәтле кешесе, тыл һәм хезмәт ветераны Хәерова Рәхимә Муллагали кызы  90 яшьлек күркәм юбилее булып утте. Аны юбилее белән  авыл җирлеге башлыгы Әхмәдуллин Ильгизәр  Роберт улы һәм “Симет” хуҗалыгы баш хисапчысы Сәүбәнова Резеда Шаһинур кызы  котладылар . Матур котлау сүзләре белән Россия Президенты В.Путинның котлау открыткасын тапшырдылар. 

  Югары Симет авыл җирлегендә , Бөек Ватан сугышында һәлак булган авылдашлар истәлегенә куелган һәйкәл янында,  Бөек Ватан сугышында Җиңүнең 77 еллыгына   бәйрәм митингы булып узды. 

 5 май көнне Югары Симет мәдәният хезмәткәрләре, авыл җирлеге башлыгы һәм 5 сыйныф укучылары белән берлектә “ Георгий тасмасы “ акциясендә катнаштылар. Тыл ветераннарын котлап , аларга Татарстан Республикасы  Президенты һәм район Башлыгы исеменнән котлау открыткалары һәм бәйрәм күчтәнәчләре тапшырдылар.

Санитар-экологик чисталык икеайлыгы кысаларында 30 апрель көнне Югары Симет  авыл җирлегенең Югары Симет һәм Түбән Симет авылларында  өмәләр үткәрелде.

   2022 нче елның 28 нче апрелендә, Байлар Сабасы спорт комплексында хезмәт коллективлары һәм авыл җирлекләре ир-атлары командалары арасында волейбол буенча Саба муниципаль районы Кубогының финал уеннары узды.

Бөек татар шагыйре Г. Тукайның туган көнен бәйрәм итү кысаларында, 25 апрель көнне Югары Симет мәдәният йортында, мәктәп белән берлектә «Яз. Шигърият.Тукай»дип исемләнгән әдәби-музыкаль кичә булып үтте .

   Бүген  , Югары Симет авыл җирлеге башлыгы Әхмәдуллин И.Р. , Югары Симет урта мәктәбе яшьармеецлары белән берлектә ,Бөек Ватан сугышы ветеранының тол калган хатыны Зәйнетдинова Саимә Ибраһим кызына, Татарстан Республикасы президенты Рөстәм Миңнеханов исеменнән бәйрәм котлавын һәм күчтәнәчен тапшырдылар.