ЯҢАЛЫКЛАР

27 декабрь конне Югары Симет "Ромашка" балалар бакчасында Чыршы бэйрэме утте. Кыш бабай узенен мул капчыгы белэн бэйрэмгэ килде. Балалар узлэренен жырга, биюгэ осталыкларын курсэттелэр, шигырьлэр сойлэделэр. Эти-энилэр бэйрэмне яратып тамаша кылдылар.

25 декабрь көнне Югары Симет авыл китапханәсендә үз куллары белән бүләк ясарга өйрәтү максатыннан, балалар белән мастер класс үткәрелде. 

Югары Симет урта мәктәбе укучылары һәм укытучылары Яңа елга бәйрәм атмосферасы булдырырга тырышып, кар фигуралары ясадылар, территорияне бизәделәр. Мәктәп территориясе көндез генә түгел, төнлә дә матур булып тора.

Балаларыбыз өчен бәйрәм рухы һәм уңай эмоцияләр булдыру максатыннан, Югары Симет балалар бакчасы, әти-әниләр һәм балалар көче белән кар фигуралары ясалды, бакча биләмәсе бизәлде.

18 декабрь көнне Югары Симет "Ромашка" балалар бакчасы тәрбиячесе Закирова Алинә Фирдинатовна Татарстан Республикасы мәктәпкәчә белем бирү учрежденияләренең татар телле тәрбиячеләре арасында үткәрелүче "Белем һәм тәрбия бирүдә Каюм Насыйри хезмәтләре" республикакүләм бәйгесенең йомгаклау конференциясендә катнашты. Ул анда "Фольклорның кече жанрлары ярдәмендә мәктәпкәчә яшьтәге балаларның сөйләм телен үстерү" дигән темага мастер - класс күрсәтте һәм 3 нче призлы урын алды.

12 декабрь көнне Югары Симет мәдәният йортында китапханә белән берлектә "Дәүләт - ул без!" Россия Федерациясе Конституциясе көненә багышлап балалар белән әңгәмә үткәрелде.

5 декабрь көнне Байлар Сабасында Татарстан Республикасының атказанган спорт мастеры Хәмидуллин Наил Хөснулла улы истәлегенә үткәрелгән көрәш ярышында Югары Симет авыл җирлеге яшь көрәшчеләре уңышлы чыгыш ясадылар.

70 кг, Әхмәдуллин Инсаф 3 урын,

75 кг югары, Ибрагимов Илшат 2 урын,

75 кг, Ахмадуллин Булат 1 урын.

Көрәшче егетләргә, аларның тренеры Закиров Дилюскә алдагы ярышларда да уңышлар телибез. Афәрин, егетләр!

Түбән Утар авыл клубында Югары Симет авыл җирлеге үзешчәннәренең «Туган җиргә кайтты кайтмаганнар «Хәтер китабы»на төренеп» исемендәге район фестивале кысаларында әзерләнгән «Хәтер альбомы. Солдат хаты»  программасы нигезендә концерты булды. 

Бүген, 29 ноябрь көнне Югары Симет "Ромашка" балалар бакчасында Әниләр көненә багышланган бәйрәм булып узды. Балалар әниләргә үзләренең өйрәнгән җырларын, шигырьләрен бүләк иттеләр, әниләр белән бергә уеннар уйнадылар, "Өч кыз" әкиятен сәхнәләштереп күрсәттеләр. Бәйрәм бик күңелле матур булды.

27 ноябрь көнне Түбән Симет авыл клубында Әниләр көненә багышланган "Гади генә  концерт" исемле бәйрәм концерт программасы үтте.