ЯҢАЛЫКЛАР

 22 май көнне Югары Симет урта мәктәбендә “Соңгы кыңгырау “ бәйрәме булып узды. Мәктәпне барлыгы сигез укучы тәмамлады.

  8 май көнне Түбән Симет һәм Югары Симет авылларында Бөек Ватан сугышында Җиңүнең 76 еллыгына багышланган тантаналы митинг узды. 

7 май көнне җирлектә агач утырту буенча өмә үткәрелде, барлыгы кырык төп нарат үсентесе утыртылды.

   Бөек Ватан сугышында Җиңүнең 76 еллыгы уңаеннан , Югары Симет авыл җирлегендә , тыл хезмәтчәннәренә  район хакимиятеннән азык-төлек пакетлары , спонсордан бүләк пакетлар, шулай ук Татарстан Республикасы Президенты Рөстәм Миңнеханов һәм  Саба муниципаль районы башлыгы Рәис Миңнеханов исеменнән котлау открыткалары тапшырылды.

2 май көнне Югары Симет  авылы зиратында чираттагы өмә узды.

29 апрель Саба спорт комплексында , Саба муниципаль районы Кубогының волейбол буенча хезмәт коллективлары һәм авыл җирлекләре ир-ат командалары арасында финал уеннары булып узды .

   "Георгий тасмасы" акциясе  кысаларында Югары Симет урта мәктәбе укучылары Бөек Ватан сугышында катнашучыларның каберләренә Георгий тасмалары бәйләделәр һәм каберлекләрне тәртипкә китерделәр.

   26 апрель көнне бөек татар шагыйре Г.Тукайның тууына 135 ел тулу уңаеннан, шулай ук Татарстан Республикасында Туган телләр һәм Халыклар бердәмлеге елы уңаеннан Югары Симет мәдәният йортында Югары Симет авыл мәдәният йорты, китапханә, Керәнне клубы һәм Югары Симет  урта мәктәбе  белән берлектә «Тукай безнең йөрәкләрдә " дип исемләнгән әдәби-музыкаль кичә үткәрелде. 

13 апрелендә МБУ "Спорт комплексы" нда авыл җирлекләренең ир-ат командалары арасында волейбол буенча район Чемпионатының финал уеннары узды.

   Югары Симет мәдәният йорты хезмәткәрләре ,практикант-студентлар белән берлектә,  балалар катнашында әти-әниләргә  концерт куйдылар.