Шәмәрдән авыл җирлеге территориясендә «Чиста су - 2021» акциясе бара. Акциянең максаты-җәмәгатьчелек һәм яшь буынның игътибарын илебезнең су ресурсларын саклауга һәм аларның сыйфатын күтәрүгә җәлеп итү. Бу чарада Шәмәрдән башкарма комитеты коллективы да актив катнашты. 

Шәмәрдән авыл җирлегендә "МДСУ- 1" ҖЧҖ белән контракт нигезендә 793669  мең сумлык юл-урам челтәре тамгасы һәм асфальт-бетон катламын чокырларын ремонтлау эшләре башкарылды.

           Газизова Сания Шакир кызы 1931 елныц 17 маенда Мичэнбаш авылында туган. Мичэнбаш башлангыч мэктэбендэ 4 сыйныф белем алган, аннан, Шэмэрдэн урта мэктэбендэ 5 сыйныфны укыган. Сугыш башлангач, 13 яшеннэн, колхозда таркторист ярдэмчесе булып эшлэгэн. 16 яшеннэн урман чыгарып вагон тоягэннэр. Сугыш беткэннэн сон да, у3 эшенэ тугры булып колхозда эшлэвен дэвам итеп, лаеклы ялга да Киров исемен йортуче колхоздан чыккан. 1956 елда Газизов Газим Газиз улына кияугэ чыккан, 4 бала устергэннэр (3 малай, 1 кыз). Кызганычка каршы, 2007 елда Сания апанын тормыш иптэше вафат була. Хэзерге кондэ Сания апаньщ 11 оныгы, 13 оныкчыгы бар. Сания апа Шакир кызы Мичэнбаш авылында улы Рэвил гаилэсе белэн гомер кичерэ.

Шәмәрдән авыл җирлегендә сугыш ветераннарының тол калган хатыннарын һәм тыл хезмәтчәннәрен 38 кеше Җиңү көне белән котладылар. Аларга Татарстан Республикасы Президенты , Татарстан Республикасы Саба муниципаль районы башлыгы, Шәмәрдән авыл җирлеге башлыгы исеменнән котлау открыткалары һәм бүләкләр тапшырылды.

         9 май көнне Шәмәрдән халкы һәм кунаклары «Үлемсез полк» Бөтенроссия акциясендә катнаштылар. Сугыш еллары җырлары астында алар Фрунзе урамында туганнары-ветераннар фотосурәтләре белән уздылар. Чара Җиңү паркында Бөек Ватан сугышы елларында һәлак булган сугышчылар һәйкәле янында тәмамланды. Бу акция Бөек Ватан сугышы ветераннары һәм солдатлары, тыл хезмәтчәннәре, партизаннар һәм сугыш чоры балалары истәлегенә багышлана. Җиңү паркында бәйрәм концерты булды. Кыр кухнясы оештырылган иде, анда барлык теләүчеләрне «фронт боткасы» авыз итәргә чакырдылар.

7 май көнне Шәмәрдән авылының Җиңү паркында Бөек Ватан сугышында Җиңүнең 76 еллыгына багышланган тантаналы парад-митинг узды. Бәйрәм чарасы авыл предприятиеләре парадыннан башланды. Митингта шул куркыныч вакыт турында бик күп шигырьләр яңгырады , «Партизан хатыны» һәм «Курск дугасы»театральләштерелгән эпизодлар күрсәтелде. Котлау сүзләре белән Саба муниципаль районы башлыгы Р. Н.Миңнеханов, Шәмәрдән авыл җирлеге башлыгы А.Н. Гәрәев чыгыш ясады. Совет сугышчыларының якты истәлегенә баш иеп, бер минут тынлык игълан ителде. Митинг Бөек Ватан Сугышы Геройлары һәйкәленә чәчәкләр салу белән дәвам итте һәм Габдулла Тукай исемендәге Татар дәүләт филармониясе солисты Рөстәм Насыйбуллин башкаруында Бәйрәм салюты астында «Җиңү көне» җыры белән тәмамланды.

Шәмәрдән авылында сугыш ветераннарының тол хатыннарын якынлашып килүче Җиңү көне белән котладылар . Толларга Татарстан Республикасы Президенты исеменнән котлау открыткалары һәм бүләкләр тапшырылды.  

1 апрель көнне Шәмәрдән мәдәният йортында гражданнар оборонасы буенча укулар узды. Эвакуация пункты эшчеләре укуларны лаеклы үттеләр, үзләренең барлык вазыйфаларын үтәделәр. Укуларны эваколонна башлыгы Силантьев С. В. үткәрде.

28 март көнне Шәмәрдән авылында М. Г. Вәлиуллин истәлегенә чаңгы сезоны ябылуга багышланган чаңгы ярышлары булып узды . Тантаналы ачылышны Шәмәрдән авыл җирлеге башлыгы Гәрәев А. Н., яшьләр эшләре һәм спорт бүлеге җитәкчесе Гарипов И. Р., «Яшьлек» яшьләр үзәге директоры Маканов Д. К. үткәрделәр.. М.Г. Вәлиуллинның улы – Вәлиуллин Д. М. чаңгы сезонын ябу шәхси узышлар белән генә чикләнмәде, шулай ук команда чаңгы эстафетасы да булды. Барлык җиңүчеләр  мактау грамоталары һәм акчалата призлар белән бүләкләнде.    

Саба муниципаль районы Чемпионатының волейбол буенча хезмәт коллективлары, авыл җирлекләре һәм шәхси эшмәкәрләр командалары арасында зона этабы тәмамланды. Бүләкләү тантанасын Шәмәрдән авыл җирлеге башлыгы Гәрәев А. Н. һәм «Яшьлек» яшьләр үзәге директоры Маканов Д. К. үткәрделәр.                                                                               

  1 урын-ШЛПУМГ командасы     

  2 урын-Тимершык авыл җирлеге командасы       

  3 урын-Шәмәрдән лицее командасы       

  4 урын - «Шәмәрдән икмәк кабул итү предприятиесе " АҖ командасы.             

     Барлык җиңүчеләр һәм призерлар, шулай ук турнирның иң яхшы уенчылары грамоталар һәм акчалата призлар белән бүләкләнде.