ЯҢАЛЫКЛАР

Олы Кибәче авыл җирлегенең бюджет оешмалары җитәкчеләре "Хәтер бакчасы" акциясенә кушылдылар һәм Сабантуй җирендә савыр (туя) агачлары утырттылар.

8 май көнне Төбәк авылында тантаналы шартларда һәйкәл-обелиск ачылышы булды. Тантанада Саба районы халыкны социаль яклау бүлеге җитәкчесе Л.Н. Гайнетдинова, Саба һәм Теләче районнары хәрби комиссариаты комисары урынбасары А.К. Садыков, авыл җирлеге башлыгы А.К. Сафин һәм башка кунаклар катнашты. Олы Кибәче урта мәктәбе коллективы "Үлемесз полк" акциясен оештырды.

6 май көнне Олы Кибәче авыл җирлегендә "Георгий тасмасы" акциясе булды. Олы Кибәче урта мәктәбенең яшь армиячеләре Бөек Ватан сугышында катнашучылар һәм ветераннарның каберләренә Георгий тасмалары бәйләделәр.

Олы Кибәче авыл җирлегендә Бөек Ватан сугышы һәм тыл ветераннарына 9 май бәйрәме белән котлап бүләкләр һәм открыткалар тапшырылды.

Олы Кибәче авыл җирлегендә бюджет оешмалары эшчеләре өмәгә чыктылар.

Төбәк авылында яшәүче Бөек Ватан сугышы ветераны Әлмиев Хаҗиәхмәт Галиәхмәт улына 102 яшь тулды. Ветеранны бәйрәме белән котларга Саба районы башлыгы Р.Н. Миңнеханов, аппарат җитәкчесе Кәримов М.Р., Саба районы социаль яклау идарәсе начальнигы Гайнетдинова Л.Н. авыл җирлеге башлыгы А.К. Сафин, Сатыш филиалы директоры Шәймәрдәнов Р.Р килделәр һәм бүләкләр тапшырдылар.

Бүген Олы Кибәче авыл җирлеге башлыгы А.К. Сафин, Олы Кибәче урта мәктәбенең яшьармиячеләре белән берлектә, Бөек Ватан сугышы ветераны Әлмиев Х.Г. һәм Бөек Ватан сугышы ветеранының тол калган хатыны Шакирова Х.Х. ны якынлашып килүче Җиңү бәйрәме белән котладылар һәм ТР Президенты Р.Н. Миңнеханов исеменнән бүләкләр тапшырдылар.

16 апрель көнне Олы Кибәче авыл җирлегендә бюджет оешмалары эшчеләре һәм урта мәктәп укучылары биләмәне чүп-чардан җыештыру буенча өмәгә чыктылар.

5 апрель көнне Олы Кибәче авыл китапханәсе мөдире булып озак еллар эшләгән Рәзимә Газизовага 70 яшь тулды. Шул уңайдан, "Китаплы күңел-үтелгән гомер" дип исемләнгән юбилей кичәсе оештырылды. Юбилярны гомер бәйрәме белән котларга җитәкчеләр, балалары, туганнары, элеккеге хезмәттәшләре җыелган иде. 

Төбәк авылында яшәүче Корбанова Әминә Бәдри кызына 90 яшь тулды. Юбилярны РФ Президенты В.В. Путин, район, республика җитәкчеләре исеменнән авыл җирлеге башлыгы А.К. Сафин котлады һәм бүләкләр тапшырды.