ЯҢАЛЫКЛАР

31 декабрь көнне Төбәктә Чыршы бәйрәме булды. Пандемия белән бәйле рәвештә, быел Яңа ел чаралары урамда узды, шуңа да карамастан халык рәхәтләнеп уеннарда катнашты.

22 декабрь көнне Олы Кибәче авыл җирлеге үзешчәннәре Тенеки авыл клубында "Буыннар чылбыры" концерт программасы белән чыгыш ясадылар.

Төбәк авылында "Авыл җирлекләрен комплекслы үстерү" программасы буенча йорт төзелеше бара.

Кече Кибәче авыл клубында Саба мәдәният йортының "Буыннар чылбыры" дип исемләнгән иҗат-отчет концерты булды. Тамашачылар һәр чыгышны җылы кабул иттеләр.

Төбәк авылында 80/20 "Авыл җирлекләрен комплекслы үстерү" программасы буенча йорт төзелеше дәвам итә. Төзелешне "Гафэль" җәмгыяте алып бара.

12 декабрь көнне Төбәк авыл клубында Явлаштау авыл җирлеге үзешчәннәренең "Буыннар чылбыры" концерты булды. Концерт программасы бик эчтәлекле һәм бай иде, тамашачылар һәрбер чыгышны көчле алкышларга күмде.

Инвалидлар декадасы кысаларында авыл җирлеге башлыгы А.К. Сафин һәм Төбәк авыл клубы мөдире Хадиуллина Г.Р. коляскалы инвалид Шәнгәрәев Илшат янында булдылар. Илшат юл-транспорт фаҗигасыннан соң шундый хәлдә кала, ләкин авырлыкларга бирешми, инвалидлар арасында уздырылучы өстәл теннисы ярышларында актив катнаша.

Саба районы буенча мини-футбол ярышларының чемпионаты дәвам итә. 30 ноябрь көнне Кибәче-Сабантуй командалары очрашты һәм уен 8:1 исәбе белән төгәлләнде.

Төбәк авылында 80/20 программасы буенча йорт төзелә башлады. Төзелешне "Гафэль" ҖЧҖ башкара.

Мини-футбол буенча Саба районы чемпионаты башланып китте. 16 ноябрь көнне Кибәче-Юлбат командалары очрашты. Уен Кибәче командасының 5:3 исәбенә җиңүе белән тәмамаланды. Егетләребезне беренче җиңүләре белән котлыйбыз һәм алдагы уеннарда да уңышлар телибез!