ЯҢАЛЫКЛАР

2024 елның 17 февралендә Тимершык авылында  Тимершык авыл җирлеге командалары  арасында Гәрәев Илнур Габделбәр улы, Яхин Ильнур Галимулла улы, Нуруллин Илнар Илдар улы, Даминов Зөлфәт Габделхай улы истәлекләренә волейбол уены ярышлары узды.

15 февральдә без герой-шагыйрь Муса Җәлилнең тууына 118 ел тулуны билгеләп үтәбез. Кызыл-Мишә  мәдәният йорты һәм авыл китапханәсе хезмәткәрләре Муса Җәлилнең туган көненә багышланган "Гасырларда калыр батырлык" шигърият кичәсен үткәрделәр. Китапханәче балаларны шагыйрьнең тормышы һәм иҗаты белән таныштырды, Моабит дәфтәрләренең нинди авыр юл үтүе турында, куркыныч җәзалаулар да, үлем куркынычы да шагыйрьне дәшми калырга, ныклы характерны җимерергә мәҗбүр итә алмаганлыгын беләләр. Шулай ук «Муса Җәлил – шагыйрь-патриот» күргәзмәсенә күзәтү ясалды, анда шагыйрьнең тормышы һәм иҗаты турында китаплар тәкъдим ителде, әмма балаларның аерым игътибарын шигырьләрнең якты басмалары җәлеп итте. Чара барышында балалар башкаруында герой-шагыйрьнең шигырьләре һәм аның сүзләренә язылган җырлар яңгырады.

2024 елның 11 февраль көнне Тимершык авылы бозында хоккей буенча Саба район чемпионатының чираттагы уеннары уздырылды. Ярышта “Тимершык”, “Саба” командалары көч сынашты.

Уен нәтиҗәләре:

“Тимершык” – “Саба”     3:7

Кыш - елның искиткеч вакыты! 10 февральдә Кызыл-Мишә мәдәният йорты һәм китапханә хезмәткәрләре саф һавада «Күңелле балачак» дигән хәрәкәтчән уеннар  үткәрделәр. Кышын ачык һавада хәрәкәтле уеннар һәм күңел ачулар балаларга зур шатлык китерә һәм аларның сәламәтлегенә бәяләп бетергесез файда. Балалар бер-берсе белән күңелле уеннарда ярыштылар. Чара кызыклы һәм күңелле үтте.  Барлык катнашучылар да күтәренке һәм яхшы кәеф алдылар.

2020 елдан башлап Татарстанда "Авыл территорияләрен комплекслы үстерү"дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерү һ. б. күздә тота.  Бүгенге көндә Тимершык авыл җирлегендә дә, шушы программага нигезләнеп, 5 йорт төзелеше алып барыла.

Тимершык авылындагы төбәк юлындагы күпер җыелган кардан чистартылды. Эшне "БАЗА ПРОЕКТЫ"ҖЧҖ башкарды.

2024 елның 4 февраль  көнне Байлар Сабасы бозында хоккей буенча Саба район Чемпионатының чираттагы уеннары уздырылды. Ярышта  Тимершык авылы белән Лесхоз авылының командалары көч сынашты.

Уен нәтиҗәләре:

“Тимершык” – “Урман”     9:0

Көчле кар яву һәм бураннардан соң, Тимершык  авыл җирлеге биләмәсендә урамнарны һәм тротуарларны кардан чистарту оештырылды. Җирлек буенча җирле юлларны һәм тротуарларны вакытында чистарту эшләре бара. Шәхси эшмәкәр Ибраһимов, «Болгар» ҖЧҖ  һәм “Саба” ҖЧҖ  Мичән бүлекчәсе тракторчылары тырышлыгы белән барлык урамнар һәм тротуарлар вакытында чистартыла.

 2 февраль көнне  Тимершык авыл җирлегенең отчет җыены булып узды. Җыенда Саба муниципаль районы Башлыгы урынбасары Закирҗанов Р.Р., хокук саклау органнары вәкилләре, Саба районы прокуроры Шәймарданов Р.Н., оешма җитәкчеләре  катнашты. Җыелыш башында «Татмедиа» АҖ һәм «Саба дулкыннары» АҖ әзерләгән видеоматериаллар каралды. Җыенның көн тәртибе түбәндәгечә булды:

1.Участок вәкаләтлесе Гатин М.М.чыгышы.

2. Саба районы прокуроры, юстиция советнигы Шәймарданов Р.Н. чыгышы.

3. Саба һәм Теләче районнары буенча янгын күзәтчелеге бүлеге җитәкчесе Хуҗин И.Т.  чыгышы.

4.  Курса урман участогы вәкиле Гилазов Ф.Т урманнарда янгын куркынычсызлыгын тәэмин итү өчен кирәкле чаралар күрү буенча чыгышы.

5. Сабагаз идарәсе җитәкчесе Мөхетдинов И.И. чыгышы.

6.Тимершык авыл җирлегендә урнашкан бюджет оешмаларының 2023 елда эшләгән эшләренә еллык отчеты һәм  2024 елга планнары.

7. Тимершык  авыл җирлеге башлыгы  А.Х.Хазиевның 2023 елда эшләгэн эшләргә еллык отчеты һәм 2024 елда эшләнергә тиешле эшләр һәм планнар белән таныштыруы.

8. 2023 елда гражданнар җыелышында әйтелгән тәкъдимнәрне, үтенечләрне һәм теләкләрне үтәү буенча отчет һәм 2024 елда гражданнарның тәкъдимнәрен һәм сорауларына җаваплар.

9. Җыелышка Саба муниципаль районы Башлыгы урынбасары Закирҗанов Р.Р. чыгышы белән йомгак ясалды. Район башлыгы урынбасары муниципаль район территориясендә максатчан программаларны гамәлгә ашыру, районда икътисади, демографик һәм иҗтимагый-сәяси вәзгыять, 2023 елда башкарылган эшләр, 2024 елга планнар турында җентекләп сөйләде.

21 гыйнвар  көнне Тимершык авылында яшәүче Шайдуллина Тәкмилә Заһидулла кызы 90 яшьлек туган көнен билгеләп узды. Аны Тимершык авыл җирлеге башлыгы Хаҗиев А. Х.  һәм  “Саба” ҖЧҖ  Мичән бүлекчәсе мөдире  Шаймарданов Р.Р. котладылар һәм бүләкләр тапшырдылар. Алга таба да кәдер, хөрмәттә яшәвен телибез.