ЯҢАЛЫКЛАР

Укытучы һөнәренә караганда җаваплырак һәм кызыклырак һөнәр юк. Укытучы эше-сорауларга җавап эзләү, үзеңне мәңгелек камилләштерү, укыту белән бәйле эш һәрвакыт иң катлаулы һәм шул ук вакытта мактаулы чараларның берсе булып саналды.

2023 ел Россиядә педагог һәм остаз елы дип игълан ителде, шуның хөрмәтенә 31 гыйнварда Кызыл-Мишә мәдәният йорты һәм китапханә хезмәткәрләре балалар өчен «Зур тәнәфес» дип исемләнгән уен программасын үткәрделәр. Уен программасы вакытында балалар бик теләп мавыктыргыч уеннарда һәм биремнәрдә катнаштылар. Бик күп кызыклы конкурслар һәм уеннар белән тулган программа бер баланы да битараф калдырмады. Чара бик күңелле узды.

28 гыйнварда Кызыл-Мишә мәдәният йорты һәм китапханә хезмәткәрләре Халыкара студентлар көне уңаеннан “Студент тырышып укый, күңелсезләнеп  утырырга вакыты юк аның!” дип исемләнгән бәйрәм кичәсе уздырылды.

Чараның башлануы бәйрәмнең тарихы һәм аның традицияләре белән танышу булды. Аннан соң күңелле, мавыктыргыч конкурслар, уеннар узды.Чарада студентлар һәм булачак студентлар катнашты. Яшьләр һәр биремне зур кызыксыну һәм иҗади якын килү белән башкардылар, үзләренең тапкырлыкларын һәм җитезлекләрен күрсәттеләр. Кичә юмор, көлү, елмаю, яхшы кәеф атмосферасында үтте һәм бәйрәм дискотекасы белән тәмамланды.

2023 елның 29 гыйнвар көнне Тимершык авылы бозында хоккей буенча Саба район чемпионатының чираттагы уеннары уздырылды. Ярышта “Тимершык”, “Ястреб”, “Эзмә”  командалары көч сынашты.

Уен нәтиҗәләре:

“Тимершык” – “Эзмә”        6:0

“Тимершык” – “Ястреб”     8:2

Балалар шагыйре һәм язучысы Әминә Бикчәнтәеваның  110-ел тулу уңаеннан 26 гыйнварда Кызыл-Мишә авыл китапханәсендә  мәдәният йорты хезмәткәрләре белән берлектә "Балалар әдәбиятының дәү әнисе" дигән  чара уздырдылар. Чара укучыларны шагыйрәнең иҗатына җәлеп итүгә юнәлдерелгән иде. Башта китапханәче балаларны язучының иҗаты белән таныштырды, соңыннан балалар юбиляр-авторның шигырьләрен укыдылар.

25 гыйнварда Россиядә  «Студентлар көне» (Татьяна көне) билгеләп үтелә. Ул РФ Президентының 2005 елның 25 гыйнварындагы 76 номерлы Указы белән рәсми рәвештә билгеләнгән. 21 гыйнвар көнне Тимершык урта мәктәбе укытучылары яшьләр һәм студентлар белән «Студентлар көне» дип исемләнгән очрашу кичә үткәрделәр. Очрашу әңгәмә нигезендә концерт номерлары белән үрелеп барды.

22 нче гыйнвар көнне Миңгәр авылында иҗади шәхесләр белән очрашу булып узды.
Ел ярым чамасы элек танылган рәссам Файзрахман Камалов Миңгәргә кайтып төпләнеп, иске мәктәп бинасында мастерской булдырып, иҗат белән шөгыльләнә башлый. Шәхес тирә якта тиз танылу алып мастер классларга үзенең иҗади дусларын да еш чакыра.

   Бүгенге чарада Фәйзрахман Камаловның улы - Ильясның виолончель, кыл-кубыз кебек үзенчәлекле уен коралларында уйнавы бигрәк сокландырды.
Ул - яшь композитор, халыкара конкурслар лауреаты, Кәрим  Тинчурин исемендәге Татар дәүләт драма һәм комедия театрының баш дирижеры, Россия һәм Татарстанның композиторлар берлеге әгъзасы – Ильяс Камал.

Шулай ук чарада кыл-кубыз һәм башка уен кораллары ясаучы Җәлил Вильданов, рәссам - якташыбыз Мөдәррис Минһаҗев, Шәүкәт Биктимеров кызы бүгенге көндә Миңгәрдә яшәүче Гүзәл апа катнашу бәйрәмгә нур өстәде.
Мөдәррис Мөхетдин улы Минһаҗев - Шәмәрдәндә туган— рәссам, педагог, Татарстанның атказанган сәнгать эшлеклесе, Татарстанның халык рәссамы, Шамил Бикчурин премиясе лауреаты, Татарстан рәссамнар берлеге әгъзасы.
Сүз уңаеннан, чын рәссамнар һәр атнаның җомга көнендә, 15.00.сәгатьтә мастер - класска көтеп калалар.
Үткәрелү урыны: иске мәктәп бинасы. Үзегез дә, балалар белән дә килергә мөмкин. Рәсем белән кызыксынган кешегә зур мөмкинлек бу. Чара түләүсез.
 

Тимершык авыл җирлеге командасы  хоккей буенча район чемпионатында актив катнаша.

"ТАТАВТОДОР" ААҖ нең Саба филиалы Тимершык авылындагы төбәк юлын кардан чистартты.

Кышкы каникулларны олылар да, балалар да көтә. 4 гыйнварда Кызыл-Мишә мәдәният йортында балалар өчен "Кышкы бизәкләр"дигән яңа ел рәсемнәре конкурсы уздырылды

 Әлеге конкурсның максаты барлык катнашучыларга иҗади активлыгы өчен кирәкле шартлар тудыру, шулай ук бәйрәм, тылсымлы Яңа ел атмосферасы булдыру иде.

Барлык катнашучылар да үзләренең фантазияләрен һәм иҗади потенциалын күрсәтә алдылар. Бирелгән эшләр карандашлар һәм фломастерлар белән буялды.  Кышкы матурлык образы булган һәр рәсем үзенчә яхшы һәм үзенчәлекле магиягә ия: сокланырлык! Җиңүчеләр һәм катнашучылар татлы бүләкләр алдылар.

Кышкы уеннар һәм ачык һавада күңел ачу — бу традиция. Кар һәм салкын урамда вакыт үткәрү өчен беркайчан да киртә булмады. Кыш килү белән чын мәгънәсендә бәйрәм  башлана — ачык һавада актив уеннар физик сәламәтлек өчен генә түгел, эмоциональ халәте өчен дә файдалы. 5 гыйнварда Тимершык мәдәният йорты һәм китапханә хезмәткәрләре авылдашлары өчен тюбингта таудан шуу оештырды.