ЯҢАЛЫКЛАР

7 января работниками  Тимершикского сельского дома культуры был организован Новый год для детей. Мероприятие сопровождалось веселыми играми, лотереей, песнями и танцами.

Тимершык авылында урнашкан  хоккей каробкасы коньки белән ирекле шуу, хоккей уйнау өчен һәрвакыт әзер!

16 декабрь көнне Тимершык авыл мәдәният йортында Тимершык “Кояшкай” балалар бакчасының “Дуслык белән көчле без”исемле концерты булып узды.  Балалар бакчасына  йөрүче һәр бала сәхенәгә чыкты.  Балалар белән бергә ата-аналар да һәм бакча хезмәткәрләре дә үз чыгышлары белән чыктылар. Барлык концертта катнашучыларга  һәм оештыручыларга  зур рәхмәт.

Көчле кар яву һәм бураннардан соң авыл җирлеге биләмәсендә күперләрне кардан чистарту оештырылды. Тимершык  авыл җирлегендә авыл юллары һәм күперләре кардан вакытында чистартылып тора.

Тимершык авыл җирлеге буенча чишмәләрне көндәлек кардан, боздан чистарту  эшләре алып барыла. Тимершыкта “Изгеләр” чишмәсе чистартылды.

Көчле кар яву һәм бураннардан соң Тимершык  авыл җирлеге биләмәсендә урамнарны һәм тротуарларны кардан чистарту оештырылды. Җирлек буенча җирле юлларны һәм тротуарларны вакытында чистарту эшләре бара. ИП Ибраһимов, «Болгар» ҖЧҖ тракторчылары тырышлыгы белән барлык урамнар һәм тротуарлар чистартылды..

Инвалидлар ункөнлеге хөрмәтенә 6 декабрьдә Лесхоз өлкәннәр һәм инвалидлар интернат-йортында Тимершык, Кызыл-Мишә мәдәният йорты һәм китапханә, Сабай, Миңгәр авыл клублары хезмәткәрләре оештырган «Йөрәктән йөрәккә» дип исемләнгән концерт булды. Концерт биюләргә, җырларга һәм матур сүзләргә бай иде. Тамашачы зур кызыксыну белән концерт карады, һәр чыгышны алкышлады. Талантлы башкарылган һәр номер тамашачыларда онытылмаслык тәэсир калдырды, шатлык һәм яхшы кәеф бүләк итте.

3 декабрь көнне «САБА-АРЕНА» МБУ базасында район яшьләренә һөнәри юнәлеш бирүгә юнәлдерелгән «PROFФЕСТ» һөнәрләр фестивале проектын тормышка ашыру булды, анда 18 яшьтән 25 яшькә кадәрге Тимершык авыл җирлеге яшьләре актив катнашты.

2020 елдан башлап Татарстанда "Авыл территорияләрен комплекслы үстерү"дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерү һ. б. күздә тота.

Программада авыл җирендә даими яшәүче, яшәү урыны буенча мәҗбүри теркәлүче һәм оешма эшчәнлеге өлкәсенә бәйле рәвештә бер елдан да ким булмаган авыл җирлегендә эшләүче гаилә яки РФ гражданы катнаша ала.

Субсидия күләме федераль һәм республика бюджетлары акчалары хисабына торак бәясенең 80 % ын тәшкил итә.  җирле бюджет акчалары һәм (яки) эш бирүче – кимендә 20 % (җирле бюджет 1%+ эш бирүче 19%).

Төзелгән торак эш бирүченең финанс катнашында муниципаль милеккә яки уртак (җирле үзидарә органына һәм эш бирүчегә) рәсмиләштерелә һәм гражданга найм шартларында файдалануга тапшырыла.

Шәхес хезмәт килешүе буенча 5 ел эшләгәннән соң, тиешле эш бирүче белән торак урынын исәп – хисап бәясенең 10% тан артмаган бәядән, ә 10 ел узгач-1% тан артмаган бәядән сатып алырга хокуклы.

     Бүгенге көндә Тимершык авыл җирлегендә дә шушы программага нигезләнеп 8 йорт төзелеше алып барыла.

Тимершык авылы мәдәният йортында Тимершык авыл җирлегенә кергән бюджет оешмалары  белән берлектә гражданнар обороносы буенча укулар булып узды.