ЯҢАЛЫКЛАР

Тимершык авыл җирлеге территориясендә барлык бюджет учреждениеләрендә  "Экстремизмга-юк!» профилактик айлык кысалары үтте. Әңгәмә барышында теракт янау куркынычы килеп чыккан очракта һәм заложниклар булып алынган очракта үзеңне ничек тотарга кирәклеге турында сөйләнде, экстремаль хәлләрдә үз-үзеңне тотуга аерым игътибар бирелде.

Тимершык авыл җирлегендәге  Сабай авылында үзара салым программасы нигезендә чишмә төзекләндерү эшләре бара.

18 сентябрьдә Тимершык авыл җирлегендә Милләтләр кроссы-2021 бәйгесе булып узды. Ярышта мәктәп укучылары һәм бюджет оешмалары эшчеләре катнашты. Җиңүчеләр Мактау грамоталары белән бүләкләнде. 

11 сентябрьдә Бөтенроссия аеклык көне, алкогольле бәйлелек һәм аек яшәү рәвешен популярлаштыру максатыннан үткәрелә.
   Шул максаттан Кызыл-Мишә мәдәният йорты һәм китапханә хезмәткәрләре "Без сәламәт яшәү рәвеше өчен" дип исемләнгән урам акциясе үткәрделәр. Акция барышында авыл халкына алкоголизмның һәм башка зарарлы гадәтләрнең зыяны турында мәгълүмати листовкалар таратылды.

6 нчы сентябрь көнне Тимершык авыл җирлегендә гражданнар җыены булып узды. Җыенда Саба муниципаль районы Башлыгы Р.Н. Минниханов,  Саба муниципаль районы Башлыгы урынбасары Р.Р. Закирҗанов, ТР Дәүләт Советың VI чакырылыш депутаты Вольфсон Илья Святослав улы катнашты. Тимершык  авыл җирлеге башлыгы  А.Х.Хаҗиев халык каршында 2016-2021 нче елларда авыл җирлегендә башкарылган эшләр буенча чыгыш ясады һәм 2021-2022 нче елларда эшләнергә тиешле эшләргә тукталып, бурычларны да билгеләп үтте. Җыенны йомгаклап Саба муниципаль районы Башлыгы Р.Н. Минниханов авыл җирлегендә яшәүче халыкка мөрәҗәгать итеп, авылның һәм гомүмән районның киләчәген ничек күрүе, нинди юнәлештә хәрәкәт итәргә кирәклеге турындагы фикерләре белән уртаклашты.

3 сентябрьдә Россиядә терроризмга каршы көрәштә бердәмлек көне билгеләп үтелә. Бу көнне без илнең төрле шәһәрләрендә булган терактларны һәм Беслан мәктәбендәге теракт корбаннарын искә алабыз. Терроризмга каршы көрәштә бердәмлек көне кысаларында 3 сентябрь көнне Кызыл-Мишә мәдәният йорты һәм китапханә хезмәткәрләре “Ничек булганын син хәтерлисеңме, Россия?” дип исемләнгән хәтер сәгате үткәрделәр. Чара барышында Саба интернат-мәктәбе укучылары соңгы унъеллыкның иң танылган терактлары һәм 2004 елның сентябрендә Беслан шәһәрендә булган фаҗига турында белделәр. Балаларга кайгы гимны белән сугарылган “Хәтер. Беслан” дигән документаль фильм күрсәтелде.

Безне җылы кояшлы көннәре белән сөендергән җәй дә ахырына якынлашты. 30 август көнне Кызыл-Мишә мәдәният йорты һәм китапханә хезмәткәрләре балалар белән «Сау бул, җәй!» дигән күңел ачу программасы үткәрделәр. Алар балалар белән бергә «Салкын Чишмә» елгасына экскурсиягә бардылар. Башта балалар җәйне кем белән һәм ничек үткәрүләре турында сөйләделәр. Алар җәй көне уйнап, велосипед һәм роликларда йөреп, елгада су коенып, кызынып кына калмыйча, китаплар укырга да онытмаганнар икән. Уен программасы барышында балалар Җәй белән саубуллашу өчен аңа  кунакка бардылар. Юлда алар мәдәният хезмәткәрләре әзерләгән төрле биремнәрне үтәделәр. Катнашучылар җәйге, әкияти викторина сорауларына җавап бирделәр, әкият геройларын таныдылар, җәй һәм әкиятләргә багышланган табышмакларның җавапларын  таптылар. Балалар «Себерке белән йөгерү», «Маялы» кебек уеннар  уйнадылар,  җәй турында шигырьләр укыдылар. Барлык сынауларны узгач, Җәйдә кунакта булып, аның белән саубуллаштылар. Барысы да җәйне һәрвакыт искә алып торачакларын, аны бик сагыначакларын әйттеләр. Якты, күңелле, яшел җәй, киләсе елга кадәр сау бул! Без сине кабат түземсезлек белән көтәрбез! Экскурсия  ахырында барлык балалар да алып килгән тәм-томнары белән сыйландылар.

Кызыл-Мишә авылы  Пионер урамына 350 метр өлешенә МДФ программасы буенча юл эшләнде. Юлны Балтач районында урнашкан “МДСУ-1” оешмасы эшләде.

Тирә-якны төзекләндерү максатыннан Тимершык авыл җирлеге буенча иске йорт, каралты кура сутү эшләре даими үткәрелеп тора.

Россия Федерациясенең Дәүләт флагы көне ел саен Россиядә 22 августта билгеләп үтелә. Ул РФ Президентының 1994 елның 20 августындагы "Россия Федерациясе Дәүләт флагы көне турында"гы Указы нигезендә билгеләнгән. 1991 елның бу көнендә Мәскәүдә Ак йорт өстендә беренче тапкыр рәсми рәвештә өч төстәге Россия флагы күтәрелә, ул дәүләт символы сыйфатындагы урак һәм чүкечле кызыл байракны алыштыра. 22 август көнне Кызыл-Мишә мәдәният йортында китапханәче белән берлектә «Ак, зәңгәр, кызыл» дип исемләнгән тематик программа булып узды. Чара башында «Туган илнең триколоры» дигән әңгәмә-презентация аша балаларны Россия флагы барлыкка килү тарихы һәм безнең дәүләт өчен аның әһәмияте турында таныштыру үткәрелде. Шуннан соң «Ак, зәңгәр, кызыл» дигән рәсем конкурсы оештырылды. Балалар россия әләмен ясадылар. Чара ахырында балаларга истәлекле бүләкләр тапшырылды.