ЯҢАЛЫКЛАР

2020 елдан башлап Татарстанда "Авыл территорияләрен комплекслы үстерү"дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерү һ. б. күздә тота.

Программада авыл җирендә даими яшәүче, яшәү урыны буенча мәҗбүри теркәлүче һәм оешма эшчәнлеге өлкәсенә бәйле рәвештә бер елдан да ким булмаган авыл җирлегендә эшләүче гаилә яки РФ гражданы катнаша ала.

Субсидия күләме федераль һәм республика бюджетлары акчалары хисабына торак бәясенең 80 % ын тәшкил итә.  җирле бюджет акчалары һәм (яки) эш бирүче – кимендә 20 % (җирле бюджет 1%+ эш бирүче 19%).

Төзелгән торак эш бирүченең финанс катнашында муниципаль милеккә яки уртак (җирле үзидарә органына һәм эш бирүчегә) рәсмиләштерелә һәм гражданга найм шартларында файдалануга тапшырыла.

Шәхес хезмәт килешүе буенча 5 ел эшләгәннән соң, тиешле эш бирүче белән торак урынын исәп – хисап бәясенең 10% тан артмаган бәядән, ә 10 ел узгач-1% тан артмаган бәядән сатып алырга хокуклы.

     Бүгенге көндә Тимершык авыл җирлегендә дә шушы программага нигезләнеп 7 гаиләгә йорт төзелеше алып барыла.

Яңа ел – иң көтеп алынган һәм могҗизалы бәйрәм. Аны серле, гаҗәеп, кабатланмас, сихри дип атыйлар. Без аннан барлык теләкләрнең тормышка ашуын, чираттагы могҗиза, якты әкият, яңа бәхет көтәбез. 31 декабрь көнне Кызыл-Мишә мәдәният йортында “Карлы  бал” дип исемләнгән бал – маскарад үткәрелде. Урамда  матур итеп бизәлгән Яңа ел чыршысы көтеп тора иде. Яңа ел белән котларга Тимершык авыл җирлеге башлыгы А.Х.Хаҗиев килде. Авыл мәдәният йорты һәм китапханә хезмәткәрләре бәйрәм кичәсенең кызыклы һәм бай эчтәлекле программасын әзерләделәр. Ә  Кыш бабай, Кар кызы белән Үгез, әкият персонажлары күсе Ларискасы белән Шапокляк килгәч, чын күңел ачу башланды. Күңелле Яңа ел конкурслары һәм уеннарыннан, җыр-биюләрдән, шигырьләрдән торган күңел ачу программасы, әлбәттә инде, чыршы тирәли әйлән-бәйлән уйнау бәйрәм кунакларының  кәефен күтәрде күтәрде. Күңелле музыка, яхшы кәеф, Кыш Бабай һәм Кар кызы котлаулары барлык катнашучыларга да ел буена җитәрлек дәрт һәм энергия бүләк итте. Бал-маскарад  яңа ел дискотекасы белән тәмамланды.

28 нче декабрь көнне Көек авылында яшәүче Әхмәтов Равил 90 яшьлек туган көнен билгеләп узды. Аны котлап җирле үзидарә һәм колхоз идарәсеннән вәкилләр әзерләнгән бүләк, күчтәнәчләр тапшырдылар. Алга таба да кәдер, хөрмәттә яшәвен телибез.

Кыш көне ачык һавада мавыктыргыч уеннар һәм күңел ачу балаларга зур шатлык  һәм аларның сәламәтлегенә бәяләп бетергесез файда китерә. Кышкы уеннар һәм конкурслар аларны кәефләрен күтәрергә ярдәм итә. 20 декабрь көнне Кызыл-Мишә мәдәният йорты хезмәткәрләре балаларны «Күңелле кар бөртекләре» дип исемләнгән кызыклы һәм мавыктыргыч уен программасына җыйдылар. Балалар үзләре белән тауда шуу өчен тутырылган чаналар да эләктереп килгәннәр иде. Кыш Бабай һәм Кар кызы балаларга туңарга ирек бирмәделәр, алар балалар белән хәрәкәтле уеннар үткәрделәр. Көн салкын булуга карамастан, барысына да эссе һәм күңелле булды!

   Ватан алдында хәрби бурычларын үтәп егетләр армия сафларыннан кайтты.  Менә алар- Кызыл Мишә авылыннан  Миннебаев Ринат, Тимершык авылыннан Мусин Артур, Гомәров Айнур, Нургаязов Айзатлар. Алга таба егетләргә бар яктан да уңышлар телибез.

18 декабрь көнне Тимершык авылында яшәүче Нәгыймова Хурҗинан апа 90 яшьлек туган көнен билгеләп узды. Аны котлап район, җирле үзидарә һәм колхоз идарәсеннән әзерләнгән бүләк, күчтәнәчләр тапшырылды. Алга таба да кәдер, хөрмәттә яшәвен телибез.

5 нче декабрь көнне “Тимершык” командасы район буенча үткәрелгән волейбол ярышынды катнашып, 2 призлы урын яулады.

Казан шәһәренең “Сәләт” яшьләр үзәгендә узган иҗади фестиваль –“БикәФест” гала-концертында, Тимершык урта мәктәбенең 9 нчы сыйныф укучысы Айлия Хаҗиева (җитәкчесе - Илһамия Гыйниятуллина) катнашты, ул үз әсәрен сәнгатьле итеп сөйләү номинациясендә “Үпкәләдем галимнәргә” әсәреннән өзек сөйләп 1 урынны яулады.

Конституция көне Россиянең иң мөһим дәүләт бәйрәмнәренең берсе булып тора һәм ел саен 12 декабрьдә билгеләп үтелә. Конституция-дәүләтнең төп законы һәм Россиянең бөтен хокукый системасының нигезе булып тора, башка законнарның мәгънәсен һәм эчтәлеген билгели. 12 декабрь көнне Кызыл-Мишә мәдәният йорты һәм китапханә хезмәткәрләре балалар өчен «Россия дәүләте законы» дип исемләнгән интеллектуаль-танып белү программасы үткәрделәр. Чара башында китапханәче аларны Россия Федерациясе Конституциясен кабул итү тарихы, гражданнарның Конституциядә гарантияләнгән төп хокуклары һәм бурычлары белән таныштырды. Балалар шулай ук флаг, герб, гимн барлыкка килү тарихы белән дә таныштылар һәм “Конституция  турында нәрсә беләбез?” дигән викторина сорауларына җавап биреп,  хокук өлкәсендәге белемнәрен күрсәттеләр. Интеллектуаль программа вакытында  «Минем Туган илем – Россия» дигән презентация күрсәтелде. Бу чара балаларга Россия Федерациясе Конституциясенең, илнең төп законы буларак, әһәмиятен аңлауга ярдәм итте.

2020 елдан башлап Татарстанда "Авыл территорияләрен комплекслы үстерү"дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерү һ. б. күздә тота.

Программада авыл җирендә даими яшәүче, яшәү урыны буенча мәҗбүри теркәлүче һәм оешма эшчәнлеге өлкәсенә бәйле рәвештә бер елдан да ким булмаган авыл җирлегендә эшләүче гаилә яки РФ гражданы катнаша ала.

Субсидия күләме федераль һәм республика бюджетлары акчалары хисабына торак бәясенең 80 % ын тәшкил итә.  җирле бюджет акчалары һәм (яки) эш бирүче – кимендә 20 % (җирле бюджет 1%+ эш бирүче 19%).

Төзелгән торак эш бирүченең финанс катнашында муниципаль милеккә яки уртак (җирле үзидарә органына һәм эш бирүчегә) рәсмиләштерелә һәм гражданга найм шартларында файдалануга тапшырыла.

Шәхес хезмәт килешүе буенча 5 ел эшләгәннән соң, тиешле эш бирүче белән торак урынын исәп – хисап бәясенең 10% тан артмаган бәядән, ә 10 ел узгач-1% тан артмаган бәядән сатып алырга хокуклы.

     Бүгенге көндә Тимершык авыл җирлегендә дә шушы программага нигезләнеп 7 гаиләгә йорт төзелеше алып барыла.