ЯҢАЛЫКЛАР

Инвалидлар декадасы мөмкинлекләре чикле кешеләр проблемаларына җәмәгатьчелек игътибарын җәлеп итү, шулай ук инвалидлар - хәзерге җәмгыятьтә кимчелекле һәм тормышка сәләтле булмаган кешеләр дигән фикерне үзгәртү максатыннан үткәрелә. Инвалидлар декадасы кысаларында 4 декабрь көнне Кызыл-Мишә мәдәният йортында, китапханә белән берлектә, шәфкатьлелек акциясе узды. Без тамаша залына җыелучыларны җылы сүзләр белән сәламләдек, аларга сәламәтлек теләдек, матур җырлар бүләк иттек.

Билгесез солдат көне – Россия тарихында чагыштырмача яңа истәлекле дата, ул ел саен – 3 декабрьдә билгеләп үтелә. Бу истәлекле көн Совет һәм Россия сугышчыларының хәтерен, хәрби батырлыгын һәм үлемсез батырлыгын мәңгеләштерүгә юнәлдерелгән. Илебездә Билгесез солдат көнен беренче тапкыр 2014 елда билгеләп үттеләр. 3 декабрь көне очраклы гына сайланмаган. Нәкъ менә шул көнне, 1966 елның 3 декабрендә, Мәскәү астында немец-фашист гаскәрләренең тар-мар ителүенә 25 ел тулу уңаеннан, Ленинград шоссесының 41 нче чакрымында совет сугышчыларының туганнар кабереннән Билгесез солдат җәсәде Мәскәү Кремле дивары янында тантаналы рәвештә җирләнде. 2 декабрь көнне Тимершык авыл җирлегенә кергән мәдәният йортлары, китапханә һәм авыл клублары хезмәткәрләре Билгесез солдат көненә багышланган «Исемең синең билгесез, батырлыгың үлемсез» дип исемләнгән батырлык дәресе үткәрделәр. Чара «Герой булу өчен бер мизгел дә җитә, әмма лаеклы кеше булу өчен тулы бер тормыш кирәк...» дигән сүзләр белән башланып китте. Китапханәче балаларны «Исемең – үлемсез, батырлыгың - мәңгелек» дигән китап күргәзмәсе белән таныштырды. Аннары алар игътибарына «Билгесез солдат көне» дигән видеоролик тәкъдим ителде, анда Билгесез солдатка һәйкәл ачу турында документаль хроникадан кадрлар күрсәтелде. Балалар Мәңгелек ут һәм Билгесез солдат төшенчәләре белән таныштылар. Алар чарадан, сугыштан кайтмаган кешеләр турында истә тотарга кирәк, дигән нәтиҗә ясадылар. Бу истәлеккә сакчыл карарга, ә Билгесез солдат һәйкәлләре-буыннарның рәхмәтен, җәсәдләре шулай тәңгәлләштерелмәгән һәлак булган солдатларга Хәтер һәм хөрмәт символы булып тора.

Ел саен ноябрьнең соңгы якшәмбесендә бөтен дөньяда искиткеч бәйрәм “Әниләр көне” билгеләп үтелә. Бу көнне һәркем җирдә иң якын һәм туган кешегә игътибар күрсәтергә, җылылык һәм кайгыртучанлык бүләк итәргә тырыша. Әни-һәркем тормышында иң мөһим кеше. Ул игелекле, назлы,кайгыртучан булып яши. 29 ноябрь көнне Тимершык мәдәният йорты хезмәткәрләре  " Әниләр - чиксез рәхмәт сезгә " дип исемләнгән музыкаль-күңел ачу кичәсе оештырдылар . Уеннар,  конкурслар,  җырлар үткәрелде. Бәйрәм чәй өстәле артында тәмамланды.

Тирә-якны төзекләндерү максатыннан Тимершык авыл җирлеге буенча иске йорт, каралты-кура сутү эшләре даими дәвам итә.

Яңа иҗади сезонны ачу кысаларында, 24 ноябрь көнне Тимершык мәдәният йортында татар драматургы Аманулла әсәре буенча "Көмеш чүлмәк" музыкаль комедиясы булып узды, аны Мишәбаш, Сәрдә, Иләбәр, Эзмә, Өтернәс, Көек, Кызыл Мишә, Иске Мичән, Югары Симет, Мингәр мәдәният йортлары һәм авыл клублары хезмәткәрләре оештырды һәм күрсәтте.
Тамашачылар әлеге музыкаль спектакльне бер сулышта карадылар. Актерларның матур уеныннан, уйланылган спектакльдән бик канәгать калдылар.
Тамашачылар артистларны көчле алкышларга күмделәр.
 

Тимершык авыл җирлегенең яшьләре район буенча үткәрелгән спорт бәйгеләрендә актив катнашып киләләр. Көннәр суыту белән Тимершык авылында урнашкан боз шуу мәйданчыгында( катокта) боз катыру эшләре башланды.

2020 елдан башлап Татарстанда "Авыл территорияләрен комплекслы үстерү" дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерү һ. б. күздә тота.

Программада авыл җирендә даими яшәүче, яшәү урыны буенча мәҗбүри теркәлүче һәм оешма эшчәнлеге өлкәсенә бәйле рәвештә бер елдан да ким булмаган авыл җирлегендә эшләүче гаилә яки РФ гражданы катнаша ала.

Субсидия күләме федераль һәм республика бюджетлары акчалары хисабына торак бәясенең 80 % ын тәшкил итә.  җирле бюджет акчалары һәм (яки) эш бирүче – кимендә 20 % (җирле бюджет 1%+ эш бирүче 19%).

Төзелгән торак эш бирүченең финанс катнашында муниципаль милеккә яки уртак (җирле үзидарә органына һәм эш бирүчегә) рәсмиләштерелә һәм гражданга найм шартларында файдалануга тапшырыла.

Шәхес хезмәт килешүе буенча 5 ел эшләгәннән соң, тиешле эш бирүче белән торак урынын исәп – хисап бәясенең 10% тан артмаган бәядән, ә 10 ел узгач-1% тан артмаган бәядән сатып алырга хокуклы.

     Бүгенге көндә Тимершык авыл җирлегендә дә шушы программага нигезләнеп 7 гаиләгә йорт төзү эше алып барыла.

12 ноябрь көнне Тимершык авылында яшәүче Канәфиева Сафиа Габдрахман кызына 90 яшь тулды. Юбилярны котларга Тимершык авыл җирлеге башлыгы Хаҗиев А. Х., Тимершык урта мәктәбе директоры Галимов И. Р. килделәр.

10 ноябрь көнне Кызыл-Мишә мәдәният йорты хезмәткәрләре, китапханәче белән берлект, Саба районының 90 еллыгына һәм ТАССРның 100 еллыгына багышланган “Иркен минем туган илем” дип исемләнгән танып-белү чарасы  үткәрделәр. Балалар китапханәченең туган ягыбыз турында сөйләвен  игътибар белән тыңладылар, үзләрен кызыксындырган сорауларны бирделәр. Саба районына һәм ТАССРның 100 еллыгына багышланган китап күргәзмәләре белән таныштылар. Аннары балаларга “Сабам минем – гүзәл ягым” дигән видеоролик күрсәтелде. Без ата-бабаларыбызның бөек казанышлары рухы белән сугарылган җиребездә туып, шунда яшәвебез, үз халкыбызга файдалы булуыбыз белән бәхетле. Иҗади үсеш юлындагы 100 еллык тарих – безнең горурлыгыбыз һәм иртәгесе көнгә ышанычыбыз ул. 90 еллык бай тарихы булган районыбыз да көннән-көн үсә, чәчәк ата. Күзгә күренеп яңа биналар, йортлар сафка баса.

Без кешеләр арасында яшибез, безнең һәр гамәлебез һәм теләгебез кешеләрдә чагыла. Кешеләргә игелекле һәм игътибарлы булырга, аларга сүз, эш-гамәл белән ярдәм итәргә кирәк. Чөнки һәркемгә игелекле, тәрбияле, ягымлы кеше белән эш итү  рәхәт. 7 ноябрь көнне Кызыл-Мишә авыл мәдәният йортында  "Әдәплелек әлифбасы" дигән тематик сәгать үткәрелде. Мәдәният йорты мөдире балаларга  “Маркиз Этикет әлифбасы” дигән презентация күрсәтте, ә китапханәче балаларны «Тәмле сүз.Әдәпле булу серләре" дигән китап белән таныштырды. Балалар бик җанлы әңгәмә кордылар, әдәплелек кагыйдәләре, этикетның төрле төрләре, мәктәптә, кунакта, урамда, телефон аша аралашканда үз-үзеңне тоту кагыйдәләре белән таныштылар.