ЯҢАЛЫКЛАР

26 август көнне Тимершык авыл җирлегендә халык җыены булып узды. Җыенда Саба муниципаль районы Башлыгы Р.Н. Минниханов,  Саба муниципаль районы башлыгы урынбасары Р.Р. Закирҗанов катнашты. Тимершык  авыл җирлеге башлыгы  А.Х.Хаҗиев халык каршында 2015-2020 нчы елларда авыл җирлегендә башкарылган эшләр буенча чыгыш ясады һәм 2020-2025 нчы елларда эшләнергә тиешле эшләргә тукталып, бурычларны да билгеләп үтте. Җыенны йомгаклап Саба муниципаль районы Башлыгы Р.Н. Минниханов, авыл җирлегендә яшәүче халыкка мөрәҗәгать итеп, авылның һәм гомүмән районның киләчәген ничек күрүе, нинди юнәлештә хәрәкәт итәргә кирәклеге турындагы фикерләре белән уртаклашты.

1991 елның 22 августында безнең илебезнең  флɑгы билгеләнә. Дәүләт ϲuмʙoлы буларак ак, зәңгәр һәм кызыл төсләрдән торган өч төсле флаг сайлап алына. Шул көннән башлап  ел саен безнең илебездә дәүләт флɑгы көне билгеләп үтелә. Шушы бәйрәм уңаеннан 22 август көнне Кызыл-Мишә мәдәният йорты һәм китапханә хезмәткәрләре "Россия Флагы - безнең горурлыгыбыз!" дип исемләнгән танып-белү чарасы үткәрделәр.  Балалар Россия әләмен ясау буенча мастер-класста да катнаштылар һәм үз куллары белән кечкенә флаглар ясадылар. Чара ахырында "Россия - без бөтенебез бергә" дигән стенгазета чыгардылар.

Uen Fest – традицион халык уеннарына һәм күңел ачуга  багышланган беренче масштаблы фестиваль. Әлеге фестиваль кысаларында, 19 август көнне Кызыл-Мишә мәдәният йорты һәм китапханә хезмәткәрләре «Бергә уйнарга күңелле...»дип исемләнгән уен программасы үткәрделәр. Балалар белән хәрәкәтле уеннар оештырылды. «Үз командаңны күрсәт, һәм без сезгә киләбез!» дигән онлайн-марафонга кушылдылар  һәм  «Күз бәйләшле» халык уенының видеосын төшерделәр.

Тимершык авыл җирлегендә самообложение программасы буенча каты өслекле юллар салу эше башланды. ООО Рамазан оешмасы хәзерге вакытта Тимершык авылы Ленин урамында юл салу эшләрен сыйфатлы итеп  башкара.

12 август көнне Кызыл-Мишә мәдәният йортында китапханә белән берлектә, «Витаминлы Әлифба» дип исемләнгән квест-уен үткәрелде. Уен-сәяхәт ​ мавыктыргыч, интеллектуаль һәм иҗади биремнәр белән үрелеп барды. Чара барышында балалар сәламәт туклану кагыйдәләре һәм серләре турында белделәр. Уен формасында балаларга ничек дөрес тукланырга кирәклеге, витаминнар турында сөйләнелде. Безнең бакчаларда үсә торган ​ яшелчәләр һәм җиләк-җимеш турында сораулар бирелде.Кроссвордлар, ребуслар чиштеләр, пазллар җыйдылар. Сәламәтлек турында мәкальләр дә игътибарсыз калмады. Чара бик кызыклы һәм мавыктыргыч үтте. Чара ахырында балалар витаминга бай кып-кызыл алмалар белән сыйландылар.

Тимершык авыл җирлегендә 2020 елда үзара салым акчасына эшләр дәвам итә. Кызыл Мишә авылында каты өслекле юллар салу эше башланды. ООО Рамазан оешмасы эшен сыйфатлы итеп башкара.

Тимершык авыл җирлеге буенча ремонт, төзекләндерү эшләре башкарылып тора. Миңгәр авылында урнашкан мәктәп һәм балалар бакчасында ремонт эшләре бара. Авылларда чишмәләр төзекләндерелә.

Көек авылында шәхси эшмәкәр Хурамшин Н.Ф. 10 гектар җирдә җиләк үстерү белән шөгыльләнә. Бу җирле халык өчен өстәмә эш урыннары да тәэмин итәргә ярдәм итә.

Кеше-ялгызлыкны авыр кичерүче зат. Безгә игътибар, кайгырту, күңел күтәренкелеге, аңлау кирәк. Ә кайгыларны һәм шатлыкларны уртаклашырга кешегә  якыннары һәм дуслары булыша. Дуслык хисләре кешеләргә берләшергә, бер-берсенә таянырга мөмкинлек бирә. Халыкара масштабтагы ​ бәйрәм – Бөтендөнья дуслык көне матур хисләр һәм дуслыкка сәләтле кешеләр турында искә төшерә. Шушы матур көн кысаларында, Кызыл-Мишә авыл мәдәният йорты һәм китапханә хезмәткәрләре «Күңелле экспресс» дип аталган конкурслы уен программасы үткәрделәр. Уеннарда катнашучылар зур кызыксыну белән һәм бик теләп хәрәкәтчән һәм иҗади конкурсларның биремнәрен үтәделәр. Бу чара барышында балалар үзләренең фантазияләрен, зирәклекләрен, җитезлекләрен күрсәттеләр. Барысы да якты тәэсирләр, уңай эмоцияләр, елмаюлар, шатлык һәм күңел күтәренкелеге алдылар, баллы призлар белән бүләкләнделәр.

Көек авылы зиратынды үзара салым программасы буенча газ трассасына төшү куркынычы булган агачларны кисү эше бара.