ЯҢАЛЫКЛАР

6 март көнне Тимершык авылы мәдәният йортында, китапханә белән берлектә, «Хатын-кыз дөньясының сигезенче могҗизасы»дип исемләнгән бәйрәм-уен программасы булып узды.
Ике команда: "Мизгел "һәм" Кайнана " күңел ачу-танып-белү уеннарында һәм конкурсларда катнаштылар: табышмаклар, мәкальләр чиштеләр, үзләренең кулинар сәләтләрен күрсәттеләр, шулай ук спорт бәйгеләрендә катнаштылар.
Иҗади конкурстан башка да булмады, анда катнашучылар шигырьләр иҗат иттеләр, җырлар җырладылар. «Мин артист» бәйгесендә катнашучылар үзләренең артистлык сәләтләрен күрсәттеләр.
Барлык биремнәрне дә конкурсантлар бердәм, тиз һәм күңелле башкардылар! Бәйрәм бик күңелле үтте!

Хатын-кызлар командалары арасында Саба муниципаль районы буенча үткәрелүче волейбол ярышларында Тимершык авыл җирлеге командасы актив катнашып уңышлы чыгыш ясап килә.

2022 елның 26 февралендә  Тимершык авыл җирлегендә  Гәрәев Ильнур Габделбәр улы истәлегенә волейбол ярышы оештырылды. Командалар мактау грамоталары һәм иганәчеләребезнең акчалата призлары белән бүләкләнделәр.

26 февраль көнне Тимершык мәдәният йорты һәм китапханә хезмәткәрләре Ватанны саклаучылар көне уңаеннан ир-егетләр арасында "Башваткыч" дип исемләнгән интеллектуаль уен үткәрделәр. Уенда төрле елларда хәрби бурычларын үтәгән ир-егетләр: Шакиров Шамил, Галимов Булат, Биктимиров Шаһинур катнашты. Уен матур җырлар һәм чыгышлар белән үрелеп барды. Уенчылар кроссворд чишеп, армия турында хатирәләре белән уртаклаштылар. Тамашачылар уенны бик теләп күзәттеләр. Алып баручы Илнур Нәҗиповның бер генә соравы да җавапсыз калмады. Төп җиңүче итеп Шамил Шакиров билгеләнде. Уенчыларга истәлекле бүләкләр тапшырылды. Бәйрәмдә катнашучылар барысы да күтәренке кәеф белән таралыштылар.

23 февраль-хәрби бәйрәм генә түгел, ул барлык ир-атлар өчен дә бәйрәм, чөнки алар күңелләре белән  туган ил, ватан, гаилә, дуслар һәм, әлбәттә инде, хатын-кызлар сакчысы. 22 февраль көнне Кызыл-Мишә мәдәният йортында китапханә белән берлектә кадерле ир-атларга багышланган "Ватанны саклаучылар көне» дип исемләнгән бәйрәм концерты булып узды.  Бәйрәм кунакларын  күптөрле программа көтте. Концерт дәвамында сәхнәдән мәзәкләр һәм котлаулар яңгырады. Гомумән алганда, концерт җылы һәм дустанә шартларда узды. Бәйрәм күңелле чыгышлар белән истә калды һәм барлык катнашучыларга да күтәренке кәеф бүләк итте. 

Ватаннан читтә хезмәт бурычын үтәгән россиялеләрне искә алу көнен безнең илдә 15 февральдә билгеләп үтәләр. Бу дата совет гаскәрләрен Әфганстаннан чыгаруга 33 ел тулуга багышланган. Әфганстанда хәрби бурычларын үтәгәндә, фидакарьлек, батырлык күрсәтүчеләргә хөрмәт йөзеннән, Кызыл- Мишә мәдәният йортында китапханә белән берлектә Саба интернат-мәктәбе укучылары өчен «Ватан чикләрендә сугышкан кешеләрне искә алыйк» дип исемләнгән әңгәмә үткәрелде. Китапханәченең  Әфганстан турында сөйләве «15 февраль - Әфганстаннан гаскәрләрне чыгару көне. Сугышчы-интернационалистларны искә алу көне " дип исемләнгән презентация һәм Кызыл-Мишә мәдәният йортының сәнгать житәкчесе Галимов Булатның җырлары белән үрелеп барды.

   Изге Вәли көне-төрле яшьтәге кешеләрнең яраткан бәйрәме. Аны үз тиңен табучылар да, үзенә тиң яр эзләүче яшь йөрәкләр дә ярата. 12 февраль көнне Кызыл-Мишә мәдәният йортында китапханә белән берлектә яшьләр өчен «Мәхәббәт эпидемиясе» дип исемләнгән күңел ачу кичәсе үткәрелде. Шундый матур кичәне билгеләп үтәргә күп еллар инде бер – берләренә карата мәхәббәт, балаларына карата мәхәббәт һәм үзара аңлашып яшәүче гаилә парлары да килгән иде. Яшьләргә билгеле бер сынаулар аша узарга туры килде, аларны күңелле уеннар һәм конкурслар көтә иде: «Әкияти парларны тоташтыр», «Пар тап», «Төсле йөрәкләр», «Мине тап». Кичә дәвамында мәхәббәт турында җырлар яңгырады. Чара ахырында бәйрәм дискотекасы узды. Бу кичә барлык катнашучыларга да бик күп уңай эмоцияләр бүләк итте.

6 февраль көнне Көек авыл клубында «Хәтер вакыттан көчлерәк»дип исемләнгән танып-белү программасы үткәрелде.  Россиянең Хәрби дан көненә багышланган әлеге чараның максаты үсеп килүче буында Ватанга мәхәббәт, үз илең өчен горурлык, туган як тарихына ихтирамлы мөнәсәбәт тәрбияләү. Соныннан  балалар бильярд уены уйнадылар.

6 февраль көнне Эзмә авылы бозында хоккей буенча Саба районы чемпионатының чираттагы уеннары уздырылды. Ярышта Тимершык, Лесхоз, Саба командалары көч сынашты.

Уен нәтиҗәләре:

Тимершык- Лесхоз  3:0;

Саба -Тимершык      3:2.

Кзыл-Мишә авылында урнашкан “Сәламәтлекләре чикле булган балалар өчен Саба мәктәп-интернатында”, “Бердәм Россия” члены әгъзасы, VI чакырылыш Татарстан Республикасының Дәүләт Советы депутаты Галиев Марат Ибрагимович ярдәме белән шахмат зонасы булдырылды. Ачылу чарасында Саба муниципаль районы башлыгы Минниханов Раис Нургалиевич та катнашты.