ЯҢАЛЫКЛАР

6 февраль көнне Көек авыл клубында «Хәтер вакыттан көчлерәк»дип исемләнгән танып-белү программасы үткәрелде.  Россиянең Хәрби дан көненә багышланган әлеге чараның максаты үсеп килүче буында Ватанга мәхәббәт, үз илең өчен горурлык, туган як тарихына ихтирамлы мөнәсәбәт тәрбияләү. Соныннан  балалар бильярд уены уйнадылар.

6 февраль көнне Эзмә авылы бозында хоккей буенча Саба районы чемпионатының чираттагы уеннары уздырылды. Ярышта Тимершык, Лесхоз, Саба командалары көч сынашты.

Уен нәтиҗәләре:

Тимершык- Лесхоз  3:0;

Саба -Тимершык      3:2.

Кзыл-Мишә авылында урнашкан “Сәламәтлекләре чикле булган балалар өчен Саба мәктәп-интернатында”, “Бердәм Россия” члены әгъзасы, VI чакырылыш Татарстан Республикасының Дәүләт Советы депутаты Галиев Марат Ибрагимович ярдәме белән шахмат зонасы булдырылды. Ачылу чарасында Саба муниципаль районы башлыгы Минниханов Раис Нургалиевич та катнашты.

4 февраль көнне  Тимершык авыл җирлегенең отчет җыены булып узды. Җыенда Саба муниципаль районы Башлыгы урынбасары Р.Р. Закирҗанов, хокук саклау органнары вәкилләре, оешма җитәкчеләре  катнашты. Җыелыш башында «Татмедиа» АҖ һәм «Саба дулкыннары» АҖ әзерләгән видеоматериаллар каралды. Җыенның көн тәртибе түбәндәгечә булды:

1.Тимершык авыл җирлегендә урнашкан бюджет оешмаларының 2021 елда эшләгән эшләренә еллык отчеты.

2.Участок вәкаләтлесе Гатин Марат Мөрсалим улының  чыгышы.

3. Саба һәм Теләче районнары буенча янгын күзәтчелеге бүлеге җитәкчесе Галимуллин Айнур Рифкатович чыгышы.

4. Татарстан Республикасы Саба муниципаль районы башкарма комитетының җәмәгать тәртибен тәэмин итүче әйдәп баручы белгече Исхакова Альбина Раиф кызының чыгышы 

5. Саба муниципаль районы Баш ветеринария табибы Ганиев З.Р. йогышлы авыруларның аерым төрләре һәм этләрне стериальләштерү буенча мәгълүмат белән чыгышы.

6. «Россельхозбанк» АҖнең өстәмә офисы начальнигы Р.К. Билалованың «Авыл ипотекасы» программасы белән таныштыруы.

7. Тимершык  авыл җирлеге башлыгы  А.Х.Хазиевның 2021 елда эшләгэн эшләргә еллык отчеты һәм 2022 елда эшләнергә тиешле эшләр һәм планнар белән таныштыруы.

8. Узган елгы җыенда бирелгән сорауларнын үтәлеше

9. Сораулар, тәкъдимнәр, төрлеләр.

10. Җыелышка Саба муниципаль районы Башлыгы урынбасары Р.Р. Закирҗанов чыгышы белән йомгак ясады. Район башлыгы урынбасары муниципаль район территориясендә максатчан программаларны гамәлгә ашыру, районда икътисади, демографик һәм иҗтимагый-сәяси вәзгыять, 2021 елда башкарылган эшләр, 2022 елга планнар турында җентекләп сөйләде. Узган елгы җыелышлардан аермалы буларак, быел халык “ZOOM” программасы аша  җыелышта актив катнашты.

29 гыйнвар көнне Кызыл-Мишә авылы мәдәният йортында " Сессиядән сессиягә кадәр студентлар күңелле яши!" дигән студентлар көненә багышланган кичә үткәрелде. Чараның башында катнашучылар бәйрәмнең тарихы һәм аның традицияләре белән таныштылар. Соңыннан күңелле, мавыктыргыч конкурслар, уеннар булды. Чарада студентлар һәм булачак студентлар катнашты. Балалар зур кызыксыну һәм иҗади якын килү белән һәр биремне үтәделәр, үзләренең тапкырлыкларын һәм җитезлекләрен күрсәттеләр. Кичә юмор, яхшы кәеф атмосферасында узды һәм бәйрәм дискотекасы белән тәмамланды.

27 нче январь конне Көек авыл  клубында Саба аграр көллияте студентлары тарафыннан "Жырлыйк әле" дигэн концерт тамаша булды. Студентлар бик матур крнцерт номерлары белэн чыгыш ясап, авыл халкын ял иттерделәр. Һәрбер чыгышны халык бик яратып ,көчле алкышларга кумде .

Тимершык авылы мәдәният йортында "Дуслык таҗы" дип исемләнгән фольклор концерт үткәрелде. Концерт фольклор чыгышлар,  җырлар,  биюләр белән үрелеп барды. Концертта Тимершык мәдәният йортының "Мизгел" фольклор коллективы, "Яшьлек" театр коллективы, Шекше авылы мәдәният йортының "Зиләйлүк" фольклор коллективы, Кызыл-Мишә,  Иске Мичэн,  Көек,  Сабай авылы үзешчәннәре чыгыш ясады.

   25 гыйнвар көнне Кызыл-Мишә мәдәният йортында "Россия халыкларының халык сәнгате һәм матди булмаган мәдәни мирас елы" уңаеннан «Халкымның милли җәүһәрләре»дип исемләнгән чара узды. Чара башында мәдәният мөдире кунакларны күргәзмә белән таныштырды. Ул халык сәнгате - безнең матди һәм рухи байлыгыбыз, дип сөйләде. Халык сәнгатенең үзенчәлекле формасы булып халык сәнгате кәсепләре тора. Халык һөнәрләре арасында чигү иң кулай һәм яраткан хезмәт санала. Татар хатын-кызлары ак тукымага матур рэсемнәр төшереп чигуне куптэн яратып эшли. Халык осталарының әсәрләре халыкның тарихи истәлеген үз эченә ала. Ул, кешенең, матурлык һәм игелек турындагы күзаллауларын саклый. Хәзерге вакытта  матур чигелгән әйберләр зур кызыксыну уята. Чара фотосессия белән тәмамланды .

22 гыйнвар көнне Мингәр авылы клубында Миннәхмәтов Мидхәт Миннәхмәт улы һәм Миннәхмәтов Ирек Җәүдәт улы истәлегенә шахмат һәм шашка ярышлары булып узды. Ярышны яшьләр эшләре һәм спорт бүлеге белән берлектә “Саба-Арена” үткәрде.

Ярышның төп идея бирүчесе – әлеге төр ярыш буенча күп уеннарда җиңүче булган Миңгәр авылында туып-үскән Әхмәтов Азат.

Җиңүчеләрне Радик  Җәүдәт улы Миннәхмәтов котлады.

23 гыйнвар көнне Тимершык авылы бозында хоккей буенча Саба районы чемпионатының чираттагы уеннары уздырылды. Ярышта Тимершык, Мишәбаш, Явлаштау командалары көч сынашты.

Уен нәтиҗәләре:

Тимершык- Мишәбаш 3:5;

Тимершык- Явлаштау 4:2.