ЯҢАЛЫКЛАР

14 нче декабрь көнне, Кызыл-Мишә мәдәният йортында ,"Саба чишмәләре" иҗат берләшмәсе белән берлектә, Галимова Тайфә Габдрахман кызының  65 яшьлек юбилеена багышланган иҗат кичәсе булып узды.  Юбилярны котларга хезмәттәшләре, дуслары, туганнары килгән иде. Аларның һәрберсе Тайфә апага соклануын белдерде һәм изге теләкләрен җиткерде. Бәйрәм кичәсе матур җырлар белән үрелеп барды.

2019 нчы елның 5 нче декабрендә, Балалар иҗат үзәгенең актлар залында, Татарстан Республикасы Саба муниципаль районы Советы каршындагы Яшьләр парламентына "Яшьләр һәм авыл" дигән темага кандидатлар дебатлары булып узды. Тимершык авыл җирлегеннән ике кандидат-Гарифуллина Алинә һәм Хәбибуллина Адилә катнашты. Дебатлар вакытында һәр кандидат үз планнары турында сөйләде, авыл яшьләренең эшчәнлеге турында үз фикерен белдерде һәм әлеге мәсьәләләрне хәл итү юлларын тәкъдим итте.

Татарстан Республикасы Саба муниципаль районы Кызыл-Мишә авылында Мишә елгасы аша яңа күпер төзү эше дәвам итә. Күперне ООО “ Базовый проект” оешмасы эшли

Тимершык авыл җирлегенең яшьләре район буенча үткәрелгән спорт бәйгеләрендә актив катнашып киләләр. 17 нче ноябрь көнне Килдебәк авылында узган баскетбол ярышында ир-егетләр командасы 3 призлы урынны яулап кайттылар. Алар футбол буенча район чемпионатында да катнашалар. Шулай ук Тимершык авылында урнашкан шугалакта боз катыру эшләре алып барыла.

Егетләрне армия сафларына озату буенча көзге чакырылыш башланып китте. Тимершык авыл җирлегеннән армия сафларына китүчеләрне хәрвакыт күтәренке рухта, бәйрәмчә озатып калып, каршы алабыз. Чираттагы чакырылышка юлламаны Мусин Артур, Гомәров Айнур, Миннебаев Ренатлар алып кайтты. Шул уңайдан, мәдәният хезмәткәрләре белән берлектә , солдатка озату кичәсе үткәрелде. Без егетләргә хәер-фатихабызны биреп, тыныч вакытларда яхшы хезмәт итеп, тиз арада өйләренә әйләнеп кайтуларын теләп калабыз. 

23 нче ноябрь көнне Кызыл -Мишә мәдәният йортында «Әниләр көненә» багышланган бәйрәм концерты булып узды. Авыл үзешчәннәренең һәр чыгышы тамашачы алкышларына күмелде..

Татарстан Республикасы Саба муниципаль районының Тимершык авыл җирлеге Казан шәһәрендә узган чираттагы авыл хуҗалыгы ярминкәсендә катнашты.

Тимершык авыл җирлегендә яшь белгечләр өчен арендалы торак төзү дәвам итә. Эшне "Инвестхолдингстрой" ҖЧҖ башкара.

Тимершык авыл җирлегенең яшьләре район буенча үткәрелгән спорт бәйгеләрендә актив катнашып киләләр. 2 нче ноябрь көнне традицион рәвештә Саба таңнары призына үткәрелүче татарча көрәш ярышларында тулы команда белән катнашып 3 призлы урынны яулап кайттык. 12 нче ноябрьдән ир-егетләр арасында үткәрелүче мини-футбол буенча район чемпионаты ярышларында катнашуны дәвам итәбез.

Тимершык урта мәктәбендә ремонт эшләре дәвам итә. Спорт залында волейбол кагыйдаләрен  тирәнтен өйрәтү өчен махсус стена, урам якта өстәмә бордюрлар урнаштыру, машина гаражы каршына брусчатка җәю, купкан  плиткаларны  ябыштыру  эшләре алып барыла.  Ремонт эшләрен  ПМК -159  оешмасы башкара.