ЯҢАЛЫКЛАР

13 октябрь көнне Кызыл-Мишә мәдәният йортында авыл хуҗалыгы һәм эшкәртү сәнәгате хезмәткәрләре көненә багышланган бәйрәм концерты булып узды.
Авыл хуҗалыгы тармагы һәрвакыт дәүләтнең икътисади тормышында мөһим өлкә, Ватанның тотрыклылыгы гаранты, халык традицияләрен саклаучы булды һәм шулай булып кала да.
Авыл хуҗалыгы хезмәткәрләрен Тимершык авыл җирлеге башлыгы Хаҗиев А. К., агроном Мөхәммәтҗанов Д. В бәйрәм белән котлады.
Тантаналы сүздән соң залда утыручылар игътибарына авыл үзешчәннәре тарафыннан әзерләгән бәйрәм концерты тәкъдим ителде.

Тимершык авылы җирлеге буенча төрле дәрәҗәдәге төзелеш эшләре дәвам итә. Тимершык авылының Ленин, Ак Чишмә урамнарына 800 м озынлыктагы  юл ремонты ясалды. Сөт бизнес-академиясе  каршында машиналар кую урыны зурайтылды. Шулай ук Кызыл-Мишә авылында  Мишә елгасы аша яңа күпер салу эше дәвам итә.

Укытучылар көне-матур һәм дулкынландыргыч бәйрәм, аны без мәктәп елларыннан ук хәтерлибез. Беренче тапкыр аны 1965 елда, аннары октябрьнең беренче якшәмбесендә, ә 1994 елдан башлап Россиядә аны 5 октябрьдә бәйрәм итәләр. Шул уңайдан, Миңгәр авыл клубы мөдире, китапханәче белән берлектә, лаеклы ялдагы укытучыларны бәйрәм белән котладылар. Алар өлкәннәргә котлау открыткалары, бүләкләр тапшырдылар, үзләренә һәм якыннарына сәламәтлек, гаилә иминлеге теләделәр.

Саба районы авыл җирлекләрендә,  яшь белгечләрне тораклы итү һәм авыл җиренә  квалификацияле белгечәр тарту максатыннан, “Яшь белгечләргә аренда торагы” программасы гамәлгә ашырыла. Программа кысаларында Тимершык авыл җирлегендә дә  йортлар төзелеше дәвам итә. Чираттагы йорт Көек авылында авыл хуҗалыгы белгечләре өчен төзелә.

РФ Президенты В.В Путинның 2018 елның 7 нче май  указы буенча “2024 елга кадәр Россия Федерациясе үсешендә стратегик мәсьәләләр һәм милли максатлар турында” дигән стратегик үсеш программасы кабул ителде. Программа унике үсеш юнәлешен үз эченә ала. Бу проектка Татарстан да актив кушылды.

Тимершык авыл җирлегенең Тимершык урта гомуми белем бирү мәктәбендә“Мәгариф” юнәлеше буенча  информатика, технология, ОБЖ, шахмат кабинетларында ремонт эшләре төгәлләнде.

Саба районы  авыл җирлекләрендә,  яшь белгечләрне тораклы итү һәм авыл җиренә  квалификацияле белгечәр тарту максатыннан,  “Яшь белгечләргә аренда торагы” программасы гамәлгә ашырыла. Бу программа кысаларында Тимершык авыл җирлегендә дә  йортлар төзелеше дәвам итә. Чираттагы йорт Көек авылында  авыл хуҗалыгы белгечләре өчен төзелә.

20 сентябрь көнне,"Акчәчәк" балалар бакчасында, Кызыл Мишә мәдәният йорты хезмәткәрләре китапханәче белән берлектә, «Сөмбеләне кем белә?» дип исемләнгән көзге бәйрәм үткәрделәр. Сөмбелә – уңыш бәйрәме. Аны көзге көн белән төн тигезләшкән вакытта билгеләп үтәләр. Элек-электэн, уңышны  җыеп алган чорларда, көзге чәчү эшләре төгәлләнгәч, кешеләр бу бәйрәмне оештырганнар. Бәйрәмнең хуҗасы Сөмбелә исемле кыз булган. Бәйрәмдә җырлар, шигырьләр, табышмаклар яңгырады.  Ә биюсез нинди күңеллелек булсын ди? Балалар дәртле татар көйләренә рәхәтләнеп биеделәр, шулай ук алар өчен төрле уеннар һәм конкурслар оештырылды. Чара ахырында балаларга күчтәнәчләр өләшенде. «Сөмбелә» бәйрәме  балаларга бик ошады.

14 сентябрь көнне Тимершык авыл җирлегендә «Урман көне» уңаеннан агач утырту өмәсе оештырылды.Өмәдә барлык бюджет учреждениеләре һәм авыл халкы актив катнашты.

Татарстан Республикасы көне уңаеннан, авыл җирлекләренең социаль-икътисади эшчәнлеген  бәяләгәннән соң, президентыбыз Тимершык авыл җирлегенә  яңа Шевроле-Нива машинасы тапшырды .

Янгын техникасын яхшылап карап тотуга багышланган район смотр-конкурсына әзерлек максатыннан,Тимершык авыл җирлегендә янгын сүндерү техникасы ремонтланды һәм буялды. Шулай ук янгын сүндерү машиналары торган депоның кышка әзерлеге тикшерелде.