ЯҢАЛЫКЛАР

Тирә якны төзекләндерү максатыннан Тимершык авыл җирлеге буенча иске йорт, каралты кура сутү эшләре даими үткәрелеп тора. Соңгы көннәрдә Тимершык авылы Ак Чишмә урамында иске йорт сүтелеп территориясе чистартылды. 

12 июль көнне Миңгәр авыл клубы мөдире һәм китапханәче балалар өчен "Сәлам сиңа кадерле җир - анам" дип исемләнгән экскурсия оештырдылар. Безнең туган җиребездән дә матур, кадерле бернәрсә дә юк. Балалар белән бергә туган җиребезнең матурлыкларына, киңлекләренә сокландылар, балаларга авыл турында бик күп кызыклы факторлар турында  сөйләделәр, экологик темага викторина үткәрделәр. Ә аннан соң бергә хәрәкәтле уеннар уйнадылар.

Авыл көне ― ул авылдашларның зур гаиләсе өчен һәрвакыт игелекле һәм якты тантана. Бу көннең атмосферасын сүзләр белән аңлатып булмый. Барлык авылдашларның да күңелендә  искиткеч зур шатлык, күңел ачу һәм соклану хисләре дә бар. Гармун моңы яңгырый. Аяклар үзләреннән үзләре биергә тартыла. Кыскасы, хисләрне аңлатып булмый. Бу-чын бәйрәм!  6 июльдә Сабантуй аланында Кызыл Мишә авылы халкы һәм кунаклары традициягә кергән  Авыл көнен бәйрәм иттеләр. «Кешеләргә һәм җиргә мәхәббәт белән!" дигән бәйрәм программасын Кызыл Мишә авыл мәдәният йорты сәнгать җитәкчесе Айдар Хантимиров һәм авыл китапханәсе китапханәчесе Гөлнәзирә Әүхәдиева ачып җибәрделәр. Аннары котлау сүзе белән авылның имам-хатыйбы Дамир Мөхәммәтзяннов чыгыш ясады. Гаилә, мәхәббәт һәм тугрылык көне кысаларында, барлык күңел ачу һәм халык уеннары нигездә гаилә парлары белән оештырылды. Удмуртиянең атказанган мәдәният хезмәткәре, Ижевск шәһәрендә яшәүче Ирек Мөхәммәтҗанов үзенең якташларына зур бүләк – музыкаль котлау белән кайткан иде.  Тамашачылар үзләренең җирле артистларын көчле алкышлар белән каршы алды, үзләренә таныш җырларга кушылып  җырлады. Бәйрәмнең ахырына  кадәр музыка яңгырады, үзешчән сәнгатьтә катнашучыларның яраткан җырларын астында дискотека барды.  Бәйрәмне оештыручыларга рәхмәт сүзләре яңгырады. Барлык оештыручыларга һәм катнашучыларга бу көнне халык йөзләрендә елмаю балкыткан, күңелләренә шатлык һәм бәхет биргән өчен зур рәхмәт әйтәсе килә.

Тимершык авыл җирлегендә 2019 елда үзара салым акчасына эшләр дәвам итә. Кызыл Мишә авылында Татарстан урамы буенча юлларны төзекләндерү эшләре бара.

Бүгенгесе көндә Тимершык авыл җирлегенә караган Кызыл-Мишә мәдәният йортында ремонт эшләре алып барыла. Төзекләндерү эшләре районның ООО “Газводстрой” оешмасы тарафыннан башкарыла. Эш төрләренә килгәндә, бина тирәли брусчатка белән отмоска ясау эшен тәмамладылар. Алга таба мәдәният йортының котельный ремонты, плитка ябыштыру, котел һәм насосларны алыштыру каралган.

Тимершык авыл җирлеге буенча көндәлек тирә якны төзекләндерү буенча максатчан эш алып барыла. Шул максаттан чыгып җәйге чорда җирлек территориясен җыештыру, печән чабу, зиратларда өмә эшләре алып барыла

21 июнь көнне Миңгәр авылында традицион рәвештә халыкны Сабантуена чакырып бирнә жыю оештырылды.

21 июнь киченнән 22 июнь иртәсенә таба, Тимершык авыл җирлеге буенча “Хәтер шәме” акциясе үткәрелде. Бөек Ватан сугышы башлануны искә алу чарасында җирлек активы, оешма хезмәткәрләре, авыл халкы катнашты.

Тимершык авыл җирлеге халык мөрәҗәгатьләренә нигезләнеп эшчәнлек алып бара. Шул нигездә Тимершык авылында җәйге чорда көтү чыгар өчен вакытлыча Мишә елгасы аша ООО "Булгар" булышлыгы белән күпер салынды.

Тимершык авыл җирлегендә иске йортларны сүтеп, териториясен төзекләндерү эшләре дәвам итә.