ЯҢАЛЫКЛАР

Эзмэ авыл жирлегенен Олыяз мәдәният йорты мөдире балалар белән берлектә «Россия. Ил. Бердәмлек.» дигэн халыклар бердәмлеге көненә багышланган стенгазета чыгардылар. Барлык катнашучылар да актив рәвештә рәсем ясадылар, буядылар, кистеләр һәм детальләрне ябыштырдылар. Барысы да бик тырыштылар һәм күп көч куйдылар. Барлык катнашучылар да бик күп уңай эмоцияләр алдылар һәм үз эшләреннән канәгать калдылар. Соңыннан барысы да кечкенә бүләкләр алдылар.

Эзмә авыл җирлегенең Иләбәр авыл китапханәсе һәм клуб хезмәткәрләре китап укучылар белән бергә «Охотники за информацией» дигән исем астында сафари-тур уены  уздырдылар. Әлеге уенның максаты - китапханәдә булган китаплар, вакытлы матбугат, энциклопедияләрдән кирәкле мәгълүматны тиз арада эзләп таба белү. Алфавитлы һәм системалы каталогны файдаланырга өйрәнү. Укучылар станцияләр буйлап сәяхәт итеп биремнәрне чишеп ахырдан мәкаль төзеделәр.

Саба муниципаль районы Эзмә авыл җирлегендә 50 урынлык "ТР Саба муниципаль районы  "Умырзая" Иләбәр балалар бакчасы" МБМБУ төзү буенча эшләр төгәлләнде. Эшне - "Ак таш" ҖЧҖ оешмасы башкарды.

Эзмә авыл җирлегенең Эзмә авылында җәяүлеләр өчен яңа тротуар салына. Эшне «Саба ПМК «Мелиорация», «МДСУ-1» оешмалары башкара.

Эзмэ авыл җирлегендә иске йортлар сүтү эше бара. Бүгенге көндә Олыяз авылында иске йортлар сүтелә.

Саба районының Эзмә авыл җирлегендә  яшь белгечләрне тораклы итү һәм авыл җиренә квалификацияле белгечләр тарту максатыннан Республика күләмендә «Яшь белгечләргә аренда торагы» программасы кысаларында йортлар төзелеп тора. Олыяз авылында авыл хуҗалыгы белгечләренә дип 3 яңа йорт төзелә башлады.

«10» октябрь көнне Эзмә авыл җирлегендә «Милләтләр кроссы-2020», «Татарстан кроссы-2020» ярышы булып узды. Йөгерештә мәктәпкәчә яшьтәге балалар, мәктәп укучылары, бюджет учреждениеләре җитәкчеләре һәм эшчеләре катнашты. Җиңүчеләр мактау грамоталары белән бүләкләнде.

Эзмә авыл җирлегенең Өтернәс авылында мәчет төзелеше башланды.

Эзмә авыл җирлегенең Пүкәл авылында җәяүлеләр өчен яңа тимер басма салынды. Эшне «Саба ПМК «Мелиорация» оешмасы башкарды.

Октябрьнең беренче көнендә Россиядә hэм дөньяның күп кенә башка илләрендә Халыкара өлкәннәр көне билгеләп үтелә.