ЯҢАЛЫКЛАР

Ел саен 3 нче сентябрь көнне Россиядә терроризмга каршы көрәштә бердәмлек көне билгеләп үтелә. Шул уңайдан Эзмә авыл җирлегенен Пүкәл авыл клубында, китапханә белән берлектә "Хәзерге дөньяда террорчылык һәм экстримизм күренешләре" дигән темага әңгәмә үткәрелде. «Терроризм», «теракт» кебек сүзләрнең төшенчәләре һәм терроризм актлары кылу теләге тудыручы сәбәпләр ачылды. Шулай ук теракт янауы килеп чыккан очракта һәм заложник итеп алынган очракта үзеңне ничек тотарга кирәклеге турында сөйләнелде, экстремаль хәлләрдә үз-үзеңне тотуга аерым игътибар бирелде. Чара балаларның яраткан уеннары белән тәмамланды.

Эзмә авыл җирлегенең «Игенче» җәмгыятенә кергән сөт җитештерү комплексы Пүкәл авылы янында урнашкан. Комплекста 19 сыер савучы hәм 4 оператор хезмәт куя. Көндәлек савым ике сменада башкарылып, 1100 баш сыердан 25910 кг сөт тәшкил итә. Барлык эшчеләргә дә эш hәм ял итү өчен  унайлыклар тудырылган.

Эзмә авыл җирлегендә үзара салым акчаларына юл ремонтлау эшләре төгәлләнде. Эшне «Сабинская ПМК «Мелиорация» ҖЧҖ оешмасы башкарды.

1 нче сентябрь көнне мәктәпләрдә hәр бала көтеп алган яңа уку елы башланды. Күңелләрдә сөенеч, йөзләрдә шатлыклы елмаю балкый. Яңа уку елы hәркемгә шатлык-сөенечләр,бары тик яхшы билгеләр, уңышлар гына алып килсен.

«28» август көнне  Эзмә авыл җирлегендә халык җыены булып узды. Җыенда Саба муниципаль районы Башлыгы Р.Н. Минниханов,  Саба муниципаль районы Башкарма комитеты Җитәкчесе М.Р.Ишниязов катнашты. Эзмә авыл җирлеге башлыгы  Шәйхетдинов А.Р. халык каршында 2015-2020 нчы елларда авыл җирлегендә башкарылган эшләр буенча чыгыш ясады һәм 2020-2025 нчы елларда эшләнергә тиешле эшләргә тукталып, бурычларны да билгеләп үтте. Җыенны йомгаклап Саба муниципаль районы Башлыгы Р.Н. Минниханов, авыл җирлегендә яшәүче халыкка мөрәҗәгать итеп, авылның һәм гомүмән районның киләчәген ничек күрүе, нинди юнәлештә хәрәкәт итәргә кирәклеге турындагы фикерләре белән уртаклашты.

Эзмә авыл җирлегенә кергән «Игенче» җәмгыятенең Эзмә бүлекчәсе басуларында көзге арыш культурасын чәчү башланды. Мирзагалләмов Рамиль Тимербай улы яңа 2020 елда алынган Кировец К-742  тракторында «Salford 522» чәчкече белән 345 гектарда көзге арыш чәчте.

Бакчада, болында үсүче чәчәчкләр матурлык үрнәге. Алар турында шагыйрьләребез матур шигырьләр иҗат иткәннәр. Эзмэ авыл жирлегенен Иләбәр авыл китапханәсе һәм клуб хезмәткәрләре  укучылар белән берлектә табигать кочагында «Чәчәкле җәй – ямьле җәй!» дигән исем астында чәчәкләргә багышлап  эко-микрофон уздырдылар. Катнашучылар күргәзмәгә куелган төрле язучыларыбызның китапларыннан  чәчәкләргә багышланган шигырьләрне микрофонга укыдылар, бакчаларында үсүче яраткан гөлләре турында бай мәгълүмат җиткерделәр. Чара хәрәкәтле уеннар белән дәвам итте.

     3 ай дәвамында 22 укучыга эш урыннары булдырылды.

"Ямьле Саба" проекты кысаларында Эзмә авыл җирлегенең Пүкәл авыл китапханәсе, клуб белән берлектә, яшьләр өчен "Балачакка сәяхәт" дип исемләнгән туристик маршрут оештырды. Маршрутның беренче ноктасы "Юкәлек" булды. Бу урында безнең яшьләр балачак уеннарын искә төшерделәр һәм төрле хәрәкәтчән уеннар уйнадылар. Маршрутының икенче ноктасы - элеккеге мәктәп - хәзерге мәчет. Рәхмәт сүзләре белән елмаеп, шул ук вакытта мәктәптә укыган вакытны сагынып искә алдылар. 3 нче номерлы ноктага сугыш ветераны Фаттахов Гаяз һәм тыл ветераны Фаттахова Камилә яшәгән йорт керде. Дүртенче пункт - элеккеге клуб - хәзерге кибет бинасы. Бу урында без яшьләр белән Музыкаль тукталыш ясадык һәм балачакта өйрәнгән җырларны башкардык. 5 нче нокта - спорт мәйданчыгы. Бу урында хәрәкәтчән уеннар уйнадылар, гитарада уйнадылар, яраткан җырларын башкардылар. Чараны Саба районының 90 еллыгына багышланган "Сабам минем - гүзәл ягым" җыры белән төгәлләделәр.