ЯҢАЛЫКЛАР

Саба муниципаль районының Эзмә авыл җирлегендә урнашкан Иләбәр авылы «Умырзая» балалар бакчасының 50 бала сыйдырышлы яңа бинасын төзү эшләре бара. Эшне «Ак таш» ҖЧҖ оешмасы башкара.

Саба районының Эзмә авыл җирлегендә  яшь белгечләрне тораклы итү һәм авыл җиренә квалификацияле белгечләр тарту максатыннан, Республика күләмендә “Яшь белгечләргә аренда торагы” программасы кысаларында йортлар төзелеп тора. Чираттагы йорт Иләбәр авылында авыл хуҗалыгы белгеченә дип төзелә башлады.

Җиңү көненең 75-еллыгын каршылау уңаеннан, 22 Бөек Ватан сугышы ветераннарының тол хатыннары һәм тыл ветераннары район тарафыннан әзерләнгән бүләкләр кабул иттеләр. Бүләкләрне Эзмә авыл җирлеге башлыгы А.Р.Шәйхетдинов тапшырды.

«9» май көнне Эзмә авыл җирлегендәге учреждение җитәкчеләре, Бөек Җиңүнең 75 еллыгы уңаеннан, Бөек Ватан сугышы ветераннары һәйкәлләренә чәчәкләр куйдылар һәм һәлак булганнарны бер минутлык тынлык белән искә алдылар.

Татарстан Республикасы Президенты инициативасы белән үзизоляция вакытында “Ярдәм янәшә! Помощь рядом!” акциясенә старт бирелде, аның кысаларында гражданнарның аерым категорияләренә азык-төлек җыелмаларын тарату оештырылды. Мондый җыелмаларны Эзмә авыл җирлегеннән 25 гаилә алды.

Саба муниципаль районының Эзмә авыл җирлегендә урнашкан Олыяз авылы «Чәчкә» балалар бакчасы бинасын төзекләндерү эшләре төгәлләнде. Эшне  «ПМК-159» ҖЧҖ   башкарды.

Саба муниципаль районының Эзмә авыл җирлегенең Олыяз авылында урнашкан спортзал бинасын төзекләндерү эшләре төгәлләнде. Эшне  «Кристал» ҖЧҖ башкарды.

Эзмә авыл җирлегендә 65 яшьтән өлкәнрәк һәм ялгыз яшәүче гражданнар өчен  волонтерлар тарафыннан азык-төлек һәм дарулар китерү оештырылды.

Җәмгыятьтә үзизоляция шартларында күпбалалы һәм мохтаҗ гаиләләргә ярдәм итүнең мөһимлеге артты.  Эзмә авыл җирлегенең  «Әхмәтов Р.Г.» КФХ күпбалалы һәм мохтаҗ гаиләләргә ярдәм итте,аларга үзендә җитештерелгән азык-төлек пакетлары өләште. Аңа зур рәхмәт белдерәбез.