ЯҢАЛЫКЛАР

ТАССР төзелүнең 100 еллыгына  әзерлек кысаларында, Эзмә авыл жирлегенең Эзмә мәдәният йорты хезмәткәрләре тарафыннан бу тарихи вакыйгага багышланган стенд ясалып мәдәният йортына урнаштырылды.

Без һәрберебез үзебезнең үткән тарихыбызны барлап киләчәк буыннарга тапшырырга бурычлы. Эзмэ авыл жирлегенен Иләбәр авыл китапханәсе һәм клуб хезмәткәрләре «Үткәннәре белән тормыш якты, киләчәге белән кадерле» дигән исем астында ТАССР төзелүгә - 100 ел, Бөек җиңүгә -75 ел, Саба районы оешуга 90 ел тулу уңаеннан авыл үзешчәннәре катнашында  тематик концерт уздырдылар. Чара барышында әлеге темаларны яктырткан сәхнә әсәрләре, җырлар, шигырьләр яңгырады, дәртле биюләр башкарылды.

«23» февраль көнне, Эзмә авыл җирлегенең Пүкәл авыл клубында, китапханә белән берлектә, Ватанны саклаучылар көне уңаеннан, ир- егетләр арасында «Армия хикмәтләре» дигән күңел ачу чарасы уздырылды. Бәйге барышында егетләребез җитезлектә, тапкырлыкта, шаянлыкта көч сынаштылар. Турлар арасында үзешчәннәребез үзләренең матур, дәртле җырлары белән сөендерделәр. Бәйрәм ахырында һәр катнашучыга истәлекле бүләкләр тапшырылды.

2020 елда без ТАССР төзелүнең 100 еллыгын билгеләп үтәргә җыенабыз. Иләбәр авыл китапханәсе мөдире,  Эзмә урта мәктәбенең 2 сыйныф укучылары, аларның сыйныф җитәкчесе белән берлектә, «Укучының мәдәни көндәлеге» проекты кысаларында «Тарих кайдан башлана» дигән исем астында танып белү сәгате уздырды. Чара барышында укучыларга  авылларыбыз тарихы, җирлегебездә урнашкан тарихи урыннар турында бай мәгълүмат җиткерелде, китап күргәзмәсенә күзәтү ясалды.

«09» февраль көнне Бигәнәй мәдәният йортында ТАССР төзелүнең 100 еллыгына, Саба районы төзелүнең 90 еллыгына, Бөек Ватан сугышында Җиңүнең 75 еллыгына багышланган  Эзмә авыл җирлеге үзешчән сәнгатьтә катнашучыларның «Жырлыйк туган якта» дип исемләнгән отчет - иҗат концерты булып узды. Фойеда әлеге күренекле даталарга багышланган күргәзмә оештырылды. Тамашачылар концертны бик теләп карадылар, үзешчән сәнгатьтә катнашучыларның һәр чыгышын тамашачылар кочле алкошлар белән каршы алдылар.

7 февраль көнне Эзмә авыл җирлеге территориясендә «России чаңгы юллары 2020»  -  «Татарстан чаңгы юллары 2020»  массакүләм чаңгы ярышлары булып узды. Бу ярышлар халыкны спорт белән шөгыльләнүгә җәлеп итү һәм иң көчле чаңгычыларны ачыклау максатыннан оештырылды. Анда Эзмә авыл җирлеге территориясендә урнашкан  оешма хезмәткәрләре һәм барлык теләүчеләр чакырылган иде. Елның иң массакүләм ярышларының берсендә 290 кеше катнашты, шуларның 15е җитәкчеләр.