ЯҢАЛЫКЛАР

   «15» нче февраль көнне Эзмә авыл җирлегендә ТАССР төзелүнең 100 еллыгына, Саба районы төзелүнең 90 еллыгына, Бөек Ватан сугышында Җиңүнең 75 еллыгына багышланган Кышкы спартакиада уеннары үткәрелде. Спорт бәйрәмен Саба муниципаль районы башлыгы урынбасары Закирзянов Расих Рахимзянович ачып жибәрде. Шулай ук  Эзмә авыл җирлеге башлыгы Шайхетдинов А.Р. ачу тантанасында катнашты. Спонсорлар Эзмә авыл җирлеге, ҖЧҖ «Игенче», КФХ Ахметов Р.Г., ҖЧҖ «Сабинская ПМК Мелиорация», ҖЧҖ «Сабагро», ҖЧҖ «Сабылен», ИП Мавлетов А.Х., ИП Зарипов А.М., ИП Ахметов В.Г., ИП Габдрахманова Ч.И. Ярышлар программасына волейбол ярышы, итекле футбол, канат тартышу, чангы ярышы кергэн иде. 300 якын спортчы уеннарда катнашты. Эзмэ авыл жирлегенен бюджет хезмэткэрлэре балалар хэм олкэнрэклэр белэн торле кызыклы уеннар, конкурслар оештырдылар. Барлык килгэн катнашучыларны хэм кунакларны кайнар плов, коймак, чэй тэм-томнары белэн ҖЧҖ «Игенче», КФХ Ахметов Р.Г., ҖЧҖ «Сабинская ПМК Мелиорация» оешмалары бушка сыйлады.

2020 елда без зурлап Саба районы оешуның 90 еллыгын билгеләп үтәчәкбез. Бу  уңайдан, Иләбәр авыл китапханәчесе,  Эзмә «Саф чишмә» балалар бакчасына йөрүче балалар,тәрбиячеләр белән берлектә,  «Талантларга бай син авылым» дигән исем астында поэзия сәгате уздырдылар. Балаларга үзебезнең җирлектән чыккан шагыйрьләрнең  балалар өчен язылган  шигырьләре кычкырып укылды,табышмакларга җавап табу буенча тапкырлык сәгате үтте,китап күргәзмәсенә күзәтү ясалды.

«05» февраль  Эзмә авыл җирлегенең Олуяз мэдэният йортында Ахметов Р.Г.  крестьян-фермер хуҗалыгының отчет җыелышы булып узды. Директор һәм баш белгечләр 2019 елда үз эшләренә тирән анализ ясадылар, җитешсезлекләрне билгеләделәр, аларны төзәтү һәм камилләштерү юлларын күрсәттеләр, 2020 елга планнар билгеләделәр. Җыелышта Татарстан Республикасы Авыл хуҗалыгы һәм азык-төлек министрлыгының Саба муниципаль районы авыл хуҗалыгы һәм азык-төлек идарәсе башлыгы Гафур Шәйхулла улы Хасаншин катнашты һәм аларның 2019 елдагы эшчәнлеген хуплады. Җыелыштан соң район мәдәният йорты хезмәткәрләре концерт программасы белән чыгыш ясады.

«03» февраль  көнне Эзмә авыл җирлегендә халык җыены булып узды. Җыенда Саба муниципаль районы башлыгы Р.Н.Минниханов, хокук саклау органнары вәкилләре, оешма-предприятия җитәкчеләре һәм вәкилләре катнашты.

Иләбәр авылында яшәүче Даутова Кафия Хөснетдин кызы 90 яшьлек юбилеен билгеләп үтте. Юбилярга Саба муниципаль районы Башкарма комитеты аппараты җитәкчесе М.Р. Кәримов Россия Президенты котлавын тапшырды. Шулай ук аны Саба районы социаль яклау бүлеге җитәкчесе М.М.Хузин hәм Эзмә авыл җирлеге җитәкчесе А.Р.Шәйхетдинов котлап бүләкләде.