ЯҢАЛЫКЛАР
Иләбәр авылында яшәүче Даутова Кафия Хөснетдин кызы 90 яшьлек юбилеен билгеләп үтте. Юбилярга Саба муниципаль районы Башкарма комитеты аппараты җитәкчесе М.Р. Кәримов Россия Президенты котлавын тапшырды. Шулай ук аны Саба районы социаль яклау бүлеге җитәкчесе М.М.Хузин hәм Эзмә авыл җирлеге җитәкчесе А.Р.Шәйхетдинов котлап бүләкләде.
saby.tatarstan.ru
Ялны оештыру һәм җәмәгать активлыгын арттыру, сәламәт яшәү рәвешен пропагандалау һәм иң көчле чаңгычыларны ачыклау максатыннан, «12» гыйнвар көнне Эзмә авыл җирлегенең Иләбәр авылы чаңгы трассасында чаңгы ярышлары үткәрелде. Ярышларда барлык теләүчеләр - өлкәннәр һәм балалар катнашты. Узыш тәмамланганнан соң Эзмә мәдәният йортында чаңгы ярышында җиңүчеләрне һәм призерларны бүләкләү булды.
saby.tatarstan.ru
«11» һәм «12» гыйнвар көннәрендә, Эзмә авыл җирлегенең Пүкәл авыл клубында һәм Эзмә авыл мәдәният йортында, китапханә белән берлектә, Иске Яңа елга багышланган «Яңа Елда уңышлар!" дип аталган бәйрәм концерты узды. Лотерея билетлары уйнату концерт номерлары һәм күңелле конкурслар белән үрелеп барды.
saby.tatarstan.ru
Эзмә авыл җирлегенең Өтернәс авыл клубында Яңа ел каникулларында балалар өчен лотерея үткәрелде. Балалар бу чарадан бик канәгать калдылар. Барысы да призлар һәм татлы бүләкләр алды.
saby.tatarstan.ru
«3» гыйнвар көнне, Эзмә авыл җирлегенең Пүкәл авыл клубында, китапханә белән берлектә,балалар өчен "Кыш бабайның тылсымлы иле"дип исемләнгән чыршы бәйрәме узды. Оештыручылар балаларны тылсымлы кышкы әкият дөньясына алып керә торган программа әзерләделәр. Балалар Яңа ел программасында катнаштылар, әкият дөньясына чумдылар. Әлбәттә, бәйрәмнең төп геройлары - Кыш Бабай һәм Кар Кызы белән очрашу программаның кульминациясе булды. Барлык теләүчеләр яңа ел тылсымчысына шигырьләр сөйләделәр һәм чыршы тирәсендә җырлап-биеп әйләнделәр.
saby.tatarstan.ru
«31» декабрь көнне Эзмэ авыл жирлегенен Илэбэр авыл клубы хэм китапханэ хезмэткэрлэре Яна ел бал-маскарады уткэрделэр. Бэйрэм торле кызыклы конкурслар, биюлэр, жыр-мон белэн урелеп барылды. Хэр катнашучы истэлек булэклэре алдылар.
saby.tatarstan.ru
Яңа ел - барыбызның да көтеп алган, яраткан бәйрәме. Әлеге бәйрәм уңаеннан, «30» декабрь көнне Эзмэ авыл жирлегенен Пүкәл авыл клубында «Балкый Яңа ел утлары!» дигән исем астында Балмаскарад узды. Бәйрәм тамашасы театраль күренеш белән башланып китте. Кыш бабай белән Кар кызы авылыбызда яңа өйләнешүчеләрне, яңа туган сабыйларны бүләкләгәннән соң, балмаскарад, күңелле уеннар, дәртле җыр-биюләр, кызыклы күренешләр белән дәвам итте. Тамаша бәйрәм дискотекасы белән тәмамланды. Тамашачылар һәр чыгышны көчле алкышларга күмеп, яңа елга яңа дәрт алып таралышты.
saby.tatarstan.ru
«31» декабрь көнне Эзмә авыл җирлегенен Олыяз мәдәният йортында "Хуш киләсен Яңа ел"дип исемләнгән бал-маскарад үткәрелде. Төрле күңел ачу бәйгеләре, уеннар оештырылды. Конкурслар концерт номерлары белән чиратлашып барды. Барлык катнашучылар да, киләсе елга бик күп уңай энергия заряды алып, үткәрелгән чарадан канәгать калдылар.
saby.tatarstan.ru
«30» нчы декабрь көнне Эзмә авыл җирлеге мәдәният йортында "Яңа ел серпантины" дип исемләнгән музыкаль күңел ачу программасы булып узды. Бәйрәм кичәсе "Яңа ел мәзәк тарихлары" дигән театральләштерелгән тамаша белән башланып китте, анда популяр Яңа ел җырлары, биюләр, күңелле уеннар һәм конкурслар да яңгырады. Бу бәйрәм кичәсенең барлык буыннарны берләштерүе һәм һәркемне яңа елдан ниндидер үз хыялын, үз өметен, могҗизасын алуы да мөһим.
saby.tatarstan.ru
Саба районының Эзмә авыл җирлеге коллективы барыгызны да якынлашып килүче Яңа ел белән тәбрик итә! Киләсе елда сезгә нык сәламәтлек, бәхет, күңел ныклыгы, үз көчегезгә ышаныч һәм оптимизм телибез. Сезнең туганнарыгыз һәм дусларыгыз һәрвакыт Сезнең белән булсын, ә сезнең йортларда иминлек, мәхәббәт чәчәк атсын.
saby.tatarstan.ru