ЯҢАЛЫКЛАР

    2 нче июнь көнне Эзмә мәдәният йорты, Эзмә урта мәктәбе hэм "Саф чишмә" балалар бакчасы хезмәткәрләре белән берлектә Сабантуй бәйрәме өчен бирнә жыйдылар.

 

1 июнь көнне Эзмә мәдәният йортында "Саф чишмә"балалар бакчасының чыгарылыш кичәсе булып узды. Бу һәр бала һәм аның ата-аналары өчен аерым вакыйга. Әле күптән түгел генә ул балалар бакчасына йөри башлаган кебек, ә бүген инде чыгарылыш кичәсе.

 Быел тәрбиячеләр 19 искиткеч бала – 10 малай һәм 9 кыз чыгарды. Әлеге чара балалар, тәрбиячеләр һәм ата-аналар өчен бик мөһим һәм дулкынландыргыч җылы, дустанә атмосферада үтте.. Чыгарылыш балаларын тормышындагы әлеге мөһим вакыйга белән котлап бакча мөдире , тәрбиячеләр һәм ата-аналар, аларга алга таба да уңышлар, сәламәтлек һәм уңышлар теләделәр. Чара барышында укучыларга район мәгариф бүлегеннән канцелярия кирәк-яраклары тутырылган портфельләр тапшырылды. Чара ахырында балалар хушлашу вальсын биеделәр, соңыннан чәй табынына күчтеләр.

1 июньдә - Халыкара балаларны яклау көне билгеләп үтелә . Бала - безнең киләчәгебез, милләтебез горурлыгы.Иләбәр авыл китапханәсе һәм клуб хезмәткәрләре тарафыннан  бәйрәм  көне уңаеннан  чара уздырылды.    “Без сәламәт яшәү рәвеше яклы” дигән  темага асфальтка рәсем ясау конкурсы  үтте,хәрәкәтле уеннар сәгатендә дә укучылар актив катнаштылар. Барлык балаларга истәлекле бүләкләр тапшырылды.

    1 нче июнь көнне Эзмә мәдәният йорты хезмэткәрләре "Халыкара балаларны яклау көне" уңаеннан  балалар белән куңел ачу уеннары кичәсе үткәрде. Соңыннан нәтиҗәләр ясалып, балаларга истәлекле бүләкләр тапшырылды.

 

1 июнь-Балаларны яклау көне уңаеннан Пүкәл авыл клубы hәм китапхәнә хезмәткәрләре "Тылсымлы ил-балачак" дип исемләнгән күңел-ачу программасы уздырды. Әлеге чарада балалар татар халык уеннары, спорт уеннары уйнадылар, эстафета ярышында көч сынаштылар, жырладылар, биеделәр. Бэйрэм «Квест» уены белән тәмамланды.

    25 май көнне Эзмә мәдәният йортында мәктәп бәйрәме-Соңгы кыңгырау булып узды. Котлау сүзләре белән мәктәп директоры Шәймәрданов А. Н. чыгыш ясады, авыл җирлеге башлыгы А. Р. Шәйхетдинов, «Игенче» ҖЧҖ генераль директоры А. З. Зарипов, «Әхмәтов» КФХ башлыгы А. Г. Әхмәтов, «Лен» ҖЧҖ директоры Габдрахманов Р. В., имам д. Илебер Гыйльманов Р. С., шулай ук беренче укытучылар, сыйныф җитәкчесе һәм ата-аналар.

  Бәйрәм кунаклары укучыларны мәктәпне тәмамлау белән котладылар, имтиханнарны уңышлы тапшырып, югары уку йортларында укуларын дәвам итүләрен теләделәр, шулай ук истәлекле грамоталар һәм бүләкләр тапшырдылар. Укучылар үзләре дә кызыклы концерт программасы әзерләделәр: җылы сүзләр, нәфис шигырьләр, изге теләкләр һәм матур җырлар.

  Алар үзләренең укытучыларына уку дәвамында биргән белемнәре, ата-аналары һәм бөтен туган мәктәп коллективына рәхмәт белдерделәр. Традиция буенча чыгарылыш сыйныф укучыларын беренче сыйныф укучылары котладылар, истәлекле бүләкләр тапшырдылар. Аларга 9 һәм 10 нчы сыйныф укучылары да кушылды. Сонгы кыңгырау чыңлады.

25 май көнне Пүкәл авыл клубы һәм китапханәсе хезмәткәрләре балалар белән табигатькә "Яшел планета" дигән экскурсия оештырдылар.  Язгы табигать, табигатьтә үз-үзеңне тоту кагыйдәләре турында сөйләштеләр. Әлеге экскурсиядән балалар үзләре өчен күп кенә кызыклы мәгълүматлар алдылар.

18 май көнне район мәдәният йортында " Ел гаиләсе 2019» конкурсынын йомгаклау этабы булып узды. Олыяз авылыннан Гатауллиннар гаилэсе катнашып, «Ин тату гаилэ» исеменэ лаек булды. Шулай ук әлеге чарада Республикакуләм «Минем шәҗәрәм» конкурсының муниципаль этабында 2нче урынны яулаган, 5нче сыйныф укучысы Шәйхетдинова Азалия бүләкләнде.

15 нче май көнне Пүкәл авыл клубы һәм китапханә хезмәткәрләре яшь гаиләләр белән "Гаилә формуласы яки 100 бәхет рецепты" дип исемләнгән очрашу кичәсе оештырдылар. Башта һәр гаилә үзенең "Гаилә бәхете рецепты" белән уртаклашты. Ә аннары гаиләнең һәр компоненты– «каз бәбкәсе» уенында, кайгыртучанлык күрсәттеләр – «Минем гаиләм» картинасын булдыруда эшләделәр, аны бармаклары белән ясадылар һәм гаилә бердәмлеген күрсәттеләр.