ЯҢАЛЫКЛАР

Һәр елны 2 февралдән – 9 февральгә  кадәр Куркынычсыз Рунет атналыгы уздырыла. Әлеге атналык кысаларында «04» февраль көнне Эзмэ авыл жирлегенен Иләбәр авыл китапханәсе һәм клуб хезмәткәрләре «Куркынычсыз интернет» дигән  исем астында танып – белү сәгате уздырдылар. Чара барышында китапханәче укучыларга интернетта чыга торган мәгълүмат чараларының зыяны, спам, вируслар турында сөйләде. Мошенниклар тозагына эләкмичә ничек эшләргә кирәклеген ассызыклады. Катнашучыларга китап күргәзмәсе тәкъдим ителде.

«04» февраль көнне Эзмә авыл җирлегенең Эзмә мэдэният йортында 2020 елгы эшчәнлек нәтиҗәләре буенча «Игенче» хужалыгынын отчет җыелышы булды. «Игенче» хужалыгы 2020 елда яхшы нәтиҗәләргә ирештеләр, җыелыштан соң барлык эшчелэр очен Вадим Захаров, Динә һәм Рафаэль Латыповлар концерт программасы белән чыгыш ясады.

27 январь көне совет халкының кабатланмас батырлыгы һәм изге  Ватанына тугрылык үрнәге булгарак тарихка кереп калган.  Бөек Ватан сугышы тарихында Ленинград блокадасы – иң аянычлы вакыйгаларның берсе. Шул вакытта бу совет халкының ныклыгын, фашист илбасарларын  җиңүгә ышанычын да күрсәтте. Эзмэ авыл жирлегенен Иләбәр авыл китапханәсе һәм клуб хезмәткәрләре  әлеге уңайдан  укучылар белән берлектә «Ленинград блокадасы каһарманлык үрнәге»  дигән исем астында тарих сәгате уздырылды. Укучыларга әлеге исем астында тематик китап күргәзмәсе тәкъдим ителде. Китапханәче Н. Карбискаяның Ленинград блокадасына багышлап язылган «871 день» дигән китабына нигезләнеп, укучыларга  шәһәр халкы  кичергән  авырлыклар  турында  сөйләде. «Тормыш юлы», «Блокада икмәге» турындагы мәгълүматны да балалар зур кызыксыну белән тыңладылар.

Эзмә авыл җирлеге яшьләре актив рәвештә физик культура белән шөгыльләнә, Татарстан Республикасы Саба муниципаль районында уздырыла торган барлык спорт чараларында катнашалар.

Хезмәт төбе- хәзинә! Нәкъ шушы сүзләр безнең  Олыяз  «Чәчкә» балалар бакчасында тәрбияләнүче Хуҗиәхмәтов Ризван Искәндәр улына туры килеп тора. Алты яшь булуына карамастан, Ризван спорт өлкәсендә яхшы уңышларга һәм нәтиҗәләргә ирешә. Әлбәттә ул моңа үзененең тырышлыгы һәм тренеры Хуҗиәхмәтов Ильяс Мәүлид улы  ярдәмендә ирешә. Көрәш буенча узган Яңа ел  турнирында Ризван  III  өченче урынны яулый һәм мактау грамотасы белән бүләкләнә. Без аның белән горурланабыз, киләчәктә тә дә зур уңышларга ирешүен телибез.

Иләбәр авылында яшәүче Зарипова Гөлфия Заһир кызы 90 яшьлек юбилеен билгеләп үтте. Юбилярга Эзмә авыл җирлеге җитәкчесе А.Р.Шәйхетдинов Россия Президенты котлавын тапшырды.

Табигать кочагында саф һавада булу балаларның сәламәтлеген ныгыта, үзләре яшәгән тирәлекнең матурлыгын күрергә ярдәм итә. Эзмэ авыл жирлегенен Иләбәр авыл китапханәсе һәм клуб хезмәткәрләре «Китапсөярләр» клубы членнары белән табигать кочагына экологик сәяхәткә бардылар. Укучылар  белән табигать күренешләренә багышланган мәкаль, әйтемнәрдән  тапкырлык сәгате узды. Катнашучылар чана шуу ярышында катнашып иң оста шуучы укучыны билгеләделәр.

Саба районының Эзмә авыл җирлегендә  яшь белгечләрне тораклы итү һәм авыл җиренә квалификацияле белгечләр тарту максатыннан, Республика күләмендәге «Яшь белгечләргә аренда торагы» программасы кысаларында йортлар төзелеп тора. Олыяз авылында авыл хуҗалыгы белгечләренә дип 3 яңа йорт төзелә башлады.

Саба районы Эзмә авыл җирлегенең Олыяз, Пүкәл авылларында дәүләт программасы нигезендә йортлар төзелеше башланды.

2021 елның «05» гыйнварында Эзмә авыл җирлегенен Олыяз авыл мәдәният йорты мөдире балалар белән «Безгә Яңа ел килә һәм бүләкләр алып килә!" дип исемләнгән уен чыршысы үткәрде. Барлык балалар да уеннарда актив катнаштылар, җырлар җырладылар, биеделәр һәм Кыш Бабайга шигырьләр сөйләделәр. Барысы да призлар алды һәм канәгать калды.