ЯҢАЛЫКЛАР

Эзмә авыл җирлеге яшьләре актив рәвештә физик культура белән шөгыльләнә, Татарстан Республикасы Саба муниципаль районында уздырыла торган барлык спорт чараларында катнашалар.

Эзмэ авыл җирлегенен Эзмэ авылында жэяулелэр очен яна тротуар эшлэнеп тапшырылды. Эшне «Саба ПМК «Мелиорация», «МДСУ-1» оешмалары башкарды.

Китап – ул яхшы әңгәмәдәш һәм бик яхшы корал. Ул бездә тормышка карата мәхәббәт уята, уйланырга мәҗбүр итә. Балаларда китапка мәхәббәт тәрбияләү белән бергә, аларга карата сак караш та тәрбияләргә өйрәтү китапханәченең төп бурычы. Бу уңайдан Эзмэ авыл жирлегенен Иләбәр авыл китапханәсе һәм клуб хезмәткәрләре «Китап сөярләр» клубы членнары белән «Китаплар да авырый» дигән исем  астында китапларга ярдәм сәгате уздырдылар. Укучылар таушалган китапларның битләрен тәртипкә китереп, тузган җирләрен скотчлар белән ябыштырып ремонтладылар, соңыннан ремонтланган китаплардан китап күргәзмәсе төзеп куйдылар.

Балачак - кеше тормышында уникаль чор, бу вакытта сәламәтлек формалаша һәм шәхес үсеше гамәлгә ашырыла. Укучыларның көзге каникуллары вакытында, «Күңелле каникуллар» проекты кысаларында, Эзмә авыл җирлегенең Эзмә авыл мәдәният йорты хезмәткәрләре «Дуслык» мәктәп яны лагере балалары белән «Эш беткәч уйнарга ярый» дип исемләнгән музыкаль - күңел ачу чарасы үткәрделәр. Балалар бик актив, кызыксынучан, инициативалы. Алар дуслык турында җырлар җырладылар, шигырьләр сөйләделәр, уеннарда һәм конкурсларда бик теләп катнаштылар. Барысына да күңелле һәм кызык булды.

«6» ноябрь – Татарстан Конституциясе көне. Төп законыбыз булган Конституция Татарстан халкының мәнфәгатьләрен үз эченә туплап, өмет – хыялларын чагылдыра, киләчәккә ышанычын ныгыта. Әлеге бәйрәм уңаеннан Эзмә авыл җирлегенең Иләбәр авыл китапханәсе һәм клуб хезмәткәрләре балалар белән берлектә «Конституция – төп закон» дигән исем астында танып – белү сәгате уздырдылар, шул исемдәге китап күргәзмәсе тәкъдим ителде. Чараның икенче өлешендә «Я рисую свои права» дигән исем белән рәсем конкурсы узды.

Көз үзенең серлелеге, матурлыгы белән күп шагыйрьләрене үзенә җәлеп итә. Әлеге фасылның гүзәллеген чагылдырган шигырьләр тупланган китаплар бик күп. Эзмэ авыл жирлегенен Иләбәр авыл китапханәсендә «Әсәрләрдә көз темасы» дигән исем астында укучыларга китап күргәзмәсе тәкъдим ителде. Күргәзмәгә обзор ясалды. Укучылар китаплардан көзгә багышланган шигырләр укыдылар.

Эзмэ авыл жирлегенен Олыяз мәдәният йорты мөдире балалар белән берлектә «Россия. Ил. Бердәмлек.» дигэн халыклар бердәмлеге көненә багышланган стенгазета чыгардылар. Барлык катнашучылар да актив рәвештә рәсем ясадылар, буядылар, кистеләр һәм детальләрне ябыштырдылар. Барысы да бик тырыштылар һәм күп көч куйдылар. Барлык катнашучылар да бик күп уңай эмоцияләр алдылар һәм үз эшләреннән канәгать калдылар. Соңыннан барысы да кечкенә бүләкләр алдылар.

Эзмә авыл җирлегенең Иләбәр авыл китапханәсе һәм клуб хезмәткәрләре китап укучылар белән бергә «Охотники за информацией» дигән исем астында сафари-тур уены  уздырдылар. Әлеге уенның максаты - китапханәдә булган китаплар, вакытлы матбугат, энциклопедияләрдән кирәкле мәгълүматны тиз арада эзләп таба белү. Алфавитлы һәм системалы каталогны файдаланырга өйрәнү. Укучылар станцияләр буйлап сәяхәт итеп биремнәрне чишеп ахырдан мәкаль төзеделәр.

Саба муниципаль районы Эзмә авыл җирлегендә 50 урынлык "ТР Саба муниципаль районы  "Умырзая" Иләбәр балалар бакчасы" МБМБУ төзү буенча эшләр төгәлләнде. Эшне - "Ак таш" ҖЧҖ оешмасы башкарды.