ЯҢАЛЫКЛАР
Эзмә авыл җирлегенен «Игенче» җәмгытенең Иләбәр авылы янындагы басудан кукурузны урып, силос салу башланды. Быел кукурузның - Лимагрейн сорт-2195 ФАО 190 50 га. утыртылды.
Тәҗрибәле hәм ышанычлы комбайнчы Газиянов Рөстәм Таhир улы урып-җыюда беренче елын гына эшләми инде. Шоферлар яшел массаны силос базына вакытында ташып торалар. Яшел массаны таптап , тыгызлап тору өчен 2 берәмлек трактор куелган.
Фотода: Газиянов Рөстәм Таhир улы.
saby.tatarstan.ru
Эзмә авыл җирлегенен «Игенче» җәмгыятенең Пүкәл комплексында, тудыру бүлегеннән күчерелгән, 100 hәм 500 башка исәпләнгән бозау үстерү торакларында 4 эшче хезмәт куя. Тәҗрибә hәм осталык, эш сөю hәм тырышлык аларга зур уңышларга ирешергә ярдәм итә. 2017 елда бозау караучы Хайретдинова Люция Әмин кызынына, терлекчелек тармагында югары җитештерү күрсәткечләренә ирешкәне өчен «Атказанган терлекче» исеме бирелде. Шайдуллина Гөлнур Нури кызының шушы җәмгыяттә эшләгән гомуми стажы 46 елдан артып китә.
Фотоларда: Хайретдинова Л.А., Шайдуллина Г.Н., Гусманова Ф.Г., Рамазанова Г.С.
saby.tatarstan.ru
Эзмә авыл җирлегенең «Игенче» җәмгыятендә терлек азыгы хәзерләү дәвам итә. Бүген хуҗалык басуларында өченче кат чаптырылган күпьеллык үләннәрдән азык хәзерли башладылар.
saby.tatarstan.ru
Эзмә авыл җирлегендә «Игенче» җәмгыяте пай җирләрен арендага биргән хуҗалыкларга ашлык бирә башлады. 1 га пай җире өчен аренда түләвенең күләме җәмгыять буенча 800 сум тәшкил итә.
saby.tatarstan.ru
Ел саен 3 нче сентябрь көнне Россиядә терроризмга каршы көрәштә бердәмлек көне билгеләп үтелә. Шул уңайдан Эзмә авыл җирлегенен Пүкәл авыл клубында, китапханә белән берлектә "Хәзерге дөньяда террорчылык һәм экстримизм күренешләре" дигән темага әңгәмә үткәрелде. «Терроризм», «теракт» кебек сүзләрнең төшенчәләре һәм терроризм актлары кылу теләге тудыручы сәбәпләр ачылды. Шулай ук теракт янауы килеп чыккан очракта һәм заложник итеп алынган очракта үзеңне ничек тотарга кирәклеге турында сөйләнелде, экстремаль хәлләрдә үз-үзеңне тотуга аерым игътибар бирелде. Чара балаларның яраткан уеннары белән тәмамланды.
saby.tatarstan.ru
Эзмә авыл җирлегенең «Игенче» җәмгыятенә кергән сөт җитештерү комплексы Пүкәл авылы янында урнашкан. Комплекста 19 сыер савучы hәм 4 оператор хезмәт куя. Көндәлек савым ике сменада башкарылып, 1100 баш сыердан 25910 кг сөт тәшкил итә. Барлык эшчеләргә дә эш hәм ял итү өчен унайлыклар тудырылган.
saby.tatarstan.ru
Эзмә авыл җирлегендә үзара салым акчаларына юл ремонтлау эшләре төгәлләнде. Эшне «Сабинская ПМК «Мелиорация» ҖЧҖ оешмасы башкарды.
saby.tatarstan.ru
1 нче сентябрь көнне мәктәпләрдә hәр бала көтеп алган яңа уку елы башланды. Күңелләрдә сөенеч, йөзләрдә шатлыклы елмаю балкый. Яңа уку елы hәркемгә шатлык-сөенечләр,бары тик яхшы билгеләр, уңышлар гына алып килсен.
saby.tatarstan.ru
«28» август көнне Эзмә авыл җирлегендә халык җыены булып узды. Җыенда Саба муниципаль районы Башлыгы Р.Н. Минниханов, Саба муниципаль районы Башкарма комитеты Җитәкчесе М.Р.Ишниязов катнашты. Эзмә авыл җирлеге башлыгы Шәйхетдинов А.Р. халык каршында 2015-2020 нчы елларда авыл җирлегендә башкарылган эшләр буенча чыгыш ясады һәм 2020-2025 нчы елларда эшләнергә тиешле эшләргә тукталып, бурычларны да билгеләп үтте. Җыенны йомгаклап Саба муниципаль районы Башлыгы Р.Н. Минниханов, авыл җирлегендә яшәүче халыкка мөрәҗәгать итеп, авылның һәм гомүмән районның киләчәген ничек күрүе, нинди юнәлештә хәрәкәт итәргә кирәклеге турындагы фикерләре белән уртаклашты.
saby.tatarstan.ru
Эзмә авыл җирлегенә кергән «Игенче» җәмгыятенең Эзмә бүлекчәсе басуларында көзге арыш культурасын чәчү башланды. Мирзагалләмов Рамиль Тимербай улы яңа 2020 елда алынган Кировец К-742 тракторында «Salford 522» чәчкече белән 345 гектарда көзге арыш чәчте.
saby.tatarstan.ru