ЯҢАЛЫКЛАР

Яңа ел бәйрәмнәре алдыннан тәрбияләнүчеләр һәм аларның гаиләләре арасында футболны популярлаштыру, балаларның иҗади сәләтләрен үстерү, бәйрәм атмосферасы булдыру һәм спорт белән мәдәният арасындагы элемтәләрне ныгыту максатыннан МБМБУ «Салават күпере» 3 нче Шәмәрдән балалар бакчасында "Футбол тематикасына Яңа ел уенчыгы" акциясе оештырылды. Атна дәвамында балалар әти-әниләре белән бергәләп, төрле техникалар кулланып (папье-маше, фетр, бәйләү, пластик, картон) уенчыклар ясадылар. Футбол туплары рәвешендәге уенчыклар (карала-аклы алтыпочмаклар) аеруча популяр булды. Уенчыклар әзер булгач,  төп футбол чыршысын бизәү тантанасы оештырылды. Барлыгы 90 нан артык тематик уенчык әзерләнде һәм чыршыга урнаштырылды. Акция барышында балалар футбол һәм аның атрибутикасы турында киңәйтелгән белемнәрен күрсәттеләр. Чарада катнашучы һәркем Рәхмәт хаты һәм истәлекле бүләкләр белән бүләкләнде. Акциядә катнашучыларның барысына да зур рәхмәтебезне белдерәбез!!!

22 декабрьдә илебездә ата-аналарга «Гомер өчен рәхмәт!» дигән Бөтенроссия рәхмәт бәйрәме билгеләп үтелә. МБМБУ Саба 1 нче «Шатлык» балалар бакчасында тәрбияләнүчеләр акциядә актив катнаштылар. Балалар әти-әниләренә рәхмәтләрен белдерделәр, «Гомер өчен рәхмәт!»  дигән открыткалар әзерләделәр. Бәйрәмнең максаты-яшьләрне ата-аналарны хөрмәт итү рухында тәрбияләү, гомер бүләк иткән өчен рәхмәт хисе,  тормышка мәхәббәт тәрбияләү, гаилә кыйммәтләрен ныгыту. Кадерле әти-әниләр, искиткеч бәйрәм белән котлыйбыз! Балаларыгызның тормышын бәхетле итү өчен куйган мәхәббәт һәм кайгыртучанлык, тәрбия һәм тырышлыкларыгыз өчен рәхмәт сүзләрен кабул итегез.

22 декабрь көнне «Гомер өчен рәхмәт» 5 нче  ата-аналарга рәхмәт бәйрәме узды. Бәйрәмнең максаты: балаларны һәм яшүсмерләрне ата-аналарны хөрмәт итү рухында тәрбияләү, яшәү сәләте өчен рәхмәт хисе тәрбияләү, ата-ана-балалар мөнәсәбәтләрен гармонияләштерү, гаилә кыйммәтләрен ныгыту. Әлеге бәйрәм кысаларында Сабаның  4 нче  «Кынгырау» балалар бакчасының өлкән һәм әзерлек төркемнәрендә тәрбияләнүчеләр открыткалар ясадылар һәм аларны әти-әниләренә бүләк иттеләр.

Спас муниципаль районында сәламәтлек мөмкинлекләре чикләнгән балалар өчен авиамодельләр буенча зона шәхси-команда ярышлары узды. Саба муниципаль районын әлеге ярышларда "Саба мәктәп-интернаты" укучылары яклады. М. Н. Габтрахимов җитәкчелегендә безнең егетләр бик күп призлы урыннар яулап, искиткеч нәтиҗәләр күрсәттеләр! Талантлы катнашучыларыбызны лаеклы бүләкләре белән котлыйбыз.

2025 елда без К. Насыйриның тууына 200 ел тулуны билгеләп үттек. 18 декабрьдә Татарстан Республикасы Биектау районының «Йолдыз» Ямаширмә балалар бакчасында татар телле тәрбиячеләр арасында үткәрелүче «Белем һәм тәрбия бирүдә Каюм Насыйри хезмәтләре» республикакүләм бәйгесенең йомгаклау конференциясе узды. Чарада хөрмәтле кунаклар катнаштылар:

• ТР Мәгариф һәм фән министрлыгының мәктәпкәчә белем бирү бүлеге җитәкчесе Хисамиева Й.Ш.;

• “Мәгарифне үстерү институты” татар теле һәм әдәбияты кафедрасы мөдире, филология фәннәре кандидаты, доцент Шәмсетдинова Р.Р.;

• “Мәгарифне үстерү институты” мәктәпкәчә белем бирү бүлеге җитәкчесе Мифтахетдинова Н.Р.;

• МКУ “Биектау муниципаль районы мәгариф бүлеге” җитәкчесе Халитов И.А.;

• К. Насыйри исемендәге музейның Казан филиалы  өлкән фәнни хезмәткәре Мифтахетдинова Н.М.;

• Арча педагогика көллиятенең татар теле һәм әдәбияты укытучысы. Төхфәтуллина Ә. Г.

Юл-транспорт травматизмын профилактикалау - бөтен җәмгыять проблемасы. Балаларны юлларда үз-үзләрен дөрес тотарга өйрәтүне кечкенәдән башларга кирәк. Педагогларның һәм ата - аналарның бурычы-бүгенге мәктәпкәчә яшьтәге балалардан белемле һәм дисциплиналы юл хәрәкәтендә катнашучылар тәрбияләү.

"Юлларда сак булыгыз" тематик атнасы кысаларында Сабаның 5 нче номерлы “Бэлэкэч” балалар бакчасының урта төркемдә тәрбияләнүчеләр юл хәрәкәте кагыйдәләре турында театральләштерелгән тамаша күрсәттеләр. Урманда яшәүчеләр юл билгеләре, юлда килеп чыгарга мөмкин булган куркынычлар, светофорларның ни өчен кирәклеге, юл хәрәкәтендә катнашучыларның барысы да үзләрен ничек тотарга тиешлеге турында сөйләделәр.

Чарада Татарстан Республикасы "Юл хәрәкәте иминлеге" Саба районындагы профилактика бүлеге башлыгы Ягъфәрова Гүзәл Нәзиф кызы катнашты. Ул балаларның юл хәрәкәте кагыйдәләре турындагы барлык сорауларына җавап бирде.

Очрашу азагында яшь катнашучыларга яктылыкны кайтара торган элементлар, буклетлар тапшырылды, юлда игътибарлы һәм бик сак булуларын теләделәр.

Бүген 15 декабрьдә Сабаның 2 нче номерлы «Эллуки» балалар бакчасы базасында тәрбиячеләр өчен «Мәктәпкәчә яшьтәге балаларның сөйләмен үстерү: нәтиҗәле практика һәм методика» темасына район семинары узды.  

2025 елның 11-12 декабрендә Мәскәүдә мәктәп китапханәчеләренең I Халыкара форумы узды. Чарада илебезнең 89 төбәгеннән 1000 педагог катнашты. Катнашучылар алдында дәүләт эшлеклеләре, мәгариф һәм китапханә эше өлкәсендәге белгечләр, танылган язучылар, актерлар һәм публицистлар чыгыш ясадылар.

Безнең районны әлеге чарада Иштуган урта мәктәбе китапханәчесе Иванова Светлана Вениаминовна тәкъдим итте. Ул лаеклы чыгыш ясап, жюри тарафыннан югары бәяләнде һәм призёр булды. Светлана Вениаминовнаны зур җиңүе белән котлыйбыз, аңа киләчәктә иҗади уңышлар, нык сәламәтлек һәм иминлек телибез!

Яңа ел алдыннан, "Саба урта гомуми белем бирү мәктәбе" ндә иҗат һәм могҗиза хөкем сөрде. Педагогика сыйныфы укучылары 4 сыйныф укучылары өчен яңа ел чыршыларына  уенчыклар ясау буенча мастер-класс оештырдылар.

Бу мастер-класс матур Яңа ел сувенирларын булдыру мөмкинлеге генә түгел, өлкән укучыларның белемнәре белән уртаклашу һәм кечеләрне рухландыру. Без булачак педагогларыбыз белән горурланабыз һәм аларның балаларга шулкадәр күп уңай хисләр бүләк итүләренә шатбыз!

Кукмара шәһәренең 4 нче номерлы «Ләйсән» балалар бакчасында  мәктәпкәчә яшьтәге балаларның иҗади сәләтләрен ачыклау һәм үстерү, математик белемнәрен билгеләү максатыннан “Мыслеходики” математика фестивале узды.