ЯҢАЛЫКЛАР

Олы Кибәче урта гомумбелем бирү мәктәбендә экологик культура, сәламәт яшәү рәвеше тәрбияләү буенча экологик айлык үткәрү күркәм традициягә әверелеп бара. Айлык кысаларында  “Батарейка» , "Сыерчык оясы” , ”Чиста ишегалды”,  “Яшел даруханә" акцияләре узды. Эколяталар  белән табигать саклау тематикасы буенча   интеллектуаль уеннар, дәресләр  үткәрелде

Җәйге чорда ял итү өчен актив яшьләрне җәлеп итү максатыннан, 25 нче апрель көнне Саба муниципаль районы мәгариф учреждениеләрендә «Сәләт – Саба» әйдаманнары белән очрашулар узды. Алар Икшермә кадет мәктәбендә, Балалар иҗат үзәгендә, Шәмәрдән «Үсеш» лицеенда булдылар. Әйдаманнар укучыларны сменаның эшчәнлеге белән таныштырдылар, сорауларына җавап бирделәр.

Исегезгә төшерәбез, Икшермә кадет мәктәбе базасында 2022 нче елның 29 нчы июненнән 16 нчы июленә кадәр «Сәләт – Саба» җәйге сменасы узачак.

Мәктәп укучыларында цифрлы икътисад компетенцияләрен үстерү, шулай ук мәгълүмати технологияләр өлкәсендә алдан һөнәри юнәлеш бирү максатыннан, 26 апрель көнне Байлар Сабасы «Сәләтле балалар өчен мәктәп- интернаты»нда - «Ясалма интеллект” темасына цифрлы дәрес булып узды. Әлеге дәреснең максаты: белем бирү юнәлеше һәм мәктәп укучылары арасында программалаштыру күнекмәләрен һәм  IT- индустриянең төп юнәлешләрен популярлаштыруга ярдәм итү. Чараны Саба муниципаль районы башкарма комитеты җитәкчесе урынбасары, икътисад бүлеге җитәкчесе М. М. Баһманов ачып җибәрде. Ул ясалма интеллект -  технология, роботлаштырылган техника, аналитик системаны кеше буларак акыл белән уйлау ысулларын өйрәнүче заманча фән юнәлеше турында сөйләде. Марат Мансурович шулай ук Байлар Сабасында IT-Парк ачылуын һәм аның эшчәнлеге һәм цифрлаштыру буенча Татарстан рейтингында Саба районы нинди урын алып торуын билгеләп үтте. Дәрес кысаларында укучылар ясалма интеллект турында видео язма карадылар. Шуннан соң үзләре дә ясалма интеллект буенча тренажер биремнәрен үтәделәр.

Балалар иҗаты үзәгендә музыкаль тәрбия иң мөһим юнәлешләрнең берсе булып тора. Балалар һәм укучылар дөнья классикларының төрле музыкаль әсәрләре белән танышалар, музыкаль инструментларны, шул исәптән баян, курай кебек халык музыкасы инструментларын өйрәнәләр.

Фәрит Аубакиров балалар һәм укучылар арасында музыкаль тәрбия бирүне үстерү буенча күп еллар эшләүче педагог. Ул балалар иҗаты үзәгендә генә түгел, Саба муниципаль районының мәктәпкәчә белем бирү учреждениеләрендә дә эшли. 2021-2022 нче уку елында Фәрид Габделмәҗит улы Сабаның 1 нче номерлы «Шатлык» балалар бакчасында дәресләр алып бара, милли уен коралын өйрәнү буенча белем бирә. Балалар беренче дәрестән инструмент белән таныша башладылар, укытучыга үзләрен кызыксындырган сорауларын бирделәр.

24 нче апрельдә Киров өлкәсенең Нократ Аланы шәһәренең «Победа» мәдәният сараенда халык биюләре төбәкара фестиваль - конкурсы узды. Фестивальдә Балалар иҗат үзәге һәм Саба гимназиясенең «Микс» хореография коллективы (җитәкчеләре Дәүләтшина А. Ф., Гаррәпова Г. Х.) катнашты, шулай ук, коллектив җитәкчеләре “Остаз” номинациясендә чыгыш ясадылар.

Безнең хореография коллективы һәм остазларыбыз бәйгенең I дәрәҗә дипломы белән бүләкләнде. Катнашучыларны, җитәкчеләр Гөлчәчәк Гаррәпова һәм Альмира Дәүләтшинаны лаеклы җиңүләре белән котлыйбыз!

Балаларның юл-транспорт фаҗигаләренә юлыгуы элеккеге вакытлардан ук кискен проблемаларның берсе булып калды. Аны хәл итү максатыннан 1973 елда беренче мәртәбә яшь инспекторлар отрядлары оештырылды. Урамнарда һәм юлларда культуралы тәртипне, коллективизм хисен, кече яшьтәге мәктәп балалары арасында юл хәрәкәте кагыйдәләрен пропагандалау алар алдына бурыч итеп куелды.

21 апрель көнне Байлар Сабасы гимназиясендә районнын ЮХИДИ бүлекчәсе яшь инспекторлар арасында "Куркынычсыз тәгәрмәч" конкурсын үткәрде.

Барлык көндәшләреннән дә өстен чыгып быел район турында Сабаның Сәләтле балалар мәктәбе командасы җиңү яулады. 2 нче урынны гимназия командасы алды. Шекшеләр 3 нче урында. Җиңүче командалар агитбригадалар арасында да ачыкланды. 3 нче урында Сәләтле балалар мәктәбе, 2 дә Икшермәләр, 1нче урында Шәмәрдән лицее командасы

«Татарстан Республикасы Саба районы И.С.Башкиров исемендәге Завод-Нырты урта гомумбелем бирү мәктәбе» «ЭКОЯЗ 2022» республика акциясенә кушылды.

Акциянең максаты - экологик культура һәм әйләнә-тирәлеккә сак караш формалаштыру.

Мәктәп укучылары һәм аларның әти-әниләре «Һәр сыерчыкка - оя» акциясендә актив катнаштылар һәм йорт яны, мәктәп территорияләрендә сыерчык оялары урнаштырдылар.

"Экология. Куркынычсызлык. Тормыш» акция кысаларында түбәндәге чаралар үткәрелде: 1-4 сыйныф укучылары өчен «Су сакчылары», 5-7 сыйныф укучылары өчен «Экологик квест», 8-11 сыйныф укучылары өчен «Экотурнир» .

Ай дәвамында мәктәп китапханәсендә «Барысы да табигать турында» дип исемләнгән әдәбият күргәзмәсе оештырылды. Укучылар өчен «Китапханәдә Экология» дигән китапханә дәресе, «Кошлар көне»нә багышланган танып-белү чарасы үткәрелде.

      Районыбызда белем бирү учреждениеләре арасында "ЭкоЯз - 2022" акциясе бара. Килдебәк  мәктәбе укучылары да   бу акциягә теләп кушылдылар һәм язны файдалы эшләрдән  башладылар. Әлеге акция кысаларында файдаланылган батарейкаларны җыю эше бара, «Кошлар-безнең дусларыбыз», «Табигать матурлыгын саклыйк» дигән рәсем конкурслары оештырылды, ә иң яхшы эшләр акциябез грамоталары белән бүләкләнәчәк. Шулай ук «Минем сыерчык оясы», «Макулатура тапшыр – агачны сакла», «Чиста ишегалды», «Чиста урам» акцияләре үткәрелә.

    Акция кысаларында 5 сыйныф укучыларыбыз Лесхоз бистәсенең дендрология бакчасында булдылар.

    Безнең мәктәп укучылары «ЭКОяз – 2022» акциясендә актив катнашалар.

Татарстанда цифрлаштыру елы уңаеннан рееспубликабыз укытучыларына яңа ноутбуклар биреләчәк. Әлеге программа Татарстан Республикасы Президенты Рөстәм Миңнеханов һәм Ак Барс Банк тарафыннан тормышка ашырыла, мәгариф өлкәсен цифрлаштыруга юнәлтелгән. Ноутбукларны тантаналы рәвештә тапшыру чарасы “ICL Техно” технопаркында үтте. Татарстан Президенты 10 иң яхшы информатика укытучысына ноутбуклар тапшырды. Бу тантанада Саба районыннан Иштуган урта мәктәбенең информатика укытучысы Борһанов Тимур Юрьевич катнашты.

Эзмә мәдәният йортында " Кар десанты» дип исемләнгән патриотик  – күргәзмә үткәрелде. ​ Чара Россия Федерациясе Гимны белән башланып китте.  Мәдәният йорты хезмәткәрләре һәм тарих укытучысы Н.М. Сөләйманова эзтабарлар отрядының «Кар десанты»экспедициясе  турында сөйләп  видеоролик күрсәттеләр.​ Шулай ук балалар эзтабарлар отрядының Бөек Ватан сугышы вакытында һәлак булган һәм хәбәрсез югалган туганнары  өчен авырлыкларны җиңеп, бик яхшы эш башкаруын белделәр. Чараның икенче өлешендә укучылар әлеге төркем оештырган күргәзмә белән таныштылар.​