ЯҢАЛЫКЛАР

   19нчы һәм 20нче гыйнвар  көннәрендә Саба урта мәктәбендә “Әти-әниләр куркынычсызлык өчен” дип исемләнгән республикакүләм   конкурсның муниципаль этабы үтте. Бәйгенең максаты – балалар һәм әти-әниләр арасында юл-транспорт һәләкатләрен киметү һәм юл хәрәкәте иминлеге кагыйдәләрен үтәү. Бәйге мәгариф идарәсе, Рәсәй Эчке эшләр министрлыгының Саба районы буенча Эчке эшләр бүлегенең дәүләт автоинспекциясе бүлеге, юл хәрәкәте иминлеге территориаль идарәсенең профилактика бүлегенең Саба районындагы бүлекчәсе һәм Алдынгылар хәрәкәте белән берлектә үткәрелде. Чара кызыклы, җанлы һәм оешкан төстә үтте. 1-2 сыйныф укучылары категориясендә 1нче урынга Саба гимназиясе, 2нче урынга Сатыш, 3нче урынга Иштуган мәктәбе командасы лаек булды. 3-4 сыйныф укучылары категориясендә исә 1нче урынны Саба урта мәктәбе, 2нче урынны “ОНИКС” белем үзәге, 3нче урынны Шәмәрдән лицее әти-әниләр командасы яулады. Тормышыбыз имин, юлларыбыз һәрчак уң булсын!

Эзмә урта мәктәбе Алдынгылары “7 көн “Рәхмәт” акциясе үткәрделәр. Акция кысаларында укучылар мәктәп хезмәткәрләренә, укытучыларга, дусларына һәм әти-әниләренә рәхмәт белдерделәр.

Явлаштау урта гомуми белем бирү мәктәбе укучылары Бердәм гамәлләр көне кысаларында үткәрелгән бөтенроссия «Музейлар эше» акциясенә катнаштылар.

Югары Симет урта мәктәбе укучылары һәм укытучылар  кышкы чорда обелиск тирә – ягын кардан чистарталар.

Олы Кибәче урта мәктәбе укучылары Шәрәфиева Зилә, Маланин Тимур һәм Мөбәрәкҗанов Рәсүл теннис буенча Спартакиаданың зона этабында уңышлы чыгыш ясадылар. 

Бүген укучылар экологик акциядә катнаштылар һәм кошлар өчен үз куллары белән җимлекләр ясадылар. Дәрес барышында балалар кышкы чорда кошларга ярдәм итүнең ни өчен мөһим булуын, безнең төбәктә кышлап калган кошларны һәм аларны нәрсә белән ашатырга мөмкин булуын белделәр. Һәр катнашучы тырышлык, фантазия һәм табигатькә карата игътибар һәм кайгыртучанлык күрсәтте. Әзер җимлекләрне балалар мәктәп территориясендә һәм ишегалларында урнаштырачаклар. Мондый чаралар балаларда әйләнә-тирә дөньяга җаваплы караш формалаштыра, экологик культураны үстерә һәм тереклек ияләренә карата мәрхәмәтлелек һәм игътибарлылык тәрбияли

2026 елның 13 гыйнварыннан 17 гыйнварына кадәр "ОНИКС" мәгариф үзәгендә педагогика фәннәре докторы В.М. Букатов катнашында методик атналык уза.

Бүген Саба аграр көллияте һәм Саба урта мәктәбенә  укуда, спортта, сәнгатьтә алдынгы булган, шулай ук бүгенге көндә әтиләре  махсус хәрби операциядә катнашучы мәктәп укучылары ел саен үткәрелә торган район хакимияте башлыгының Чыршы бәйрәменә җыелды. Чарада районыбыз мәктәпләрендә һәм аграр көллияттә белем алучы укучылар катнашты. Саба урта мәктәбендә бәйрәмгә килүчеләрне һәр почмакта аниматорлар уен-көлке, җыр-бию белән каршы алды, алты юнәлештә мастер-класслар үтте.  Саба аграр көллиятендә югары сыйныф укучылары өчен кызыклы тамаша узды. Һәр катнашучыга шәхси эшмәкәр Гөлия Каримова кибетеннән мәктәп кирәк-яраклары алу өчен сертификат, тәм-томнар, уеннарда катнашучыларга аерым истәлекле  бүләкләр таратылды.

    Чара кысаларында 2025нче елда Татарстан Республикасының Архив эше буенча дәүләт комитеты тарафыннан үткәрелгән “Минем шәҗәрәм” дигән генеологик тикшеренүләрнең республика бәйгесенә дә йомгак ясалды. Бәйгедә өч яшь төркеме буенча 25 мәктәп укучысы катнашты һәм җиңүчеләр акчалата бүләккә ия булды. Район башлыгы Рәис Нургали улы Миңнеханов котлавыннан соң, сәхнәдә Яңа ел тамашасы башланып китте. Кыскасы, укучылар бәйрәмнән яңа көч, дәрт һәм бәйрәмчә хис-кичерешләр белән таралыштылар.

Лесхоз "Ләйсән" балалар бакчасында күнелле хәм мавыктыргыч Яңа ел күнел ачу бәйрәме оештырылды. Балалар бу могҗизалы, сюрпризлы бәйрәмне түземсезлек белән көтеп алдылар.Балалар бәйрәмгә килгән яраткан геройларны шатланып каршы алдылар. Мавыктыргыч маҗаралы уеннарда шатланып көлеп катнаштылар. Күңелле уеннар, дәртле биюләр, яңа ел җырлары кабатланмас искиткеч чын могҗиза булды. Балалар бәйрәмнән күңел күтәренкелеге, һәм Кыш бабайдан тәмле күчтәнәчләр алдылар. Яңа ел бары тик бәхет, шатлык, тынычлык алып киләсен! Барлык хыяллар чынга ашсын!

29нчы декабрь көнне Эзмә “Саф чишмә” балалар бакчасында Яңа ел әшләнмәләренә йомгак ясалды. Бу күркәм бәйрәм балаларны, әти-әниләрне берләштереп, катнашучыларның креативлыгын, сәләтен ачыкларга ярдәм итте. Яңа ел эшләнмәләре, бик зәвыклы, матур, әкияттәгечә сихри килеп чыкты.Барлып катнашучыларга рәхмәт хатлары һәм бүләкләр тапшырылды.