ЯҢАЛЫКЛАР

Тимершык урта мәктәбенең «Шатлык» мәктәп яны лагерена йөрүче укучылар Саба үзәкләштерелгән туган якны өйрәнү музеенда булдылар. Балалар өчен музей заллары буйлап кызыклы экскурсия үткәрелде.Укучылар төрле экспозицияләр, музейның аерым экспонатларының кызыклы тарихлары белән таныштылар. Шулай ук танылган якташларыбызның биографиясе турында да мәгълүмат алдылар.

29нчы октябрь көнне Саба урта мәктәбе базасында республика күләмендә семинар узды. Анда мәгариф идарәләренең (бүлекләренең) мәктәпкәчә белем бирүгә җаваплы белгечләре, методистлары, мәктәпкәчә белем бирү оешмалары җитәкчеләре, туган телне өйрәтү буенча тәрбиячеләр катнашты. Семинарның темасы: «Күпмилләтле мохиттә мәктәпкәчә яшьтәге балаларның белем алуга омтылышларын, яшь һәм индивидуаль үзенчәлекләрен исәпкә алып, ата-аналар белән үзара эш итү һәм педагогик яктан агарту формалары» иде. Бу чара «Мәдәниятләр диалогы» мәдәни-мәгариф проекты кысаларында үткәрелде.
     Мәктәпкәчә белем бирү учреждениеләре коллективлары балаларны милли тәрбияләү һәм укыту, туган телне һәм гореф-гадәтләрне саклау һәм үстерү буенча үз эш тәҗрибәләре белән уртаклаштылар. Алар «Saba Balahoner», «Яшь оста», «Чемодандагы гореф-гадәтләр», «Акыллы әкиятләр», «Дус балалар бакчасы серләре» кебек район һәм республика проектларында катнашучы педагоглар, балалар бакчасы тәрбияләнүчеләре һәм аларның ата-аналары турында сөйләделәр. Хаҗиев И.И. әти буларак балалар бакчасында үзенең роле турында сөйләде.
      Менделеевск, Казан, Алабуга шәһәрләреннән килгән коллегалар, ватанпәрвәр тәрбияләү, туган телне үстерү һәм ата-аналарны педагогик яктан агарту формалары буенча осталык дәресләре һәм чыгышлар тәкъдим иттеләр.

Ш.З.Зиннуров исемендәге Сатыш урта гомумбелем бирү мәктәбе каршында эшләп килүче «Кояшкай» ял һәм сәламәтләндерү лагерена йөрүче укучылар, ЮИД отряды белән берлектә, “Юл фәннәре мәктәбендә күңелле белемнәр” уенында катнаштылар. Уен барышында укучылар юл хәрәкәте кагыйдәләрен белү буенча төрле биремнәр башкардылар. Чара күңелле генә түгел, бик файдалы да булды.

Ш.З.Зиннуров исемендәге Сатыш урта гомумбелем бирү мәктәбенә Партап педагогика көллияте президенты, педагогика фәннәре докторы, профессор Балвант Сингх килде. Ул мәктәптәге укыту һәм тәрбия бирү шартлары белән танышты, «Кояшкай» мәктәп яны сәламәтләндерү лагерена йөрүче укучылар белән аралашты һәм аларга уңышлар теләде. Очрашу җылы һәм күңелле мөхиттә узды.

Түбән Шытсу төп мәктәбе укучылары Лесхоз урман музеенда, Минннеханов Н.М. исемендәге дендралогик бакчада булып, урман тарихы белән таныштылар,күп төрле үсемлекләр,кошлар, җәнлекләр белән кызыксындылар. Соңыннан “Лукоз” кәҗә фермасы эшчәнлеге турында  Гарипов Р.Н . сөйләде. Фермадагы эш юнәлешләре укучыларда кызыксыну уятты. 8-9 сыйныф укучылары экскурсиядән канәгать калдылар.

Лесхоз урта мәктәбендә юл хәрәкәте иминлеге дәүләт инспекциясе хезмәткәрләре булды, алар безнең укучылар өчен “Һөнәри ориентация” дип исемләнгән сыйныф сәгате үткәрделәр. Бу бик җанлы әңгәмә булды, анда полиция капитаны Гаянова Г.Ф., полиция инспекторы Насибуллин И.Д. һәм профилактика бүлеге начальнигы Ягафарова Г.Н. катнашты. Балалар инспектор һөнәре турында күп нәрсәләр белделәр.

 Курсабаш мәктәп-интернаты укучылары хат ташучы һөнәре белән танышуга багышланган танып-белү чарасында катнаштылар. Әлеге чара укучыларның һөнәрләрнең төрлелеге һәм эшчәнлекнең һәр төренең әһәмияте турындагы күзаллауларын киңәйтүгә юнәлдерелгән һөнәри юнәлеш бирү эше программасының бер өлеше булды.

Килдебәк урта мәктәбенең 10-11 сыйныф укучылары танылган тикшеренүче-туган якны өйрәнүче һәм педагог Илдар Фәтхулла улы Сафин оештырган шәхси музейда булдылар. Музей Саба муниципаль районының Юлбат авылында урнашкан. Бу музей гына түгел, ә уникаль экспонатлар белән тулы чын тарих һәм мәдәният хәзинәсе.

Укучылар коллекцияләренең байлыгына һәм төрлелегенә таң калдылар. Күрәсең, Илдар Фәтхулла улы экспонатларны җыеп кына калмаган, ә киләчәк буыннар өчен үзенең кече ватанының кыйммәтле мирасын саклап калырга тырышып, бу эшкә җанын салган. Күрәсең, ул үз авылының тарихын җентекләп өйрәнеп, экспонатлар җыеп һәм системалаштырып зур эш башкарган. 

 Иштуган гомумбелем бирү мәктәбендә укучылар, укытучылар, ата-аналар көче белән оештырылган хәйрия ярминкәсе булып узды. Бу чара ниндидер тормышчан, җылы , ихлас чын бәйрәм булды. Чараны оештыручылар ярминкәгә һәр теләүчене җәлеп итәргә тырыштылар. Укучылар, укытучылары белән берлектә, сатуга үзенчәлекле әйберләр тәкъдим иттеләр. 

Юлбат төп гомуми белем бирү мәктәбе базасында «Укучыларда лидерлык сыйфатларын формалаштыру факторы буларак сыйныф җитәкчесе эшендә укучылар үзидарәсе» темасына сыйныф җитәкчеләренең семинары узды. Юлбат төп гомуми белем бирү мәктәбенең класс җитәкчеләре үзләренең эш тәҗрибәсе белән уртаклаштылар. Семинар темасына класс сәгатьләре һәм мастер-класслар үткәрелде. Мастер-классларда класс җитәкчеләренә төрле биремнәр тәкъдим ителде. Семинар азагында барлык катнашучылар да узган чаралар турында фикер алыштылар. Семинар югары дәрәҗәдә узды, катнашучылар каралган мәсьәләләрнең актуальлеген һәм практик әһәмиятен билгеләп үттеләр.