ЯҢАЛЫКЛАР

23 март  көнне  Олы Кибәче  урта гомум  белем бирү мәктәбендә  «Үткәрелә торган чараларның сыйфатын арттыру аша мәгариф учреждениеләрендә педагог-оештыручының нәтиҗәле эшчәнлеген оештыру: балалар һәм яшьләр иҗтимагый берләшмәләре эшчәнлегенең заманча юнәлешләре һәм тенденцияләре" темасына  Саба районы педагог-оештыручыларының  методик  берләшмә   утырышы  узды. 

Педагог-оештыручы Нигматзянова Ә.Ә.  «Хәтер күнегүләре – киләчәк уңышның нигезе» дигән җыен үткәрде. "Балачак – бәхет иле" дигән класстан  тыш чарада укучылар искиткеч номерлар күрсәттеләр. Семинар ахырында педагог-оештыручылар эшчәнлегенә нәтиҗә ясалды.

22нче  март  көнне  Арча шәһәрендә  “Педагог-психолог-2022”  Республика конкурсының зона этабы үтте.  Әлеге бәйгедә 7 районның  педагог-психологлары көч сынашты. Саба районы данын беренче номерлы Шәмәрдән “Әкият” балалар бакчасыннан  Шакирова Люция Тимербаевна яклады һәм 3 урынга лаек булды.

Балалар бакчасында тәрбияләнүчеләрнең чит телләрне өйрәнүен камилләштерү,  талантлы балаларны ачыклау максатыннан, 22 март көнне Балалар иҗаты үзәгендә традицион чит телләр фестивале булып узды. Фестиваль районның 18 мәктәпкәчә белем бирү оешмасыннан 110нан артык баланы җыйды. Бәйге өч юнәлеш буенча үткәрелде: «Җыр», «Шигъри әсәр», «Театральләштерелгән тамаша». Фестивальдә катнашучылар  рус, татар һәм башка милләт әсәрләрнең инглиз телендәге композицияләрен башкардылар.

18 – 19 нчы март көннәрендә Лениногорск шәһәрендә мәктәп спорт клубларының  Бөтенроссия спорт уеннары республика этабы булып узды. Безнең район данын Саба гимназиясе  укучылары (җитәкчеләре – Гайнуллин И.Ш., Ахтямов А.Н.) якладылар. Алар видеоролик, йөзү, бадминтон, җиңел атлетика, стритбол ярышларында катнашып, 1 нче урынга лаек булдылар.. Алга таба Саба гимназиясе командасы әлеге ярышның Россия этабында республика данын яклаячаклар. Укучыларга һәм аларның җитәкчеләренә киләсе ярышларда уңышлар теләп калабыз.

2021-2022 нче уку елына Республикакүләм мәктәптән тыш эшләр үзәге планы нигезендә  Саба муниципаль районының сәләтле балалар мәктәп-интернаты базасында өсәмә белем бирү педагоглары өчен Республикакүләм укыту стажировкасы булып узды.

«Татарстан Республикасы Саба муниципаль районы Шәмәрдән 2 нче “Теремок” балалар бакчасы» мәктәпкәчә белем муниципаль бюджет учреждениясенда балаларны хокукый яклау атналыгы узды. Атна дәверендә балаларның хокуклары турында әңгәмәләр үткәрелде, ата-аналар өчен консультацияләр әзерләнде, күчмә папкалар ясалды. Шулай ук ата –аналарга балаларның һәм аларның хокуклары һәм бурычлары турында белешмәлекләр тәкъдим ителде. Мәктәпкә әзерлек төркеме балалары тәрбиячеләре Әскарова Гөлназ Ильяс кызы, Камалутдинова Людмила Иван кызы белән берлектә көндәлек куллану өчен “Бала хокуклары” альбомы ясадылар. Педагог- психолог Кошкина Ильмира Мөкмин кызы “Мин – кеше. Мин – шәхес. Минем хокукларым” дип исемләнгән уен формасында йомгаклау чарасы үткәрде. Чара барышында балалар кешене үз исеме белән атауның әһәмиятен ачыкладылар, матур исемнәрне атауда, табышмакларга җавап табуда көч сынаштылар, “Өен тап”, Кем нәрсәне дәвалый?” уеннарын уйнадылар, гаилә кыйммәте турында мультфильм карадылар. Чараны “Дуслар биюе” белән тәмамладылар.

16 март көнне Шәмәрдәннең 1нче «Әкият» балалар бакчасында  балаларны юлда йөрү куркынычсызлыгы  кагыйдәләренә өйрәтүгә багышланган чара  булып үтте. Зурлар төркеме балалары  “Бүре һәм кәҗә бәтиләре” дип исемләнгән театраль  тамаша күрсәттеләр.  Балалар шушы спектакль аша, юлда  йөрү куркынычсызлыгы кагыйдәләрен ничек үзләштергәннәрен күрсәттеләр.Әкият балаларга да, кунакларга бик ошады. Балалар юлларда игътибарлы булырга, кагыйдәләрне үтәргә сүз бирделәр. Чакырылган кунаклар, ЮХИДИ   инспекторы Насибуллин Ильнур Дамир улы һәм “Юл хәрәкәте иминлеге” дәүләт бюджет  оешмасының Саба бүлеге җитәкчесе Ягафарова  Гүзәл  Назиф кызы педагогларның эшен югары бәяләделәр, балаларның белемнәреннән канәгатъ калдылар, үзләренең киңәшләрен бирделәр, истәлекле бүләкләр тапшырдылар.

Балалар бакчасында төп максатларның берсе булып балаларга экологик тәрбия бирү тора. Безнең Мингәр “Сәйлән” балалар бакчасында, табигатькә, тереклек дөньясына сак караш тәрбияләү максатында, бакчабызда экологик тәрбия бирүгә ныклы игътибар бирелә. Бүлмәдә балаларны табигать белән таныштыру өчен, табигать почмагы булдырылды. Анда балаларның яшь үзенчәлекләренә карап, төрле бүлмә гөлләре, туган ягыбыз үсемлекләренә папка ясалды. Бүлмәдәге табигать почмагы балаларның аеруча яраткан урыннары, чөнки монда һәрвакыт яшеллек, матурлык, гүзәллек хөкем сөрә. Бу матурлыкны балалар үз куллары белән булдыралар. Гөлләргә су сибәләр, тузаннарын сөртәләр. Тәрәз төпләре өчен суган, тәмләткечләр утырталар.Сөйләм теле, экология шөгыльләрендә табигатькә бәйләнешле хикәяләр, әкиятләр укыйбыз,  шигырьләр ятлыйбыз.

Иләбәр балалар баксасында, зурлар төркеме балалары белән “Юл йөрү кагыйдәләре” буенча мероприятие үткәрелде. Балаларга юл йөрү кагыйдәләре тирәнтен аңлатылды, җәмгыять транспортында үз-үзеңне тоту кагыйдәләре ныгытылды; балаларның игътибарлылыгы,мөстәкыйль эзләнүләре, иҗади сәләтләре үстерелде

Туктар авылы «Тамчы» балалар бакчасында бу атнада эшчәнлекләр  “Сулар ага, бозлар китә, кошлар кайта җылы яклардан” темасына багышланды. Сөйләм үстерү эшчәнлегендә балалар  кошлар турында сөйләштеләр. “Кошлар кайтты”, “Килегез,кил,кошкайлар” уеннарын кызыксынып уйнадылар.Соңыннан кроссворд чиштеләр.