ЯҢАЛЫКЛАР

В редакции газеты “Саба таннары” состоялась торжественная церемония награждения победителей районного конкурса юных журналистов “Каурый калэм”. На конкурс учащиеся школ района представили свои сочинения в различных жанрах. Всего на конкурс было принято более 100 работ. Желаем каждому участнику конкурса и их  руководителям творческих успехов.

«Россия мәктәпләрендә кино дәресләре» Бөтенроссия проекты гамәлгә ашырыла башлады. Районыбызның барлык гомуми белем бирү учреждениеләрендә әти-әниләр һәм укучылар әлеге проект белән таныштылар, тәрбияви, бик эчтәлекле  фильмнар каралды. Проект турында барлык  мәгълүмат «Россия мәктәпләрендә кино дәресләре» сайтында түбәндәге сылтама буенча урнаштырылган: https://kinouroki.org/.

Сабаның 4 нче номерлы «Кыңгырау» балалар бакчасында «Яшел ут – 2022» республика конкурсының муниципаль этабы булып узды. Анда «Бәләкәч», «Теремок», «Салават күпере», «Әллүки», «Шатлык» балалар бакчалары тәрбиячеләре  катнашты. Педагоглар балаларны юлларда куркынычсыз тәртипкә өйрәтү буенча 2 нче кечкенәләр төркемендә тәрбияләнүче балалар белән шөгыль күрсәттеләр. Тәрбиячеләр балалар белән уртак эшчәнлектә заманча методлар һәм алымнар кулланып, юлларда куркынычсызлык  мәсьәләләренә карата кызыксынуларын арттырдылар.

2022 нче елның 14 нче февраленнән 19 нчы февраленә кадәр Саба муниципаль районы белем бирү оешмаларында "Психологик иминлеккә адымнар" дигән Республикакүләм  психология атналыгы уза.

16 февраль көнне, Балалар иҗат үзәге базасында "Иң шәп әйдаман” республика конкурсының муниципаль этабы  булып узды. Уку елы дәвамында отряд әйдаманнары үзләренең шефлык отрядларында уза торган барлык чараларда  оештыручыларыларның  ярдәмчеләре генә түгел, ә  күп кенә чараларны мөстәкыйль рәвештә оештырып үткәрүчеләр дә.

Әлеге бәйгедә әйдаманнар төрле каршылыкларны җиңеп, үзләренең иҗади, оештыру сәләтләрен күрсәттеләр, үзләренең “уен багажы” белән уртаклаштылар. Очрашу вакыты сизелмичә дә үтеп китте. Жюри әгъзалары барлык катнашучыларга грамоталар һәм бүләкләр тапшырды, ә җиңүче дип Шешке төп мәктәбеннән Гыйбадуллина Камилә танылды. Ул безнең район данын республика дәрәҗәсендә яклаячак.

Нәтиҗәдә, конкурста катнашкан барлык 5 әйдаман турында, безнең отряд вожатыйлар теләсә нинди эшне башкарып чыга, кыенлыклардан курыкмый дип ышаныч белән әйтергә була. Уңышлар сезгә, балалар! Сез булдырдыгыз!

Шәмәрдәннең 1нче номерлы "Әкият" балалар бакчасы музыка җитәкчесе  Димитриева Л.Г.  Мамадыш шәһәренең 5нче номерлы  "Бәләкәч" балалар бакчасы базасында үткән "Ел тәрбиячесе -2022" бәйгесенең зона этабында катнашты. Лилия Габделхәй кызы жюри әгъзалары игътибарына мәктәпкә әзерлек төркеме балалары белән   музыка шөгыле күрсәтте һәм «Минем педагогик табышым» дигән темага презентация тәкъдим итте . Лилия Габделхәй кызына   уңышлар телибез!

“Balahoner” муниципаль программаны гамәлгә ашыру дәвам итә. 9 нчы февраль көнне Сатышның "Кояшкай" балалар бакчасына йөрүчеләр “Balahoner” проекты кысаларында төрле станцияләрдә хезмәт балалар шартлы акчалар-барсларны кулланып, "Сабантуй" күңел ачу комплексында экскурсиядә булып, ял итеп кайттылар. Алар анда төрле уеннарда үзләренең көчләрен сынадылар, ә иң мөһиме куйган хезмәтләре өчен тиешле хезмәт хакларын файдалы һәм күңелле итеп кулландылар.

Совет гаскәрләренең Әфганистан чыгарылуына 33 ел тулу уңаеннан интернационал бурычын үтәгәндә һәлак булган райондашларыбыз истәлегенә мәктәбебез базасында укучылар арасында хоккей турниры үткәрелде. Уеннарны мәктәп дирекциясе Татарстан Республикасы инвалидлары иҗтимагый оешасының район бүлекчәсе, “Сугышчан туганлык” Бөтенроссия иҗтимагый оешмасының Саба бүлекчәсе, район хәрби комиссариаты, “Игенче” җәмыяте белән берлектә оештырды. Турнирда җиңүне Эзмә урта мәктәбе командасы яулады. Икнче урында- Шекше, өченчедә - Тимыршык, дүртенчедә-Шыңар урта мәктәбе укучылары.

8 нче февраль көнне «Saba BalaHoner» муниципаль программасын тормышка ашыру максатыннан Иләбәрнең “Умырзая” балалар бакчасына йөрүчеләр яңа оешмаларда булдылар. Балалар һәр станция спикерларын зур кызыксыну белән тыңладылар. Алар флорист, газета журналисты, фитнес-инструктор һәм машина йөртүче күнекмәләрен алдылар. Ә иң актив катнашучылар барслар – проектның шартлы акчаларын алдылар.

2022 нче елның 9 нчы февралендә Саба муниципаль районының Шәмәрдән лицее «Үсеш»ендә тормыш иминлеге нигезләре фәне буенча Татарстан Республикасы «Ел укытучысы» республика конкурсының зона этабы узды. Җиде районның укытучылары 8-10 нчы  сыйныф укучылары белән ачык дәресләр үткәрделәр һәм жюри хөкеменә үзләренең мастер классларын тәкъдим иттеләр. Бәйгедә катнашучыларның барысы да катлаулы сынаулар уздылар һәм лаеклы чыгыш ясадылар