ЯҢАЛЫКЛАР

4 нче февраль көнне В.И.Ленин исемендәге Бөтенсоюз  пионер оешмасының 100 еллыгы уңаеннан "Пионерлар җырлый" дип аталган патриотик җырлар фестивале  булып узды. Пионерия тарихын искә төшерү,  башкару осталыгын камилләштерү, бердәмлек, туган илгә мәхәббәт тәрбияләү максаты белән үткәрелгән әлеге чарада барлык класс укучылары  да пионерия атрибутикаларын, формаларын кулланып   актив  катнаштылар.

       Кыш-спортның актив төрләрен яратучылар өчен менә дигән вакыт. Спортның иң популяр һәм массакүләм төрләренең берсе-чаңгы спорты. Чаңгы әзерләү-олы яшьтәге мәктәпкәчә яшьтәге балаларга физик тәрбия бирүнең иң мөһим чараларының берсе. Безнең Явлаштау «Ромашка» балалар бакчасында төрле яшьтәге балалар чаңгы спорт төрен аеруча яраталар. Чаңгы белән шөгыльләнү баланың саф, салкын һавада булуын тәэмин итә, бу исә организмны чыныктыра, дәрт бирә, эшкә сәләтлелеген һәм чыдамлыгын арттыра. Чаңгыда йөрү баланың күзәнәге формалашуга уңай йогынты ясый, мускул төркемнәренең барысы да диярлек үсә һәм ныгый, сулышы һәм кан әйләнеше көчәя. Шулай ук чаңгы ярышлары баланың әхлакый-ихтыярый сыйфатларын тәрбияләүгә ярдәм итә: тәвәккәллек һәм үҗәтлек үстерә, кыенлыкларны һәм каршылыкларны җиңәргә өйрәтә, түземлек һәм дисциплиналылыкны формалаштыра. Һәм, әлбәттә инде, чаңгы шуу балаларга бик күп тәэсирләр алып килә.

     Без-Татарстан Республикасы Саба муниципаль районы Явлаштау урта гомуми белем бирү мәктәбе укучылары- Бөтенроссия  күләмендә оештырылган "Школа здорового поколения РДШ” бәйгесенең 300 баладан кимрәк укучысы булган мәктәпләр арасында  «Самая спортивная школа РДШ»  номинациясендә катнашып,  ПРИЗЕР дәрәҗәсенә ия булдык. Бу бәйге уку йортының спорт һәм сәламәт яшәү рәвеше алып баруның  бер ел буе алып барылган  эш нәтиҗәсен күрсәтә торган иң массакүләм бәйгеләрнең берсе. Россия балалар хәрәкәте мәктәп һәм директорны  диплом  һәм 30 данәдән торган Россия балалар  хәрәкәте символикасы төшерелгән спорт формасы комплекты белән бүләкләделәр.

Татар телендә белем бирүче мәктәпләрнең татар әдәбиятыннан узган республика олимпиадасында районыбыз укучылары 6 призлы урын алуга иреште. Тимершык урта мәктәбе укучысы Хаҗиева  Айлия (укытучысы Гарифуллина И.И.) бу уку елында да җиңүче, Кибәче укучылары Гайнетдинов Әлфис (укытучысы Сафина С.З.), Харисова Диләрә (укытучысы Гафиятова Ә.Ф.), Эзмә урта мәктәбеннән Марданова Азалия (укытучысы Хадиева Г.Ә.), Килдебәк урта мәктәбеннән Төхфәтуллина Гөлмәрьям (укытучысы Аскаров Н.М.) һәм Түбән Шытсу төп мәктәбеннән Фәйзрахманова Камилә (укытучысы Мусина Җ.Х.) призлы урыннарга ия булдылар. Җиңүчеләрне котлыйбыз, алга таба да уңышлар телибез.

Иске Мичән  “Таң” балалар бакчасында балалар өстәл уеннары уйнарга бик яраталар. Бу  уеннар балаларның интельлектуаль сәләтләрен ача , аларда уңай хис-тойгылар үстерә. Уен барышында балаларның хәтере ныгый, игътибарлылыгы арта, алар бер-берсенә юл куярга, аңлашып уйнарга өйрәнәләр, шулай ук тырышлык,эшне ахырына кадәр җиткерә белү, дисциплинарлылык-балаларга киләчәктә, мәктәптә укыган вакытта да   кирәк булган сыйфатлар. Балалар тәрбияче җитәкчелегендә төрле өстәл-басма уеннар уйныйлар: парлы рәсемнәр, лото, домино һәм башкалар.Бакчада  һәр баланың теләге һәм сәләте буенча өстәл уенын сайлау мөмкинлеге бар.Буш вакытында балалар бик теләп аерым-аерым һәм парлап уйныйлар.Шулай итеп,барлык өстәл уеннары баланың шәхси сыйфатлары һәм сәләтләре үсешенә дә зур этәргеч ясый.

30 нчы январь көнне Олы Шыңар авыл җирлегендә Нуриев Булат Раузит улы истәлегенә хоккей ярышы үткәрелде. Булат тумышы белән Кече Шыңар авылыннан һәм шушы мәктәп укучысы иде. Моннан 9 ел элек ул 22 яшендә  фаҗигале төстә  вафат була. “Булат Нуриев -  тормышка, спортка гашыйк кеше иде. Кешелеклелек, ихласлык... Кулыннан килмәгән эше юк, оештыру сәләте зур иде” – дип искә ала аны сыйныфташлары.

Шәмәрдән 3нче “Салават күпере” балалар бакчасы” мәктәпкәчә белем  муниципаль бюджет учреждениесендә янгын куркынычсызлыгы буенча эш тәрбия-белем бирү процессында аерым урын алып тора. Бары тик кече яшьтән алган белемнәр генә янгынга каршы таләпләрне белү һәм үтәүдә, кешенең үз-үзен тотышында табигый була ала. 26 гыйнвар көнне балаларның янгын куркынычсызлыгы кагыйдәләре турындагы белемнәрен ныгыту максатыннан  2 нче мәктәпкә әзерлек төркемендә "Яшь янгын сүндерүчеләр" квест-уены үткәрелде. Балалар төрле кызыклы станцияләр уздылар: "Табышмаклы", "Янгын сүндерәбез", "Ут - дус, ут - дошман", "Уйлап тап ", “Янгын куркынычы тудыручы предметлар". Балалар кызыксыну белән табышмакларга җавап бирделәр, лабиринтлар уздылар, пазллар җыйдылар, тәкъдим ителгән картиналардан янгын куркынычы тудырган предметларны билгеләп үттеләр. Чара ахырында балалар бик теләп пластилиннан чын янгын сүндерүчеләр әвәләделәр.

Татарстан Республикасы Саба муниципаль районының гомуми белем бирү оешмаларында "блокадалы икмәк" Бөтенроссия акциясе кысаларында чаралар узды. Яшь армиячеләр белән Россиянең Хәрби дан көненә - Ленинградны фашист блокадасыннан тулысынча азат итүгә 78 ел тулуга багышланган Хәтер дәресе үткәрелде. Презентация каралды, анда укучылар Ленинград блокадасы, халыкның тормыш өчен батырларча көрәшүе турында мәгълүмат алдылар. Мәктәпләрдә китап күргәзмәләре, рәсемнәр күргәзмәләре, викториналар, видеофильм карау оештырылды. Сыйныф сәгатьләре үтте. Шәмәрдән лицее укучылары " РИСК. Ленинград Блокадасы»  республика уенында катнаштылар. Килдебәк мәктәбе укучылары үз куллары белән блокада икмәге пешереп карадылар.

Хәзерге дөнья тиз үзгәрә, алга бара. Тормыш рәхәтләре артыннан ашыгып кубесенчә без иң мөһим булган әйберләр турында онытабыз- баларыбызның куркынычсызлыгы. Бу мөһим сорауны еш балар белән сойләшергә һәм кабатларга кирәк.  Шул максатларны истә тотып “ Үз-үзеңне куркынычсызлыкта тату” атна кысалаларына Олыяз “Чәчкә” балар бакчасында: “ Куркынычсызлык дәресләре”, әңгәмә, төрле  куркынычлык тудыру вәзгыятьләренә инөенировкалар куелды. 

Бүген Сабаның 2 нче номерлы «Әллуки» балалар бакчасында зурлар төркемендә тәрбияләнүчеләр арасында юл йөрү кагыйдәләре буенча викторина узды. Викторинага шулай ук ЮХИДИ хезмәткәрләре дә чакырылган иде.