ЯҢАЛЫКЛАР

«Әниләр Көне» бәйрәме алдыннан 20 ноябрь көнне Иштуган авыл китапханәсе «Каенкай» балалар бакчасының музыка җитәкчесе белән берлектә «Безнең әниләр иң яхшылар» дигән конкурс-уен программасы үткәрде. Безнең сөйкемле әниләргә кунакка клоуннар Клепа һәм Веселинка килде. Чара мавыктыргыч узды. Әниләр һәм балалар биремнәрне бик теләп башкардылар. Бәйрәм ахырында балалар әниләренә үз куллары белән ясалган бүләкләр тапшырдылар.

 

Явлаштау авыл китапханәсендә авыл мәдәният йорты белән берлектә балалар өчен "Исәнмесез! Яки сәламләү көне!"дигән мәгълүмати-уен сәгате үткәрелде.

Чара Русьта элек кулланылган һәм Владимир Иванович Даль тарафыннан җыелган һәм безгә тапшырылган сәламләүләрне өйрәнүдән башланды. Балалар  ерак заманнарда кешеләрнең бер-берсен ничек сәламләүләрен, сәламләүләргә ничек җавап бирүләрен белделәр. Чара барышында балалар көн саен куллана торган сәламләү сүзләрен искә төшерделәр, шулай ук төрле ил халыкларының сәламләү сүзләрен дә әйттеләр.

Барлык катнашучылар да «Сәламләү сүзләре аукционы», «Әдәпле сүзләр сүзлеге», «Сәламләү ишарәсе» һәм башка уеннарда бик теләп катнаштылар. Уеннарда балалар сәламләү, очрашу һәм кунакчыллык турындагы мәкальләрне һәм әйтемнәрне тирәнтен белүләрен күрсәттеләр.

Әниләр көне - бик матур, якты һәм күптән көтелгән бәйрәм, балалар әниләренә сюрпризлар тәкъдим итәргә яраталар. Ә иң яхшы бүләк, билгеле булганча, үз кулларың белән һәм чын күңелдән ясалган бүләк!

21 ноябрь көнне Олы Нырты мәдәният йорты хезмәткәрләре китапханә белән берлектә Әниләр көненә «Әнигә открытка» ясау буенча мастер-класс үткәрделәр. Балалар белән матур открытка ясадык. Катнашучылар биремне бик яхшы үтәделәр һәм әниләренә бәйрәмгә бүләкләрен күрсәттеләр.

Шарфлар, яулыклар һәм палантиннар нәкъ менә шушы аксессуарлар теләсә кайсы хатын — кыз образын якты һәм кабатланмас итә. Шәмәрдән авыл һәм балалар китапханәсе 21 ноябрь көнне “Дуслык” клуб берләшмәсе хатын-кызлары өчен яулык бәйләү буенча мастер-класс үткәрде. Хатын-кызларның, кызларның һәрвакыт кул астында бер төсле шарфлар, яулыклар һәм ачык, караңгы палантиннар; төрле төстәге һәм зурлыктагы оригиналь атлас яулыклар; җылы палантиннар, шарфлар һәм шәлләр булырга тиеш.

Яулык кызларны, хатын-кызларны назлырак, нәфисрәк итә.

Бөтендөнья балалар көне уңаеннан Явлаштау авыл китапханәчесе «Белмәмеш» клуб берләшмәсе белән «Күңелле стартлар» исемле чара үткәрде. Балалар бик теләп физик активлык үсешенә ярдәм итүче  төрле спорт уеннарында һәм конкурсларда катнаштылар. Әзерләнгән  мини-уеннар һәм иҗади мастер-класслар балаларга бик ошады.

Әниләр Көне алдыннан 2024 нче елның 20 нче ноябрендә "Х.һәм А. Вәлиуллиннар исемендәге Саба балалар сәнгать мәктәбенең" рәсем бүлеге укучылары  “Яраткан Әнием портреты» дип исемләнгән күргәзмәсен оештырдылар.

Әниләр Көне-иң кадерле һәм иң якын кешегә багышланган җылы һәм ихлас бәйрәм. Әлеге күргәзмә-барыбызга да әниләребезне ничек яратуыбыз, кадерләвебез һәм хөрмәт итүебез турында сөйләү мөмкинлеге ул! Әни - дөньяда иң кадерле һәм иң якын кеше, ул безне үзенең кайгыртуы һәм мәхәббәте белән әйләндереп ала. Күргәзмәдә катнашучыларның барысы да үз эшләренә ихласлык, мәхәббәт һәм назлылык салдылар!

Барлык әниләрне якынлашып килүче бәйрәм белән котлыйбыз! Бәхет, сәламәтлек һәм иминлек телибез!

20 нче октябрьдә  Саба балалар сәнгать мәктәбе укучыларының "Музыка-безнең мәңгелек юлдашыбыз" дигән күчмә концерты булды. Концерт Сатыш авыл мәдәният йортынды узды. Тамашачыларга Саба балалар сәнгать мәктәбе укытучылары һәм укучылары матур программа бүләк итте. Музыка дөньясы безне тумыштан ук озата бара, бу дөнья искиткеч матур, аны күреп булмый, әмма ишетергә һәм тоярга мөмкин.

 Артистларның  эчтәлекле, матур номерлары, алар арасында музыка коралларында уйнау, ансамбль һәм ялгыз җыр, биюләр тамашачы тарафыннан җылы кабул ителде.. Классик халык һәм заманча музыкаль әсәрләр башкарылды. Артистларның һәр номерын сәхнәдән көчле алкышлар белән озаттылар. Концерт программасы барлык катнашучыларга елмаю һәм яхшы, күтәренке кәеф бүләк итте.

Явлаштау авыл китапханәсендә «Вакытлы матбугат илендә» исеме астында балалар журналы һәм газеталарына күзәтү үткәрелде. Очрашуда балалар өчен кызыклы һәм файдалы материаллар тәкъдим ителде. Китапханәче яңа басмалар, аларның уку күнекмәләрен үстерү һәм дөньяга карашны киңәйтү өчен файдасы турында сөйләде. Балаларны кызыксындырырлык темаларга аерым игътибар бирелде. Катнашучыларга киләчәктә уку өчен үзләренең яраткан журналларын һәм газеталарын сайларга тәкъдим итте.

22 ноябрь - сүзлекләр һәм энциклопедияләр көне буларак билгеләп үтелә.

Шул уңайдан 20 ноябрь көнне Шәмәрдән модель һәм балалар китапханәләре Шәмәрдән "Үсеш" лицееның 6 сыйныф укучылары өчен "Сүзлекләр һәм энциклопедияләр фейерверкы" дигән библиографик ревю оештырды.

Чара башында укучылар  командаларга бүленеп, капитаннар сайлады.

Библиографик ревю биш раундтан торды. Командалар тиз арада барлык биремнәргә җаваплар таптылар. Чара бик кызыклы узды.

19 ноябрь көнне Саба район китапханәсендә “Сөембикә”, “Алтын куллар”, “Мишә дулкыннары” клуб берләшмәсенә йөрүче китап укучыларыбыз өчен әниләр көне үткәрелде. Бәйрәмне ҮКС директоры Билалова Ләйсән Рәкыйп кызы бәйрәм котлавы белән башлап җибәрде. Бәйрәм район китапханәчеләре тарафыннан куелган Т.Миңнуллинның «Әниләр һәм бәбиләр» пьесасыннан куелган өзек белән дәвам итте. Чарада Саба үзәк шифаханәсенең 65 яшьтән өлкәнрәк яшьтәге пациентлар белән эшләүче белгеч гериатр Ләйлә Гараповна да катнашты. Ул "Актив озын гомер" темасына әңгәмә үткәрде, өлкән яшьтәгеләргә сәламәт яшәү рәвеше, дөрес туклану буенча киңәшләр бирде. Чараның икенче өлешендә Татарстан журналистлар берлеге әгъзасы Гөлсинә  Галимуллинаның «Ел китабы — 2018» бәйгесендә 3 урын алган «Тау җылысы» әсәренең прототибы Казан шәһәрендә яшәүче Дания ханым Вәлиева катнашты, үз фикерләре белән бүлеште.