ЯҢАЛЫКЛАР

Мостай Кәрим-бөек башкорт шагыйре, язучы, драматург, публицист, гражданин һәм сугышчы, Бөек Ватан сугышында катнашкан, күп кенә хәрби һәм хезмәт орденнары һәм медальләре кавалеры, күренекле җәмәгать эшлеклесе. Башкорт халкының данлыклы улы Мостафа Сафич Кәримов дөнья әдәбияты хәзинәсенә зур өлеш кертте, классик башкорт әдәбияты традицияләрен яңа дәрәҗәгә күтәрде. М.Кәримнең туган көне уңаеннан Олы Кибәче авылы китапханәсендә күргәзмә оештырылды һәм аның буенча әдәби сәгать үткәрелде. Аның шигырьләре укылды.

Китапханәне популярлаштыру кысаларында 2024 елның 25 октябрендә Шәмәрдән модель һәм балалар библитотекасы китапханәчеләре тарафыннан Шәмәрдәннең «Әкият» балалар бакчасында тәрбияләнүчеләр өчен «Китап дәүләтендә» китапханә дәресе үткәрелде. Кыз-Табышмак, Китап һәм Убырлы карчык балалар белән китапханә һәм китаплар, китапханәдә үз-үзеңне тоту кагыйдәләре турында сөйләштеләр. Балалар «Волшебные шарики», «Собери иллюстрацию к сказке», «Доскажи словечко», «Танец маленьких утят» уеннарында бик теләп катнаштылар.

Чара тематик китап күргәзмәсенә күзәтү белән тәмамланды.

Яхшы китап-гомер буе дус. Китапханәнең бурычы-үсеп килүче буында китапка һәм укуга мәхәббәт тәрбияләү, дөньяга карашны һәм кызыксынуны киңәйтү, аларда китапларга сакчыл мөнәсәбәт тәрбияләү.  25 октябрь көнне Саба район китапханәсендә 1 номерлы “Шатлык” балалар бакчасының уртанчы төркеме балалары  өчен  «Китаплар төрле була»  дип исемләнгән әдәби-танып белү сәгате уздырылды. Китапханәчеләр иң зур һәм иң кечкенә, иң акыллы һәм иң тылсымлы китап белән таныштырып, китаплар белән эш итү кагыйдәләрен искә төшерделәр. Чара “Шәм ясау” мастер-классы  һәм “Китапханә” мультфильмын  карау белән тәмамланды.

24 октябрь көнне район китапханәсендә “Иманга илткән юл” проекты кысаларында Мөдәрис хәзрәт Гыймранов белән “Тәрбия баскычлары” исеме астында очрашу узды. Очрашуда гаилә мөнәсәбәтләре, әти – әнигә карата хөрмәт, балаларга дөрес тәрбия бирү темалары яктыртылды. Чарада районыбызның яшь гаиләләре өчен файдалы һәм тәрбияви әңгәмә оештырылды, балалар кызыклы мастер – класста катнаштылар.

 Татар халкының бай мәдәнияте, бәйрәмнәре, гореф-гадәтләре һәм традицияләре бар. Безнең кичәдә без үсеп килүче буында үз халкының традицион мәдәнияте белән кызыксыну һәм ихтирам уятырга, балаларны үз халкының милли ризыклары, бәйрәмнәре, халык иҗаты — биюләре, телдән иҗат — санагычлар, мәкальләр, табышмаклар кебек төшенчәләр белән таныштырырга телибез. Хәрәкәтле уеннар аша әхлакый сыйфатлар формалаштырырга телибез.Шулай ук балаларда туган телне һәм халыкның гореф-гадәтләрен саклауга  кызыксыну уяту. Бүген Олы Кибәче урта мәктәбенең 5-6 класс укучылары «Безнең уен»интеллектуаль уенында көч сынаштылар. Уен укучыларның шәхси үзенчәлекләрен, аларның командада эшләвен, зирәклеген һәм эрудициясен ачарга ярдәм итте.

Бергәләп уку бер гаиләнең берничә буынын берләштереп кенә калмыйча, балаларга китапларны чын-чынлап яратырга да ярдәм итә. Әниләре, әтиләре, бабайлары һәм әбиләре бергә җыелып кычкырып укырга яраткан сабыйлар аралашучан булып үсә, бергәләп уку кебек матур вакыт үткәрүчәнлектән мәхрүм булган яшьтәшләренә караганда яхшырак укый һәм мөстәкыйль рәвештә зур кызыксыну белән укый. 23 октябрь көнне Иштуган авыл китапханәсе мөдире гаилә белән уку китапларына күзәтү үткәрде. Безнең китапханәдә төрле яшьтәге китаплар бар. Чарада «Без укый торган гаилә» дигән китап күргәзмәсе оештырылды, анда балаларның һәм аларның ата-аналарының яраткан китаплары, шулай ук балаларны тәрбияләү турында әдәбият күрсәтелде. Яшь укучылар һәм аларның әти-әниләре әңгәмәдә бик теләп катнаштылар, яраткан язучыларын һәм китапларын искә алдылар, китаплар һәм уку турында мәкальләр әйттеләр, яраткан әсәрләре турында сөйләделәр. Яшь укучылар басмаларның матурлыгын, кызыклы эчтәлеген билгеләп үттеләр.

Саба урман хуҗалыгы тарихы музеенда Саба районының Кызыл Мишә авылыннан «күңелле кыңгырау» туристлык маршрутында катнашучылар булды. Экскурсия барышында кунаклар кызыксынучан булдылар, Саба урман сәнәгате хуҗалыгы алдынгы хезмәткәрләренең портретларын күреп күп кенә сораулар бирделәр, хезмәтләре белән якыннанрак таныштылар

2024 елның 24 октябрендә Шәмәрдән модель һәм балалар китапханәсе Кырбаш авылы клубы белән берлектә өлкәннәр өчен "Ашыгыгыз. Әйдәгез яңа китаплар укыйк!" дип исемләнгән информминутка үткәрделәр. Китап укучылар өчен «Танышыгыз – яңа китаплар» күргәзмәсе оештырылды. Әлеге чараның максаты китап укучыларны яңа китаплар белән таныштыру иде. Типография буяулары исе аңкып торган өр-яңа китаплар беркемне дә битараф калдыра алмыйлар иде. Яңа басмаларның битләрен ачып һәм бу китапларга кызыклы күзәтү ясап, китап укучылар бу китаплардан күпме кызыклы нәрсәләр белергә мөмкин икәнлеген аңладылар.

Саба туган якны өйрәнү музеенда бинаны капиталь ремонтлау эшләре дәвам итә. Гидравлик платформаны һәм мультимедиа җиһазларын көйләү буенча эшләр алып барыла.

22 октябрь көнне Саба район китапханәсендә "Алтын куллар"клубының чираттагы утырышы булды. Катнашучылар өчен " Көзге табигать "темасына әдәби викторина оештырылды.