ЯҢАЛЫКЛАР

26 августта балалар бакчасында тәрбияләнүчеләр өчен “Этләр - тугры дуслар” дигән танып белү сәгате үткәрелде. Кеше һәм этнең дуслыгы меңъеллыкны тәшкил итә. Элек-электән эт кешегә хезмәт итә. Галимнәр хәзерге этнең бабасы бүре булуын исбатлаганнар. «Иң тугры дуслар» чарасында балалар этләр ияләштерүнең ничек булганлыгы, элек-электән кешегә нинди ярдәм күрсәтелгәнлеге турында белделәр. Этләрнең төрле токымнары барлыкка килү, Бөек Ватан сугышы елларында Җиңү якынлашканда этләрнең нинди зур роль уйнавы турында сөйләделәр. Бу хайваннарның кешегә тугрылыгы һәм мәхәббәте беркемне дә битараф калдырмаячак.

  Чара ахырында  балалар бик тырышып «батыр һәм тугры дуслар» ясадылар.

Саба туган якны өйрәнү музеенда бинаны капиталь ремонтлау эшләре дәвам итә.  Янгынга каршы системаны, яктырту приборларын көйләү, шулай ук җылыту радиаторлары рәшәткәләрен урнаштыру эшләре алып барыла.

Террорчылык хәзерге вакытта кешелек җәмгыятенә яный торган зур куркынычларның берсе булып тора.25 августта Сатыш авыл китапханәсендә “Террорчылыкның чикләре юк” дигән темага чара үткәрелде. Чара барышында балалар террорчылык, аның төрләре, максатлары турында таныштылар. Соңгы елларда дөньяда булган террорчылык актларын искә төшерделәр. Китапханәче балаларга теракт куркынычы булган очракта үз- үзеңне тоту кагыйдәләре турында сөйләде. Чарага шулай ук мәгълүмати күргәзмә оештырылган иде.

24 август  көнне Лесхоз мәдәният йорты хезмәткәрләре һәм китапханәсе, Нырты һәм  Сабабаш авыл клубы мөдирләре,  Килдебәк авыл китапханәчесе хезмәткәрләре паркта театраль  экскурсияне тәкъдим итү буенча эшне актив дәвам иттеләр. Бүген  килгән  балалар әлеге чарада актив катнаштылар. Экскурсия бик мавыктыргыч узды, балалар һәм өлкәннәр бик күп якты эмоцияләр алдылар. 

25 августта Татарстан Республикасында Муса Җәлилне һәм аның көрәштәшләрен искә алу көне билгеләп үтелә. Муса Җәлилне һәм аның көрәштәшләрен искә алу көне уңаеннан Олы Кибәче авыл китапханәсендә балалар һәм яшьләр өчен «Без батырлыклар турында укыйбыз, герой булырга хыялланабыз»дигән патриотик сәгать үткәрелде. Күргәзмә ярдәмендә китапханәче Муса Җәлилнең иҗади язмышы, аның китабының барлыкка килү тарихы, шагыйрь һәм аның көрәштәшләренең батырлыгы турында сөйләде. Чара ахырында М.Җәлил шигырьләре яңгырады.

Ел саен 25 августта Татарстан Республикасында Муса Җәлил һәм аның көрәштәшләре истәлеге көне билгеләп үтелә. 79 ел элек бу көнне Берлин бистәсендә, Плетцензее төрмәсендә әсирлеккә эләгеп фашизмга каршы көрәшне дәвам иткән унбер ватандашыбыз җәзалап үтерелә.

 24 августта Җәлилчеләрне искә алу көненә, Казанчы  Бигәнәй авыл китапханәсендә «Үлгәннән соң үлмәслек итеп яшәргә...» дигән истәлек сәгате үткәрелде. Балалар Җәлил һәм аның биографиясеннән күп кенә билгесез фактлар белделәр. Китапханәче Муса Җәлилнең иҗади язмышы, “Моабит дәфтәре” китабының тарихы, шагыйрьнең һәм аның көрәштәшләренең батырлыгы турында сөйләде. Муса Җәлил кыска, ләкин якты гомер кичерде – аның гомере  38 яшендә өзелде. Аның исеме һәм батырлыгы дөньякүләм танылу алды, үлемсез шигырьләр - фашист стеналарында  язылган атаклы "Моабит дәфтәрләре" дөнья халыкларының күп телләренә тәрҗемә ителде. Алар, М. Җәлилнең язмышы кебек үк, Ватанга тугрылык , геройлык  һәм батырлык символы.

1991 елның 22 августында Мәскәүдә Ак йорт өстендә беренче тапкыр рәсми рәвештә өч төсле Россия флагы күтәрелә, ул дәүләт символы сыйфатында Урак һәм чүкеч белән кызыл тукыманы алыштыра. РФ Президентының 1994 елның 20 августындагы указы нигезендә, 22 август дәүләт бәйрәме-Россия Федерациясе Дәүләт флагы көне булды. Әлеге истәлекле дата уңаеннан 23 август көнне Шекше мәдәният йорты һәм авыл китапханәсе хезмәткәрләре "Безнең флаг матур - ак, зәңгәр, кызыл!" дип аталган асфальтта рәсем ясау конкурсы үткәрделәр. Катнашучыларның һәркайсы, төсле акбур белән коралланып, тырышып-тырышып үз уйларын асфальтка күчерде. Флагның символик сурәтләр белән үрелеп барган кызыл, зәңгәр һәм ак полосалары соры бетон өслекне ачык төсләргә каплады. Шулай итеп, бәйрәм конкурс кына түгел, ә чын сәнгать, бердәмлек һәм үз илеңә мәхәббәт бәйрәменә әверелде.

Хәзерге тормыш хәрәкәт һәм темп белән тулы, шуңа күрә урам һәрвакыт "көтелмәгән хәлләр белән тулы". Җәйге каникулларда балалар актив, алар кызыксынучан, аларга бер урында басып торуы кыен. Әмма урамда барыннан да элек балаларга юл-транспорт һәлакәтләре корбаны булмас өчен бик сак булырга кирәк.24 август көнне Ике басу Арташ авыл китапханәсенең мөдире, мәдәният хезмәткәрләре белән берлектә, "Минем дусларым - юл билгеләре" дигән мәгълүмати - танып белү сәгате үткәрде. Әлеге чарада балаларга юл хәрәкәте кагыйдәләре турында искә төшерделәр һәм аларны үтәү зарурлыгына игътибар иттеләр.

Саба туган якны өйрәнү музеенда бинаны капиталь ремонтлау эшләре дәвам итә. Экспозиция модульләрен җыю, мультимедиа җиһазларын көйләү, видео күзәтү камераларын кую эшләре дәвам итә.

Саба урман хуҗалыгы тарихы музеена Кукмара районыннан кунаклар килде. Алар музей һәм аның экспозицияләре белән сокландылар. Мондый мәдәният һәм ял итү урыннары материалны теоретик үзләштерүгә генә ярдәм итеп калмыйча, туган як тарихы һәм безгә кадәр яшәгән кешеләр белән мөстәкыйль һәм ачык танышу мөмкинлеге дә бирә. Экскурсияне тәмамлап, кунакларыбыз  музейны оештыручыларга һәм аның хезмәткәрләренә рәхмәт белдерделәр.