ЯҢАЛЫКЛАР

Явлаштау һәм Шекше авыл китапханәсе хезмәткәрләре Мишәбаш авылындагы китап бирү пунктында «Сәйләннән сумкалар үрү» дигән мастер-класс үткәрделәр. Мастер-класс яңа башлап өйрәнүче кызлар өчен үткәрелде. Катнашучылар сәйләннән сумкалар үрү этапларын һәм нинди ысуллар белән эшләргә мөмкин икәнлеген үзләштерделәр. Чара китапханәләрнең традицион китап белән эшләү кысаларыннан чыгып, җирле халыкны иҗат эшчәнлегенә җәлеп итү үрнәге булды.

Сатыш авылы мәдрәсә музеенда Ш.З.Зиннуров исемендәге Сатыш урта гомумбелем бирү мәктәбенең 7 сыйныф укучылары өчен “Россия матбугаты көне” темасына Россия матбугаты көненә багышланган мәгълүмат  сәгате үткәрелде, ул ел саен 13 гыйнварда билгеләп үтелә һәм журналист һөнәренең әһәмияте һәм мөһимлеге символы булып тора. Музей хезмәткәре Россия матбугатының ничек барлыкка килүе һәм үсеше, үзенең үсешендә нинди этаплар узуы һәм бу өлкәдә нинди казанышларга ирешүе, шулай ук иң танылган журналистлар һәм басмалар турында сөйләде. Чара барышында укучылар Россия матбугаты көне белән бәйле кызыклы фактлар белән таныштылар, үзләрен кызыксындырган сорауларга җаваплар ишеттеләр. Чара ахырында  кызыклы сораулардан торган викторинага  җаваплар язып, белемнәрен тикшерделәр.

15 январь көнне балалар сәнгать мәктәбенең Шәмәрдән филиалы укытучысы Аксанова Л.М. кече хорда "Дикция өстендә эшләү"дигән ачык дәрес үткәрде. Дәреснең максаты-әсәрләрне төгәл һәм аңлаешлы итеп башкару өчен дикцион күнекмәләр тәрбияләү. Дәрестә төрле тиз сөйләшүләр, тартыкларның катлаулы тезмәләренә күнегүләр өйрәнелде. Шулай ук "Музыка" хор әсәренең җыр тексты дикциясе өстендә эш башкарылды. Дәреснең максатлары һәм бурычларына ирешелде.

Саба балалар сәнгать мәктәбендә янгын куркынычсызлыгы кагыйдәләре турындагы белемнәрне арттыру  һәм популярлаштыру буенча даими эш алып барыла . Барысы да утның куркыныч көч икәнен беләләр, ләкин аны ничек булдырмаска икэнен барысы да белми.

 Балаларны куркыныч хәлләрдән чыгарга өйрәтү –  ата-аналарның да, педагогларның да иң мөһим бурычы. Бу максат белән 15.01.2025 конне Мөбарәкҗанова Альбина Зөфәр кызы һәм Султанов Сайдаш  Накип улы янгын куркынычсызлыгы һәм электр куркынычсызлыгы буенча Саба балалар сәнгать мәктәбенең хореография бүлеге 2 класс укучылары белән әңгәмә үткәрделэр. Әңгәмә барышында  балаларга кызыклы гына түгел, ә иң мөһиме-янгын куркынычсызлыгы кагыйдәләрен истә калдырырлык итеп  җентекләп аңлаттылар. Балалар янгын вакытында дөрес гамәлләр күнекмәләрен өйрәнделәр. Укучылар зур кызыксыну белән янгын сүндергечне карадылар һәм ут белән җентекләп эш итәчәкләр дип вәгъдә иттеләр.

Укучылар «Элек һәм хәзер», « Яна-янмый"дидактик уеннарын  уйнадылар , «Нәрсә? Кайда? Кайчан?»викторинасын оештырдылар, табышмаклар чиштеләр.

Әлеге чара нәтиҗәсендэ балалар янгын куркынычсызлыгы турындагы белемнәрен  тирәнәйтте, алган белемнәреннән куркыныч һәм гадәттән тыш хәлләрдә мөстәкыйль файдалана белүне ныгытты.

Иштуган авыл китапханәсе «Каенкай» балалар бакчасында тәрбияләнүчеләр өчен «витаминнар турында нәрсә белергә кирәк»дигән уен-викторина үткәрде. Китапханә мөдире балаларга витаминнарның төрләре һәм тормышыбыздагы һәр витаминның әһәмияте, витаминнарның саклау функциясен үтәве һәм организмның тереклек эшчәнлеген көйләве турында сөйләде. Алар бернинди дә туклыклы кыйммәткә ия түгел, ләкин алардан башка матдәләр алмашы мөмкин түгел. Моннан тыш, алар эшкә сәләтлелекне һәм тонусны күтәрүгә ярдәм итә, шулай ук кәефне яхшырта. Азыкта витаминнар җитмәү дефицитлы халәтләргә китерергә һәм төрле авырулар китереп чыгарырга мөмкин. Һәм әгәр баланслы ашасаң, даруханәдән витаминнарсыз да яшәргә мөмкин. Моның өчен күбрәк яшелчә, җиләк-җимеш, ит, төрле ярма балыклары һәм сөт продуктлары кулланырга кирәк. Балалар чара темасы буенча викторина сорауларына актив җавап бирделәр, табышмакларга җавап бирделәр, «файдалы файдасыз»уены аеруча кәеф күтәрде. Чара азагында һәр катнашучы «витаминнар» белешмәсен алды, тешләре нык, аппетиты яхшы булсын өчен, сирәгрәк салкын тидерергә, көр һәм көчле булсын өчен, нинди яшелчә һәм җиләк-җимеш ашарга кирәклеге турында.

1703 елның 13 гыйнварында Россиядә Петр I указы нигезендә «Ведомости» газетасының беренче саны дөнья күрә. Нәкъ менә шушы тарихи әһәмияткә ия датага Россия матбугаты көне багышланган иде. Бу кәгазь мәгълүмат йөртүчеләр бәйрәме, вакытлы матбугат белән нинди дә булса бәйләнештә булган һәркемнең бәйрәме. Бу көнгә, 14 гыйнвар көнне Шәмәрдән авыл китапханәсендә «Дуслык» клуб берләшмәсе өчен «Мавыктыргыч журналлар дөньясы» инфоманиясе үткәрелде. Китапханәче төрле журналларның кайсы елдан бирле нәшер ителүе, ничек үсүе, аларның һәркайсының кызыклы һәм танылган булуы турында сөйләде. Чара ахырында журналлар укудан файда зур, чөнки алар мәгърифәтчелек әһәмиятенә ия, дөньяга карашны киңәйтергә, укуның сәнгати зәвыгын һәм мәдәниятен формалаштырырга тиеш, дигән нәтиҗә ясадылар.

Татар язучысы, шагыйрь, драматург, прозаик, пьесалар авторы Нәкый Исәнбәтнең (Нәкый Сираҗи улы Закиров, 1899-1992) тууына быел 125 ел тула. Язучының юбилеена, 10 гыйнвар көнне китапханәдә “Нәкый Исәнбәт – комедия остасы” дигән китап күргәзмәсе оештырылды, анда язучының тормышы һәм иҗаты турында материаллар, шулай ук аның «Уракчы кыз», «Бормалы су», «Гармун» шигырьләре тәкъдим ителде. «Татар халык мәкальләре», «татар халык табышмаклары» җыентыклары һәм башкалар. Китапханә хезмәткәрләре тәкъдим ителгән әсәрләргә күзәтү үткәрделәр.

Явлаштау авыл китапханәсе һәм мәдәният йорты китап  укучылар һәм авылның мәдәни тормышында актив катнашучылар белән берлектә СВО өчен оекбаш бәйләүгә керештеләр. Һәркем үз күңеленә хуш килгән эш тапты: кемдер йон эрләү, кемдер бәйләү эшенә алынды.

Форсаттан файдаланып, Нурия Измайлованың 75 еллыгына багышланган «Җирдә кояш илчесе» дигән әдәби сәгать үткәрелде. Бу чаралар безнең мәдәни тормышыбыз һәм бердәмлегебезнең төрле формаларда нәтиҗәгә китерә алу үрнәге булып тора.

Бүген Олы Кибәче авыл китапханәсендә “Ак калфак” хатын- кзлар клуб берләшмәсенә йөрүче ханымнарның беренче утырышы үтте. Алар белән еллык планны расладык. «Сәйләннәрдән чәчкә тезик!» дигән темага әңгәмә үткәрдек.

     Мин беләм, безнең арада фронттагы сугышчылар өчен борчылучылар бик күп. Бу безнең егетләр, ирләр, бу безнең яклаучыларыбыз. Әмма догалардан тыш, сугышчыларга тыл ярдәме кирәк һәм мөһим. ... Иң мөһиме-ярдәм итү теләге. Һәрберебез ярдәм итә ала. Көченә карап. Бүген 13 гыйнварда «Ак калфак» клуб оешмасы әгъзалары  да үзебезнекеләргә ярдәм ит акциясенә кушылып йон оеклар бәйләү өчен материал әзерләү эшен башлап җибәрделәр. Безнең максат: хәзерге вакытта СВОда булган ир –егетләргә, авылдашларыбызга ярдәм итү. Ир – егетләргә йон оеклар кирәклеген  без беләбез һәм барысы да яхшы булыр дип өметләнәбез.

24 гыйнварда Казан шәһәрендә милли республика китапханәсе ачылуга 160 ел тула. Китапханә тарихы 19 гасырдан, 1865 елдан башлана. Татарстан Республикасы Милли китапханәсе - китап хәзинәсе генә түгел, ә милли, республика, рус һәм чит ил басмаларын саклаучы мөһим мәдәни үзәк тә. 12 январь көнне Олы Нырты авыл китапханәсендә балалар һәм яшүсмерләр өчен чаралар үткәрелде. Мәктәпкәчә яшьтәге балалар һәм башлангыч сыйныф укучылары китапханә белән якыннанрак таныштылар: стеллажларны карадылар, китапларның ничек урнаштырылуын белделәр, балалар әдәбияты бүлеге янында тоткарландылар.

Яшүсмерләргә Татарстан Республикасы Милли китапханәсенең барлыкка килү тарихы һәм Фонды турында слайд-мәгълүмат тәкъдим ителде.