ЯҢАЛЫКЛАР

Россия флагы көне-россиялеләрнең барлык буыннары бәйрәме,бөек ил тарихына хөрмәт күрсәтү. Өч төсле байрак Россия дәүләте барлыкка килү белән тыгыз бәйләнгән, ул хәрби җиңүләр һәм казанышлар символына әверелде. Ел саен 22 августта барлык россиялеләр Россия Федерациясенең Дәүләт флагы көнен бәйрәм итәләр. Бу бәйрәм бездә бөек илебез, ватандашларыбыз өчен горурлык хисе уята. Балаларны Россия Федерациясе символлары, аларның билгеләнеше һәм ил гражданины тормышындагы роле белән таныштыру өчен Олы Кибәче авыл китапханәсендә «Безнең триколор»чарасы узды. Балалар Россия Дәүләтенең флагы тарихы белән таныштылар, шулай ук балалар 17 — 19 гасырларда флагның кызыл төсе батырлыкны, иманны саклауны, каһарманлыкны, киң күңеллелекне, фидакарьлекне, утны, үлем сугышын символлаштырганлыгын беләләр; зәңгәр төсе — күк йөзен, тугрылыкны, рухилыкны; ак төсе — тынычлыкны, чисталыкны аңлата.Чараның икенче өлешендә балалар РФ триколорын  альбом битләренә төсле йоннан ясадылар.

Ел саен 22 августта Россиядә Россия Федерациясенең Дәүләт флагы көне билгеләп үтелә. Бу көнне без Ватаныбыз тарихының данлы битләрен искә төшерәбез һәм һәрберебез өчен зур әһәмияткә ия булган символикага мөрәҗәгать итәбез. Тарихны белү бездә Ватанга карата мәхәббәт һәм хөрмәт, шулай ук халкыбыз өчен горурлык тәрбияли. Әлеге мөһим вакыйга уңаеннан Явлаштау авыл китапханәсе мөдире һәм авыл мәдәният йорты хезмәткәрләре балалар өчен «Дәүләт флагы-дан символы»дип исемләнгән мәгълүмати — танып белү сәгате үткәрделәр. Алып баручылар бу датаның тарихы, дәүләт символларының әһәмияте  турында сөйләделәр. Балалар беренче флагның кайчан һәм ни өчен барлыкка килүен, аның безнең ил тарихындагы роле, символик әһәмияте турында белделәр. Аннары балалар «Россия флагы» дигән танып-белү викторинасында катнаштылар. Алар илебез символлары турындагы мәкаль һәм табышмакларга җавап бирделәр. Чара азагында балалар Россия флагын ясадылар.

Ел саен 22 августта Россиядә Россия Федерациясенең Дәүләт флагы көне билгеләп үтелә. Флаг-бердәмлек, суверенитет һәм Ватанның бәйсезлеге символы. 22 август көнне Ике басу Арташ авыл китапханәсенең мөдире мәдәният хезмәткәрләре белән берлектә « Күбәләк» балалар бакчасында тәрбияләнүчеләр белән «Россия данының өч төсе “дигән мастер-класс үткәрде. Эш гадәти булмаган һәм мавыктыргыч иде. Гуаш буяулары, ватман һәм пумала ярдәмендә төп дәүләт символы-флаг ясадылар . Эш барышында балалар белән ватаныбызның барлык төп символлары турында фикер алыштылар һәм искә төшерделәр, флагның барлыкка килү тарихы белән таныштылар, аның төсләренең мәгънәсен белделәр һәм Россия флагы турындагы шигырьләрен искә төшерделәр.

22 августта Россиядә Дәүләт флагы көне билгеләп үтелә. Ул безне Ватан тарихының данлы битләрен искә төшерергә һәм һәрберебез сакларга тиешле символикага тагын бер тапкыр мөрәҗәгать итәргә мәҗбүр итә. Россия гражданнарында дәүләт символларына ихтирам тәрбияләү максатыннан, Россия Федерациясе Дәүләт флагы көнен бәйрәм итү кысаларында, 22 августта Олы Нырты авыл китапханәсе « Китап сөючеләр» клубында катнашучыларны Россиянең өч төсе Могҗизалар кыры интеллектуаль уенына чакырды.   Китапханәче балаларга төп символлар турында сөйләде , флагның барлыкка килү тарихы , ни өчен ул өч төсле, һәр төс нәрсәне аңлата һәм дәүләт флагларының кайда эленүе турында белделәр. Аннары китапханәче уенның төп кагыйдәләрен аңлатты һәм Могҗизалар кыры уенын дәвам итте .Балалар сорауларга мөмкин кадәр күбрәк очко җыярга тырышып җавап бирделәр. Уен актив һәм җанлы узды. Финалда җиңгән Самат супер-уенда катнашты, биремне ул уңышлы үтәде. Чара азагында балаларга Россия символлары турында сөйләүче китаплар белән якыннанрак танышырга киңәш итте.

Саба урман хуҗалыгы тарихы музеенда балалар өчен мәгълүмати лекция үткәрелде. "30 августта нинди бәйрәм үткәрелә?" темасын  сайлау  очраклы түгел, чөнки нәкъ менә шушы көнне  Татарстанда Республика көне һәм Казан шәһәре көне билгеләп үтелә. Музей хезмәткәрләре бәйрәмнең барлыкка килү тарихы һәм бәйрәмне хәзерге вакытта ничек билгеләп үтүләре турында тарихи мәгълүмат җиткерделәр.

Саба районы Миңгәр авылыннан «Тылсымлы кыңгырау» туристлык маршрутында катнашучылар Саба урман хуҗалыгы тарихы музеенда булдылар. Яшь кунаклар  урманчылар династиясе белән кызыксынып, Миңнехановлар гаиләсенә аерым игътибар бирделәр. Күп кенә сораларга җавап таптылар, элеккеге эш кораллары турында да мәгълүмат тупладылар.

1994 елдан башлап ел саен 22 августта Россия Федерациясе Дәүләт флагы көне билгеләп үтелә. "Хөснулла һәм Аллаһияр Вәлиуллиннар исемендәге балалар сәнгать мәктәбе", шулай ук Саба сәнгать мәктәбенең Шәмәрдән филиалы бәйрәм акциясенә кушылды, мәктәпнең тәрәзәләрен бизәде. Балалар  рәсем күргәзмәсендә катнаштылар. Балалар рәсемнәрдә Россия флагының куәтле көчен, аның иреген, дәүләтебезнең байлыгын күрсәттеләр. Рәсемнәрнең төп төсләре, әлбәттә, зәңгәр, кызыл һәм ак, бу Россия Федерациясе флагындагы төсләргә туры килә. Чара балаларда Ватаныбыз һәм Россия флагына зур мәхәббәт, хөрмәт уятты.

Саба туган якны өйрәнү музеенда бинаны капиталь ремонтлау эшләре дәвам итә. Видеокүзәтү камераларын һәм мультимедиа җиһазларын көйләү, экспозиция модульләрен җыю, экспонатларны урнаштыру эше бара.

Саба китапханәсенә йөрүче өлкәннәр төрле тарихи урыннарга сәяхәт итәргә яраталар. 21 август көнне алар бергәләп тагын юлга кузгалдылар. Бу юлы халкыбызның тарихи һәм мәдәни башкаласы булган Казан шәһәренә. Сәяхәт "Игенчеләр сарае"ның бик эчтәлекле музееннан башланды. Элеккеге чордагы эш коралларын күреп, өлкәннәребез яшьлек хатирәләрен яңарттылар, күңелләрендәге истәлекләр белән уртаклаштылар. Казансу яр буе, Казан "Гаилә үзәге", яңа спорт корылмалары, "Әкият" курчак театры, "Туган авылым" комплексы, Иске татар бистәсе, Казан Кремлендә булды өлкәннәребез. Башкалабызның тарихи истәлекләрен барлап, Казанның матурлыгына сокланып, республикабыз белән горурланып кайттылар алар  сәфәрдән. Бер- берсе белән аралашып, гармунга кушылып җырлап, вакыт узганны сизмәделәр дә. Өлкәннәребез үзләренә һәрвакыт игътибарлы һәм кайгыртучан мөнәсәбәттә булган районыбыз җитәкчеләренә, районыбыз башлыгы Рәис Миннихановка,  Саба китапханәсе хезмәткәрләренә, Ветераннар советы рәисе Фәнил Ильясовка олы рәхмәтләрен җиткерделәр.

Саба урман хуҗалыгы тарихы музеена Саба √4 "Кыңгырау" балалар бакчасыннан яшь кунаклар килде. Музей территориясенә кергәндә үк, балалар үзләрен каршы алучы пушка макетына игътибар иттеләр. Ул бик дәрәҗәле, истәлекле бүләк булып тора.  Аларга музей экспозицияләре буенча мавыктыргыч экскурсия үткәрелде.