ЯҢАЛЫКЛАР

2 январь көнне Иштуган авыл китапханәсе мәдәният йорты белән берлектә "Минем күңелле кар бабаем" дигән конкурс-уен программасы үткәрде. Чара барышында тулы бер тарих уйналды. Кар бабайга юлбасар клоуннар һөҗүм иткән, елан үзенең дуслары белән, төрле биремнәрне үтәп, күп кенә яраткан әкиятләр герое - Кар бабайны коткарган. Чара азагында Тылсым булды һәм клоуннар яхшы һәм күңелле клоуннарга әверелде. Балалар вакытларын кызыклы һәм күңелле үткәрделәр. Ә чара азагында барысы да бүләкләр алды.

Кече Кибәче мәдәният хезмәткәрләре " Күңелләргә шатлык өстәп, Яңа ел килде" дигән бал-маскарад үткәрделәр. Чара төрле персонажлар, алып баручылар катнашында музыкаль — театральләштерелгән тамаша белән башланып китте, алар барлык катнашучыларны мавыктыргыч конкурсларда катнашырга чакырды. Мәдәният хезмәткәрләре бәйрәм кичәсенең кызыклы һәм бай программасын әзерләделәр. Бәйрәм Яңа ел белән котлаудан башланды. Ә Кыш бабай белән Кар кызы барысының да шатлыгына килгәч, чын күңел ачу башланды: Кыш бабай белән Кар кызы Яңа ел җырлары һәм биюләре бик күп яңа ел бәйгеләре, күңелле уеннар үткәрделәр. Бәйрәмдә авыл җирлеге башлыгы А.К. Сафин котлау сүзе белән чыгыш ясады.Китапханәче шулай ук котлау сүзе белән чыгыш ясады һәм 2024 елның иң актив гаиләләрен, укучыларын һәм клуб формированиеләрендә катнашучыларны бүләкләде.

Юлбат авыл китапханәсе 2024 елның иң актив укучыларын сайлап алып, китап сәгате үткәрде . Әлеге чара "Күп укысаң – күбрәк беләсең"исеме астында узды. Балаларга бүләкләр тапшырылды. Шулай ук бик күп теләкләр яңгырады, алар арасында китапханәгә ешрак йөрү, күбрәк уку һәм сәламәт булу теләкләре дә бар иде. Чара ахырында "Әдәби алан"проектында актив катнашучыларны бүләкләделәр.

Яңа ел – иң тылсымлы һәм күптән көтелгән бәйрәм, аны һәркем-олылар да, балалар да ярата. 2025 елның 3 гыйнварында Саба балалар сәнгать мәктәбе үзәк мәйданда балалар өчен «Күңелле стартлар»спорт уены оештырды. Катнашучылар җитезлекне, чыдамлыкны, тизлекне һәм команда рухын үстерүче барлык конкурсларда, эстафеталарда актив ярыштылар. Анда 80 бала катнашты. Программа шактый бай булды. Башта балалар өлкәннәр белән бергә чыршы янында әйлән-бәйлән уйнадылар.

Шәмәрдән авыл китапханәсендә «Минем китап йортым – китапханә» дигән китапханә дәресе үткәрелде. Китапханә хезмәткәрләре китапханәче һөнәре турында сөйләделәр, әлеге һөнәрнең үзенчәлекләрен һәм нечкәлекләрен күрсәттеләр. Катнашучылар абонемент, уку залы, формуляр һ.б. нәрсә икәнен белделәр, китапларның урнаштырылуы турында белделәр. Балалар китапханәдә үз-үзеңне тоту кагыйдәләре, китаплар белән ничек мөгамәлә итәргә, нинди китаплар бирелә, ә кайсылары юк һәм нинди вакытка бирелгәнне белделәр. Чараның икенче өлешендә алар яңа китаплар белән таныштылар.

Вакытлы матбугатны уку-заман белән бергә атлау дигән сүз! Өстәвенә, бүгенге журналлар – күз күреме генә, аларны кулыма аласы, актарасы, карыйсы килә! Әмма язылу бәясе хәзер күпләргә өйдә яраткан басмаларын булдырырга мөмкинлек бирми. Шуңа күрә китапханәдә укучылар өчен «яңа матбугат» вакытлы матбугат күргәзмәсе оештырылды . Чара барышында укучылар «Саша и Маша», "Салават күпере","Ежик", "Филлипок", "Мир принцесс" һәм башка кызыклы журналлар белән таныша алдылар.

2 гыйнвар көнне мәдәният йортында китапханә белән берлектә “Яңа ел могҗизасы” дип исемләнгән балалар өчен Яңа ел бәйрәме үткәрелде. Балалар маҗараларның бәйрәм атмосферасына чума, кызыклы конкурсларда катнаша алдылар. Кыш бабай  килгәч, чын бәйрәм башланды: күңелле уеннар, җырлар, чыршы тирәли әйлән-бәйлән уйнадылар. Китапханәче “Әдәби алан” проектында катнашкан балаларга рәхмәтләр әйтеп бүләкләр тапшырды. Бәйрәм эмоциональ, күңелле һәм дәртле узды. Тамашачылар яңа ел тамашасын оештыручыларга һәм катнашучыларга шатлык һәм күтәренке кәеф өчен рәхмәт белдерде.

Яңа ел бәйрәмнәрендә күңелле һәм танып белү уеннары һәрдаим үтеп тора. 2 нче январь көнне Сатыш авыл китапханәсендә “Ура, күңелле каникуллар” дигән темага уеннар оештырылды. Әлеге чараның максаты балаларның күңелен күрү, бер- берсе белән аралаштыру, актив булырга өйрәтү иде. Балалар бик теләп төрле уеннарда катнаштылар. Чара бик күңелле узды, балалар канәгать калдылар һәм төрле бүләкләргә ия булдылар.

Бүген Мишәбаш авыл мәдәният йорты хезмәткәрләре Явлаштау авыл китапханәсе белән берлектә «Кыш бабай күчтәнәчләре» исемле балалар Яңа ел бәйрәме үткәрделәр. Бу чарада оттырышсыз лотерея оештырылды. Барлык катнашучылар да бүләкләрдән канәгать калдылар. Ә суперприз Яппаровлар гаиләсенә эләкте, бу аларның көнен аеруча истә калырлык итте. Бәйрәмдә Кыш Бабай һәм Кар кызы катнашты, алар балаларның һәм өлкәннәрнең күңелен ачты. «Әдәби алан» ның актив катнашучылары бүләкләр, рәхмәт хатлары алдылар. Балалар җырладылар, биеделәр һәм күңел ачтылар, ә бәйрәм азагында рәхәтләнеп мавыктыргыч уеннар уйнадылар.  Бәйрәм бик күңелле үтте.

Каникуллар дәвам итә! Без аны күңелле үткәрәбез.

2 январь көнне Саба балалар сәнгать мәктәбе Шәмәрдән филиалы вокал укытучысы Харрасова Л. А. "Тамчы" вокал - хореографик ансамбле укучыларын репетицияга чакырды.